Ghee Benefits: കൊഴുപ്പല്ല, അമൃതാണ്! നെയ്യ് വേണ്ടെന്ന് വെക്കരുത്; ഭക്ഷണത്തിൽ നെയ്യ് ഉൾപ്പെടുത്തേണ്ടതിൻ്റെ കാരണങ്ങൾ
Ghee Health Benefits: നെയ്യിൽ ബ്യൂട്ടിറിക് ആസിഡ് എന്നാരു സംയുക്തം അടങ്ങിയിട്ടുണ്ട്. ഇത് കുടലിൻ്റെ ആരോഗ്യത്തിന് അത്യുത്തമമാണ്. കൂടാതെ ദഹനം സുഗമമാക്കുകയും മലബന്ധം പോലുള്ള പ്രശ്നങ്ങൾ ഇല്ലാതാക്കാൻ സഹായിക്കുകയും ചെയ്യുന്നു. നിരന്തരം ഗ്യാസ്ട്രബിൾ അലട്ടുന്നവർ ഭക്ഷണത്തിൽ കുറച്ച് നെയ്യ് ചേർക്കുന്നത് വലിയ ആശ്വാസം നൽകും.
നെയ്യ് കഴിക്കുന്നത് ശരീരത്തിൽ കൊഴുപ്പ് കൂടുന്നതിന് കാരണമാകുമെന്ന് കരുതുന്നവരാണ് നമ്മളിൽ ഭൂരിപക്ഷവും. എന്നാൽ അത് വെറുമൊരു കൊഴുപ്പല്ല, മറിച്ച് നമ്മുടെ ശരീരത്തിന് ഊർജ്ജവും പ്രതിരോധശേഷിയും നൽകുന്ന ഒരു സൂപ്പർഫുഡാണ്. ഭക്ഷണത്തിൽ നെയ്യ് പ്രധാനമായും ഉൾപ്പെടുത്തണമെന്ന് പറയുന്നതിൻ്റെ കാരണങ്ങൾ എന്തെല്ലാമെന്ന് അറിയാം. (Image Credits: Getty Images)
നെയ്യിൽ ബ്യൂട്ടിറിക് ആസിഡ് എന്നാരു സംയുക്തം അടങ്ങിയിട്ടുണ്ട്. ഇത് കുടലിൻ്റെ ആരോഗ്യത്തിന് അത്യുത്തമമാണ്. കൂടാതെ ദഹനം സുഗമമാക്കുകയും മലബന്ധം പോലുള്ള പ്രശ്നങ്ങൾ ഇല്ലാതാക്കാൻ സഹായിക്കുകയും ചെയ്യുന്നു. നിരന്തരം ഗ്യാസ്ട്രബിൾ അലട്ടുന്നവർ ഭക്ഷണത്തിൽ കുറച്ച് നെയ്യ് ചേർക്കുന്നത് വലിയ ആശ്വാസം നൽകും.
നെയ്യ് കഴിച്ചാൽ തടി കൂടും എന്നത് ഒരു തെറ്റായ ധാരണയാണെന്നാണ് പഠനങ്ങൾ പറയുന്നത്. നെയ്യിലെ സിഎൽഎ (Conjugated Linoleic Acid) ശരീരത്തിലെ കൊഴുപ്പ് ഇല്ലാതാക്കാൻ സഹായിക്കുന്നു. ഇതിലെ മീഡിയം ചെയിൻ ഫാറ്റി ആസിഡുകൾ ശരീരത്തിന് പെട്ടെന്ന് ഊർജ്ജം നൽകുകയും അമിതമായ വിശപ്പ് ഇല്ലാതാക്കുകയും ചെയ്യുന്നു.
വിറ്റാമിൻ എ, ഡി, ഇ, കെ എന്നിവയുടെ സമ്പന്നമായ ഉറവിടമാണ് ശുദ്ധമായ പശുവിൻ നെയ്യ്. ഇവ കൊഴുപ്പിൽ ലയിക്കുന്ന വിറ്റാമിനുകൾ ആയതിനാൽ, ഭക്ഷണത്തോടൊപ്പം നെയ്യ് ചേർക്കുന്നത് ഈ പോഷകങ്ങൾ ശരീരം ആഗിരണം ചെയ്യുന്നത് എളുപ്പമാക്കുന്നു. കാഴ്ചശക്തി വർദ്ധിപ്പിക്കാനും അസ്ഥികളുടെ ആരോഗ്യത്തിനും ഏറ്റവും നല്ലതാണ്.
മറ്റൊരു കാര്യമെന്തെന്നാൽ, മിതമായ അളവിൽ നെയ്യ് കഴിക്കുന്നത് ഹൃദയത്തിനും ഗുണം ചെയ്യും. ഇതിൽ ഒമേഗ-3 ഫാറ്റി ആസിഡുകളും ആരോഗ്യകരമായ കൊഴുപ്പുകളും അടങ്ങിയിട്ടുണ്ട്, ഇത് കൊളസ്ട്രോൾ അളവ് സന്തുലിതമാക്കാൻ സഹായിക്കുന്നു. ഇതിന്റെ ആന്റിഓക്സിഡന്റ് ഗുണങ്ങൾ ധമനികളിൽ കൊഴുപ്പ് അടിഞ്ഞുകൂടുന്നത് തടയാനും നല്ലതാണ്.
