Coconut Oil Price: വിലയിൽ നോ കോംപ്രമൈസ്, വെളിച്ചെണ്ണ ലാഭത്തിൽ വാങ്ങാൻ ഇതേയുള്ളു വഴി
Coconut Oil Price in Kerala: വിപണിയിൽ വ്യാജന്മാരും ഇറങ്ങിയിട്ടുണ്ട്. തമിഴ്നാട് കേന്ദ്രീകരിച്ചുള്ള വൻകിട ലോബിയാണു വിപണിയിൽ വ്യാജ വെളിച്ചെണ്ണ വിൽക്കുന്നത്.
കേരളത്തിൽ വെളിച്ചെണ്ണ വിലയിൽ ഏറ്റക്കുറച്ചിലുകൾ തുടരുന്നു. കിലോയ്ക്ക് 350-370 രൂപയിലാണ് നിലവിലെ വ്യാപാരം. സ്ഥലങ്ങൾക്കനുസരിച്ച് വിലയിൽ മാറ്റം വരുന്നുണ്ട്. കിലോയ്ക്ക് അഞ്ഞൂറ് രൂപ വരെ ഉയർന്ന വിലയാണ് മൂന്നൂറിലേക്ക് താഴ്ന്നത്.
അതേസമയം വിപണിയിൽ വ്യാജന്മാർ ഇറങ്ങിയിട്ടുണ്ട്. തമിഴ്നാട് കേന്ദ്രീകരിച്ചുള്ള വൻകിട ലോബിയാണു വിപണിയിൽ വ്യാജ വെളിച്ചെണ്ണ വിൽക്കുന്നത്. തമിഴ്നാട്ടിലെ മൊത്തക്കച്ചവടക്കാരിൽ നിന്നു വാങ്ങുന്ന വ്യാജ വെളിച്ചെണ്ണ ഏജന്റുമാർ വഴി കേരളത്തിലെ കടകളിൽ എത്തുന്നു.
ഒരുകിലോ കൊപ്രയ്ക്ക് 220 രൂപ വിലയുള്ളപ്പോൾ വ്യാജ വെളിച്ചെണ്ണ ലീറ്ററിന് 200 – 260 രൂപ നിരക്കിലാണ് വിൽക്കുന്നത്. നല്ല പാക്കറ്റുകളിൽ പല പേരുകളിലാണ് വ്യാജ വെളിച്ചെണ്ണ ഓഫർ എന്ന പേരിൽ എത്തുന്നത്.
എന്നാൽ ശുദ്ധമായ വെളിച്ചെണ്ണ വാങ്ങാനും വഴിയുണ്ട്. സപ്ലൈകോ വഴി കുറഞ്ഞ വിലയിൽ വെളിച്ചെണ്ണ വാങ്ങാൻ കഴിയും. സപ്ലൈകോ ശബരി സബ്സിഡി വെളിച്ചെണ്ണയുടെ വില ലിറ്ററിന് 289 രൂപയായി കുറച്ചിട്ടുണ്ട്.
ഒരു ലിറ്റര്‍ ശബരി നോണ്‍ സബ്സിഡി വെളിച്ചെണ്ണയുടെ വില 309 രൂപയായി കുറയ്ക്കാനും സര്‍ക്കാര്‍ അനുമതി നല്‍കിയിട്ടുണ്ട്. 1 ലിറ്റർ കേര വെളിച്ചെണ്ണ പാക്കറ്റിന്റെ വില 424 രൂപയിൽ നിന്ന് 375 രൂപയായിട്ടും കുറച്ചിട്ടുണ്ട്. (Image Credit: Getty Images)
