India vs England ODI: രോഹിതിന് ഗംഭീറിന്റെ രഹസ്യ സന്ദേശം! ഇന്ത്യന് പരിശീലകന്റെ നിര്ണായക നീക്കം
Gautam Gambhir’s batting advice to Rohit Sharma: ഇംഗ്ലണ്ടിനെതിരെയുള്ള ഏകദിന പരമ്പരയിൽ രോഹിത് ശർമ്മയ്ക്ക് സ്വാഭാവിക ശൈലിയിൽ കളിക്കാൻ പരിശീലകൻ ഗൗതം ഗംഭീർ പൂർണ്ണ സ്വാതന്ത്ര്യം നൽകിയതായി റിപ്പോർട്ട്. പരമ്പരയിലുടനീളം താരം തികച്ചും ശാന്തമായ മാനസികാവസ്ഥയിലാണെന്ന് ഉറപ്പാക്കാനാണ് മാനേജ്മെന്റ് ശ്രമിക്കുന്നതെന്നും റിപ്പോർട്ട്.
ഇംഗ്ലണ്ടിനെതിരെയുള്ള ഏകദിന പരമ്പരയിൽ രോഹിത് ശർമ്മയ്ക്ക് സ്വാഭാവിക ശൈലിയിൽ കളിക്കാൻ പരിശീലകൻ ഗൗതം ഗംഭീർ പൂർണ്ണ സ്വാതന്ത്ര്യം നൽകിയതായി റിപ്പോർട്ട്. പരമ്പരയിലുടനീളം താരം തികച്ചും ശാന്തമായ മാനസികാവസ്ഥയിലാണെന്ന് ഉറപ്പാക്കാനാണ് മാനേജ്മെന്റ് ശ്രമിക്കുന്നതെന്നും ഇന്ത്യാ ടുഡേ റിപ്പോര്ട്ട് ചെയ്തു. ഇംഗ്ലണ്ടിനെതിരായ ഒന്നാം ഏകദിന മത്സരത്തിൽ രോഹിതിന് മികച്ച പ്രകടനം പുറത്തെടുക്കാൻ സാധിച്ചിരുന്നില്ല. 21 പന്തുകളില് നിന്ന് 11 റണ്സെടുത്ത് പുറത്തായി (Image Credit Source: PTI).
സാം കറന്റെ പന്തില് ഹാരി ബ്രൂക്കിന് ക്യാച്ച് നല്കിയാണ് രോഹിത് പുറത്തായത്. ഒരു ബൗണ്ടറി നേടാനെ താരത്തിന് സാധിച്ചുള്ളൂ. 2027-ലെ ഏകദിന ലോകകപ്പിനെക്കുറിച്ചുള്ള ചോദ്യങ്ങളും ഭാവിയെക്കുറിച്ചുള്ള ആശങ്കകളും മാറ്റിവെച്ച്, സ്വാഭാവിക ശൈലിയിൽ ആത്മവിശ്വാസത്തോടെ കളിക്കാനാണ് ഗംഭീർ രോഹിതിനോട് ആവശ്യപ്പെട്ടിരിക്കുന്നതെന്ന് അടുത്ത വൃത്തങ്ങൾ ഇന്ത്യ ടുഡേയോട് വെളിപ്പെടുത്തി. പരിമിത ഓവർ ക്രിക്കറ്റിൽ ടീമിനായി രോഹിത് ഒരുപാട് കാര്യങ്ങൾ ചെയ്തിട്ടുണ്ടെന്ന് ടീമുമായി ബന്ധപ്പെട്ട വൃത്തങ്ങൾ ചൂണ്ടിക്കാണിക്കുന്നു.
യാതൊരുവിധ സമ്മർദ്ദവുമില്ലാതെ, സ്വതന്ത്രമായി ബാറ്റ് ചെയ്യാനാണ് കോച്ച് അദ്ദേഹത്തോട് ആവശ്യപ്പെട്ടിരിക്കുന്നത്. നിലവിലെ സാഹചര്യത്തിൽ കടുത്ത സമ്മർദ്ദത്തിലാണ് രോഹിത് ബാറ്റ് ചെയ്യുന്നത്. രോഹിത് ശർമ്മയെപ്പോലെ ഉയർന്ന നിലവാരമുള്ള താരങ്ങള്ക്ക് പുറത്തുനിന്നുള്ള സമ്മർദ്ദങ്ങളിൽ നിന്ന് മുക്തി നേടുമ്പോഴും, സ്വന്തം സ്വാഭാവികമായ കളിശൈലിയിൽ വിശ്വസിക്കാൻ സാധിക്കുമ്പോഴും മാത്രമാണ് മികച്ച പ്രകടനം പുറത്തെടുക്കാൻ കഴിയുക. നിരന്തരമായ വിമർശനങ്ങൾക്കും സൂക്ഷ്മപരിശോധനകൾക്കും വിധേയനാകുന്നതിനേക്കാൾ, അദ്ദേഹത്തിന് ഇപ്പോൾ വേണ്ടത് കുറച്ച് സമയവും സമാധാനപരമായ മാനസികാവസ്ഥയുമാണെന്ന് ടീമുമായി ബന്ധപ്പെട്ട വൃത്തങ്ങൾ കൂട്ടിച്ചേർത്തു.
ഓരോ ഇന്നിംഗ്സിനെയും അമിതമായി വിശകലനം ചെയ്ത് കുറ്റപ്പെടുത്തുന്നതിന് പകരം, വർഷങ്ങളായി ഇന്ത്യയ്ക്കായി മികച്ച സംഭാവനകൾ നൽകിയ ഒരാളെ പൂർണ്ണമായി പിന്തുണയ്ക്കുകയാണ് വേണ്ടത്. രോഹിത് ശർമ്മയ്ക്ക് ഒറ്റയ്ക്ക് കളി തിരിക്കാനുള്ള ശേഷിയുണ്ട്. ചില സമയങ്ങളിൽ സാങ്കേതികമായ തിരുത്തലുകളേക്കാൾ പ്രധാനം കളിക്കാരിലുള്ള വിശ്വാസവും ക്ഷമയുമാണെന്നും റിപ്പോർട്ടിൽ പറയുന്നു. രോഹിതിന്റെ ഭാവിയെക്കുറിച്ച് വലിയ രീതിയിലുള്ള ചർച്ചകളാണ് നടക്കുന്നത്.
വരാനിരിക്കുന്ന ലോകകപ്പിനുള്ള ടീമിനെ ഒരുക്കുമ്പോൾ സീനിയർ താരങ്ങൾക്ക് അപ്പുറത്തേക്ക് പുതിയൊരു നിരയെ മാനേജ്മെന്റ് ചിന്തിക്കുന്നുണ്ടെന്ന തരത്തിലും ചില റിപ്പോർട്ടുകൾ വന്നിരുന്നു. 2027-ൽ ലോകകപ്പ് ആരംഭിക്കുമ്പോൾ രോഹിത് ശർമ്മയ്ക്ക് 41 വയസ്സ് തികയും. കളിക്കളത്തിൽ പൂർണ്ണ സ്വാതന്ത്ര്യം ലഭിക്കുന്നത് രോഹിതിന് തന്റെ ഏറ്റവും മികച്ച കളി പുറത്തെടുക്കാൻ സഹായിക്കുമെന്നാണ് മാനേജ്മെന്റിന്റെ വിലയിരുത്തൽ. രോഹിത് സൃഷ്ടിക്കുന്ന സ്വാധീനം പരമാവധി പ്രയോജനപ്പെടുത്താനാണ് ഗൗതം ഗംഭീർ ലക്ഷ്യമിടുന്നത്.
