അമ്പട കുഞ്ഞാപ്പീ! 180 ഗ്രാം ഭാരം, 6.1 മില്ലീമീറ്റർ നീളം; സാംസങ് ഗാലക്സി Z ഫ്ലിപ്പ് 8 ഇന്ത്യയിൽ എത്തി
Samsung Galaxy Z Flip 8 launched in India: സാംസങ് ഗാലക്സി Z ഫ്ലിപ്പ് 8 ഇന്ത്യയിൽ ലോഞ്ച് ചെയ്തു. ഇതിന്റെ 12GB+256GB വേരിയന്റിന് 1,24,999 രൂപയും 12GB+512GB വേരിയന്റിന് 1,44,999 രൂപയുമാണ് വില. ഓഗസ്റ്റ് 8 മുതൽ ആണ് വിൽപ്പന ആരംരിക്കുക. നിലവിൽ പ്രീ ബുക്കിങ് സാധ്യമാണ്. വിൽപ്പന ആരംഭിക്കുന്നതിന്റെ ഭാഗമായി ആകർഷകമായ ലോഞ്ച് ഓഫറുകളും ഇതിന് ലഭ്യമാകും.
സാംസങ് അൺപാക്ക്ഡ് ഇവന്റ് 2026ൽ പുതിയ സാംസങ് ഫോൾഡബിൾ സ്മാർട്ട്ഫോണുകൾ ഇന്ത്യയിലും ആഗോള തലത്തിലും ലോഞ്ച് ചെയ്തു. അതിൽ രണ്ട് ഫോൾഡ് ഫോണുകളും ഒരു ഫ്ലിപ്പ് മോഡലും ഉൾപ്പെടുന്നു. സാംസങ് ഗാലക്സി Z ഫ്ലിപ്പ് 8 (Samsung Galaxy Z Flip8) എന്നാണ് പുതിയതായി ലോഞ്ച് ചെയ്ത ഫ്ലിപ്പ് മോഡലിന്റെ പേര്. ഇതിന് 180 ഗ്രാം ഭാരം, 6.1 മില്ലീമീറ്റർ നീളവുമാണ് ഉള്ളത്.
ഡിസ്പ്ലേ: ഇതിലെ മെയിൻ സ്ക്രീൻ 6.9-ഇഞ്ച് ഫുൾ HD+ (2520 x 1080 പിക്സലുകൾ) 21.9 ഡൈനാമിക് AMOLED 2X ഇൻഫിനിറ്റി ഫ്ലെക്സ് ഡിസ്പ്ലേയുമായി എത്തിയിരിക്കുന്നു. ഇതിന് 1~120Hz അഡാപ്റ്റീവ് റിഫ്രഷ് റേറ്റ്, 400ppi ഫീച്ചറുകളുമുണ്ട്. കവർ സ്ക്രീൻ 4.1-ഇഞ്ച് (1048 x 948 പിക്സലുകൾ) സൂപ്പർ AMOLED ഡിസ്പ്ലേയുമായി എത്തിയിരിക്കുന്നു. 60Hz / 120Hz റിഫ്രഷ് റേറ്റ്, 342PPI എന്നിവ ഇതിനുണ്ട്.
കരുത്ത്: 3.8GHz ഡെക്കാ-കോർ എക്സിനോസ് 2600 2nm പ്രോസസർ ആണ് ഈ ഫ്ലിപ്പ് മോഡലിന്റെ കരുത്ത്. Xclipse 960 GPU, 12GB റാം, 256GB / 512GB സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 17 അടിസ്ഥാനമാക്കിയുള്ള വൺ യുഐ 9-ലാണ് ഗാലക്സി ഇസഡ് ഫ്ലിപ്പ് 8 പ്രവർത്തിക്കുന്നത്.
ക്യാമറ: ഡ്യുവൽ റിയർ ക്യാം ഇതിലുണ്ട്. അതിൽ 50 MP വൈഡ് ക്യാമറ (f/1.8, 1.0μm, OIS), 12MP അൾട്രാ-വൈഡ് ക്യാമറ (f/2.2, 123° 1.12 μm) എന്നിവ അടങ്ങുന്നു. 60fps വരെ 4K വീഡിയോ റെക്കോഡിങ് പിന്തുണയും ഉണ്ട്. ഫ്രണ്ടിൽ 10MP (f/2.2, 85˚ 1.12μm) സെൽഫി ക്യാമറയാണ് ഉള്ളത്.
ബാറ്ററിയും മറ്റ് ഫീച്ചറുകളും: 25w ഫാസ്റ്റ് ചാർജിംഗുള്ള 4,300mAh ബാറ്ററി, 15W Qi വയർലെസ് ചാർജിംഗ്, വയർലെസ് പവർഷെയർ റിവേഴ്സ് വയർലെസ് ചാർജിംഗ് എന്നിവ ഇതിലുണ്ട്. ഒരു eSIM, ഒരു നാനോ സിമ്മും ഈ ഫോൺ പിന്തുണയ്ക്കും. 5G, 4G കണക്ടിവിറ്റി, IP48 റേറ്റിങ്, USB ടൈപ്പ്-C ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്മോസ് എന്നീ ഫീച്ചറുകളും ഇതിലുണ്ട്.
വിലയും ലഭ്യതയും: സാംസങ് ഗാലക്സി Z ഫ്ലിപ്പ് 8 5ജിയുടെ 12GB+256GB വേരിയന്റിന് 1,24,999 രൂപയും 12GB+512GB വേരിയന്റിന് 1,44,999 രൂപയുമാണ് വില. ലോഞ്ച് ഓഫറിന്റെ ഭാഗമായി 5000 രൂപ അപ്ഗ്രേഡ് ഡിസ്കൗണ്ട് അല്ലെങ്കിൽ 4000 രൂപ ബാങ്ക്/യുപിഐ ഡിസ്കൗണ്ട് ലഭ്യമാകും. ഓഗസ്റ്റ് 8 മുതൽ ആണ് വിൽപ്പന ആരംരിക്കുക. നിലവിൽ പ്രീ ബുക്കിങ് സാധ്യമാണ്.
