Anumol Bigg Boss Car: നാല് മാസത്തിന് ശേഷം ബിഗ് ബോസിന്റെ മറ്റൊരു സമ്മാനം, ചിത്രങ്ങൾ പങ്കുവെച്ച് അനുമോൾ
Anumol Bigg Boss Car: മലയാളം ബിഗ് ബോസ് സീസൺ 7ലെ ടൈറ്റിൽ വിന്നറായ താരത്തിന് അനുമോൾക്ക് ആരാധകർ ഏറെയാണ്. ഏകദേശം 57. 3%ലധികം വോട്ട് നേടിയാണ് അനുമോൾ വിജയിച്ചത്. കോൺഫിഡന്റ് ഗ്രൂപ്പ് നൽകിയ 42 ലക്ഷത്തിലധികം രൂപയാണ് സമ്മാനമായി അനുമോൾക്ക് ലഭിച്ചത്.
ബിഗ് ബോസിലൂടെയും സ്റ്റാർമാജിക് പോലുള്ള ടെലിവിഷൻ പ്രോഗ്രാമിലൂടെയുമെല്ലാം ശ്രദ്ധേയമായ താരമാണ് അനുമോൾ എന്ന അനുകുട്ടി. മലയാളം ബിഗ് ബോസ് സീസൺ 7ലെ ടൈറ്റിൽ വിന്നറായ താരത്തിന് ആരാധകർ ഏറെയാണ്. (Image Credit Source : Instagram)
ഏകദേശം 57. 3%ലധികം വോട്ട് നേടിയാണ് അനുമോൾ വിജയിച്ചത്. കോൺഫിഡന്റ് ഗ്രൂപ്പ് നൽകിയ 42 ലക്ഷത്തിലധികം രൂപയാണ് സമ്മാനമായി അനുമോൾക്ക് ലഭിച്ചത്. കൂടാതെ, എല്ലാ മത്സരാർത്ഥികൾക്കും ലഭിച്ച പോലെ ഹൗസിൽ നിന്ന ഒരോ ആഴ്ചയിലെ തുകയും അനുമോൾക്ക് ലഭിച്ചിരുന്നു
50 ലക്ഷമായിരുന്നു വിന്നറുടെ ആകെ പ്രൈസ് മണി. എന്നാൽ, മണി വീക്കിൽ മറ്റ് മത്സരാർത്ഥികൾ കളിച്ച് നേടിയ തുക വിന്നറുടെ പ്രൈസ് മണിയിൽ നിന്നും കുറച്ചിരുന്നു. സമ്മാനത്തുക കൂടാതെ, വിജയിക്ക് മാരുതി സുസുക്കിയുടെ കാർ നൽകുമെന്നും പ്രഖ്യാപനം ഉണ്ടായിരുന്നു.
ഇപ്പോഴിതാ, നാല് മാസത്തിന് ശേഷം ആ സമ്മാനവും അനുവിനെ തേടി എത്തിയിരിക്കുകയാണ്. അനുമോൾ തന്റെ സോഷ്യൽ മീഡിയ വഴിയാണ് പുതിയ വിശേഷം അറിയിച്ചത്. പ്രേക്ഷകർക്കും മാരുതി സുസുക്കി കമ്പനിക്കും നന്ദി അറിയിച്ച്, പങ്ക് വച്ച ചിത്രങ്ങൾ ആരാധകർ ഏറ്റെടുത്ത് കഴിഞ്ഞു.
ഇത് ഒരു കാർ മാത്രമല്ല, എന്റെ പരിശ്രമത്തിന്റെ, വിശ്വാസത്തിന്റെ, നിങ്ങളൊക്കെ നൽകിയ സ്നേഹത്തിന്റെ ഫലം. എന്നെ വിശ്വസിച്ച് വോട്ട് ചെയ്ത് ഇതുവരെ കൊണ്ടുവന്ന എല്ലാ ഓഡിയൻസിനും ഹൃദയം നിറഞ്ഞ നന്ദി, എന്നാണ് അനുമോൾ കുറിച്ചത്.
