Gold Rate: ഈ മാസം തന്നെ സ്വര്ണവില 1 ലക്ഷം കടക്കും; 2026ല് പിന്നെ നോക്കേണ്ടാ
Gold Price Prediction 2026: സ്വര്ണവില വര്ധിക്കുന്നതിന് അനുസരിച്ച് അതില് നിക്ഷേപിക്കുന്നവരുടെ എണ്ണവും വര്ധിക്കുകയാണ്. സുരക്ഷിതമായ നിക്ഷേപം എന്ന നിലയിലാണ് ഭൂരിഭാഗം ആളുകളും സ്വര്ണത്തെ പരിഗണിക്കുന്നത്.
ഈ വര്ഷം മാത്രം 40 ശതമാനത്തിലധികമാണ് സ്വര്ണവില വര്ധിച്ചത്. കൊവിഡിന് ശേഷം സ്വര്ണത്തിലുണ്ടായ ഡിമാന്ഡ് കഴിഞ്ഞ മൂന്ന് വര്ഷമായി വിലയെ അത്യുന്നതങ്ങളില് എത്തിച്ചു. സെന്ട്രല് ബാങ്കുകള് സ്വര്ണം വാങ്ങിക്കൂട്ടുന്നതും യുഎസ് കേന്ദ്ര ബാങ്കിന്റെ തീരുമാനങ്ങളുമെല്ലാം വിലയില് പ്രതിഫലിക്കുന്നുണ്ട്. (Image Credits: Getty Images)
എന്നാല് സ്വര്ണവില വര്ധിക്കുന്നതിന് അനുസരിച്ച് അതില് നിക്ഷേപിക്കുന്നവരുടെ എണ്ണവും വര്ധിക്കുകയാണ്. സുരക്ഷിതമായ നിക്ഷേപം എന്ന നിലയിലാണ് ഭൂരിഭാഗം ആളുകളും സ്വര്ണത്തെ പരിഗണിക്കുന്നത്. ആഭരണങ്ങള്ക്ക് പുറമെ ഇടിഎഫുകള്, ഡിജിറ്റല് എന്നിങ്ങനെയും സ്വര്ണത്തിന് ആവശ്യകതയേറുന്നുണ്ട്.
ഗോള്ഡ്മാന് സാച്ച്സ് റിസര്ച്ച് പുറത്തുവിട്ട റിപ്പോര്ട്ട് പ്രകാരം 2025ല് ഇതുവരെ മാസം തോറും 64 ടണ് സ്വര്ണമാണ് സെന്ട്രല് ബാങ്കുകള് വാങ്ങിച്ചത്. അടുത്ത മൂന്ന് വര്ഷത്തേക്ക് ഈ ട്രെന്ഡ് തുടരുമെന്നാണ് റിപ്പോര്ട്ട് വ്യക്തമാക്കുന്നത്. വേള്ഡ് ഗോള്ഡ് കൗണ്സില് നടത്തിയ സര്വ്വേയില് 95 ശതമാനം സെന്ട്രല് ബാങ്കുകളും അടുത്ത 12 മാസത്തിനുള്ളില് സ്വര്ണശേഖരം വര്ധിപ്പിക്കുമെന്ന് കണ്ടെത്തി.
ഇങ്ങനെ സംഭവിക്കുകയാണെങ്കില് 2026ന്റെ പകുതിയോടെ 6 ശതമാനം വില വര്ധിക്കും. ട്രോയ് ഔണ്സിന് 4,000 ഡോളറിലേക്ക് ഉയരും. എന്നാല് ഇതും മറികടന്ന് സ്വര്ണം മുന്നേറാനാണ് കൂടുതല് സാധ്യതയെന്ന് ഗോള്ഡ്മാന് സാച്ച്സ് വ്യക്തമാക്കുന്നു.
90,000 രൂപയ്ക്കടുത്താണ് നിലവില് കേരളത്തില് സ്വര്ണവില. ഈ മാസം തന്നെ അത് 1 ലക്ഷം രൂപയിലെത്തുമെന്ന റിപ്പോര്ട്ടുകളും പുറത്തുവരുന്നുണ്ട്. ഇതേസ്ഥിതി തുടരുകയാണെങ്കില് 2026ല് 10 ഗ്രാം സ്വര്ണത്തിന് ഏകദേശം പണികൂലി ഉള്പ്പെടെ 3 ലക്ഷം രൂപയ്ക്കടുത്ത് വില വരും.
