BTS: ഈ ഏഴ് പേർ ചേർന്നാൽ…പിന്നെ പറയണോ? ഞെട്ടിച്ച് ബിടിഎസ്; ട്രെയിലർ പുറത്ത്
BTS Arirang Concert Trailer Out: ദീർഘനാളത്തെ ഇടവേളയ്ക്ക് ശേഷം കെ-പോപ്പ് ഇതിഹാസങ്ങളായ ബിടിഎസ് തിരിച്ചെത്തുന്നു. ഏഴ് പേരും ഒന്നിക്കുന്ന 'ദി കംബാക്ക് ലൈവ്: അരിരംഗ്' എന്ന കൺസേർട്ടിന്റെ ട്രെയിലർ പുറത്തിറങ്ങി.
ലോകമെമ്പാടുമുള്ള ആരാധകർ കാത്തിരുന്ന ആ ദിവസം വന്നെത്തി. ഇനി ബിടിഎസ്-ന്റെ നാളുകളാണ്. ദീർഘനാളത്തെ ഇടവേളയ്ക്ക് ശേഷം കെ-പോപ്പ് ഇതിഹാസങ്ങളായ ബിടിഎസ് തിരിച്ചെത്തുന്നു. ഏഴ് പേരും ഒന്നിക്കുന്ന 'ദി കംബാക്ക് ലൈവ്: അരിരംഗ്' (The Comeback Live: Arirang) എന്ന കൺസേർട്ടിന്റെ ട്രെയിലർ പുറത്തിറങ്ങി.
നെറ്റ്ഫ്ലിക്സ് ആണ് ട്രെയിലർ പുറത്തിറക്കിയത്. മാർച്ച് 20-ന് പുറത്തിറങ്ങുന്ന പുതിയ ആൽബമായ ‘അരിരംഗിന്’ പിന്നാലെ മാർച്ച് 21-ന് സിയോളിലെ ഗ്വാങ്‌വാമുനിൽ ആണ് കോൺസർട്ട് അരങ്ങേറുന്നത്. നേരിട്ട് കാണാൻ സാധിക്കാത്ത ആരാധകർക്ക് നെറ്റ്ഫ്ലിക്സിന്റെ വക തത്സമയ സംപ്രേക്ഷണവുമുണ്ട്.
"ഏഴുപേരും ഒന്നിച്ചാൽ ഞങ്ങൾക്ക് എന്തും ചെയ്യാൻ സാധിക്കും" എന്ന ബിടിഎസ് ലീഡർ ആർഎമ്മിന്റെ ശബ്ദത്തോടെയാണ് ട്രെയിലർ ആരംഭിക്കുന്നത്. ആരാധകർക്ക് നൽകിയ വാക്ക് പാലിച്ചിരിക്കുകയാണെന്നും എല്ലാവരെയും ഒരുപാട് മിസ്സ് ചെയ്തെന്നും താരങ്ങൾ ട്രെയിലറിൽ സംസാരിക്കുന്നുണ്ട്.
ആർമിയുടെ പ്രിയപ്പെട്ട ഗാനമായ ‘മൈക്രോകോസ്മോസ്’ പശ്ചാത്തലത്തിൽ ഉൾപ്പെടുത്തിയ ട്രെയിലർ എത്തിയത്. മാർച്ച് 27-ന് ആൽബം നിർമ്മാണത്തിന്റെ പിന്നാമ്പുറ കാഴ്ചകൾ ഉൾപ്പെടുത്തിയ ‘ബിടിഎസ്: ദി റിട്ടേൺ’ എന്ന ഡോക്യുമെന്ററിയും റിലീസ് ചെയ്യുന്നതാണ്.
'ബിടിഎസ് ഈസ് ബാക്ക്' എന്ന ഹാഷ്‌ടാഗ് ഇതിനോടകം തന്നെ ട്രെൻഡിങ്ങായി മാറിയിട്ടുണ്ട്. കൺസേർട്ടിന് പിന്നാലെ 34 നഗരങ്ങളിലായി 82 ഷോകൾ ഉൾപ്പെടുന്ന വമ്പൻ ലോക പര്യടനത്തിനും ബിടിഎസ് തയ്യാറെടുക്കുന്നുണ്ട്. (Image Credit: Social Media)
