BTS: പാട്ടുകാരായിരുന്നില്ലെങ്കിൽ….ബിടിഎസ് താരങ്ങളുടെ മറുപടി ഇങ്ങനെ…
BTS Members: പാട്ടുകാരായിരുന്നില്ലെങ്കിൽ തിരഞ്ഞെടുക്കുമായിരുന്ന ജോലികളെ കുറിച്ച് ബിടിഎസ് താരങ്ങൾ ഇന്റർവ്യൂകളിൽ പറഞ്ഞിട്ടുണ്ട്.
ലോകമെമ്പാടും ആരാധകരുള്ള ദക്ഷിണ കൊറിയൻ ബോയ് ബാൻഡാണ് ബിടിഎസ്. കഠിനാധ്വാനത്തിലൂടെ വിജയങ്ങൾ കീഴടക്കിയ താരങ്ങൾ, പാട്ടുകാരായിരുന്നില്ലെങ്കിൽ തിരഞ്ഞെടുക്കുമായിരുന്ന ജോലികൾ വിവിധ അഭിമുഖങ്ങളിൽ വെളിപ്പെടുത്തിയിട്ടുണ്ട്. (Image Credit: Instagram)
ബിടിഎസിന്റെ ലീഡറും മെയിൻ റാപ്പറുമാണ് കിം നംജൂൺ എന്ന ആർഎം. കെ പോപ്പ് താരമായിരുന്നില്ലെങ്കിൽ ഒരു ബിസിനസ്സുകാരൻ അല്ലെങ്കിൽ സ്ഥിരമായ ഒരു ഓഫീസ് ജോലി ആയിരുന്നു ആർഎമ്മിന്റെ ലക്ഷ്യം. (Image Credit: Instagram)
ഗ്രൂപ്പിന്റെ സിൽവർ വോയിസാണ് ജിൻ എന്ന കിം സോക്ക്ജിൻ. പാട്ടുക്കാരനായിരുന്നില്ലെങ്കിൽ ഒരു നടൻ അല്ലെങ്കിൽ കർഷകനായിരുന്നേക്കാം എന്നാണ് ജിൻ ഇന്റർവ്യൂകളിൽ പറഞ്ഞിട്ടുള്ളത്. (Image Credit: Instagram)
ബിടിഎസിന്റെ റാപ്പറും പ്രൊഡ്യൂസറുമാണ് ഷുഗ എന്ന മിൻ-യൂൺഗി. ഷുഗയും കെ പോപ്പ് താരമായിരുന്നില്ലെങ്കിൽ താൻ ഒരു സംഗീത നിർമ്മാതാവ്/രചയിതാവ് ആകുമായിരുന്നെന്ന് പറഞ്ഞിട്ടുണ്ട്. (Image Credit: Instagram)
ബിടിഎസിന്റെ പ്രധാന ഡാൻസറാണ് ജെ-ഹോപ്പ് എന്ന ജങ് ഹോ-സിയോക്ക്. ഒരു ഡാൻസർ അല്ലെങ്കിൽ ടെന്നീസ് കളിക്കാരൻ ആവുകയെന്നതായിരുന്നു താരത്തിന്റെ ലക്ഷ്യം. ഡാൻസിനോട് ചെറുപ്പം മുതലേ അതിയായ ഇഷ്ടമുണ്ടായിരുന്നു. (Image Credit: Instagram)
ബിടിഎസിന്റെ വിഷ്വലും ഗായകനുമാണ് കിം തെഹ്യുങ് എന്ന വി. ചെറുപ്പത്തിൽ താനൊരു കർഷകൻ ആകാനോ അല്ലെങ്കിൽ ഒരു സാക്സഫോണിസ്റ്റ് ആകാനോ ആണ് ആഗ്രഹിച്ചിരുന്നതെന്ന് വി പറഞ്ഞിട്ടുണ്ട്. (Image Credit: Instagram)
ഒരു പോലീസ് ഉദ്യോഗസ്ഥൻ അല്ലെങ്കിൽ ഡാൻസർ ആകണമെന്നായിരുന്നു ജിമിൻ എന്ന പാർക്ക് ജിമിന്റെ ആഗ്രഹം. തന്റെ ഈ ആഗ്രഹത്തെ പറ്റി നിരവധി ഇന്റർവ്യൂകളിൽ ജിമിൻ പറഞ്ഞിട്ടുണ്ട്. ഗ്രൂപ്പിന്റെ മെയിൻ ഡാൻസറാണ് താരം. (Image Credit: Instagram)
ബിടിഎസിലെ സകലകല വല്ലഭനാണ് ജെകെ എന്ന ജിയോൺ ജംഗ്കൂക്ക്. ഒരു അത്ലറ്റ് അല്ലെങ്കിൽ പ്രൊഫഷണൽ ഗെയിമർ ആകാനായിരുന്നു ഗ്രൂപ്പിന്റെ മെയിൻ ഗായകന്റെ ആഗ്രഹവും. (Image Credit: Instagram)
