Health Tips: ഒരു മത്തങ്ങ മതിയോ ജീവിതം മാറാൻ? അത്ഭുതപ്പെടുത്തുന്ന മാജിക് സൂപ്പർഫുഡ്
Health Benefits of pumpkin: ഹൃദയാരോഗ്യം മെച്ചപ്പെടുത്തുന്നത് മുതൽ ശരീരഭാരം കുറയ്ക്കാൻ വരെ മത്തങ്ങ സഹായിക്കുമെന്ന് പഠനങ്ങൾ വ്യക്തമാക്കുന്നു.
നമ്മുടെ പറമ്പുകളിലും അടുക്കളകളിലും വളരെ സാധാരണയായി കാണപ്പെടുന്ന ഒന്നാണ് മത്തങ്ങ. എന്നാൽ ഇതിന്റെ ആരോഗ്യഗുണങ്ങളെക്കുറിച്ച് പലരും ബോധവാന്മാരല്ല. ഹൃദയാരോഗ്യം മെച്ചപ്പെടുത്തുന്നത് മുതൽ ശരീരഭാരം കുറയ്ക്കാൻ വരെ മത്തങ്ങ സഹായിക്കുമെന്ന് പഠനങ്ങൾ വ്യക്തമാക്കുന്നു.
മത്തങ്ങയിൽ അടങ്ങിയിരിക്കുന്ന പൊട്ടാസ്യം, വൈറ്റമിൻ സി, നാരുകൾ എന്നിവ രക്തസമ്മർദ്ദം നിയന്ത്രിക്കാൻ സഹായിക്കുന്നു. ഇത് ഹൃദയസ്തംഭനം ഉൾപ്പെടെയുള്ള ഹൃദയസംബന്ധമായ അസുഖങ്ങളുടെ സാധ്യത കുറയ്ക്കുന്നു.
മത്തങ്ങയിൽ കാലറി വളരെ കുറവാണ്. എന്നാൽ നാരുകൾ ധാരാളമായി അടങ്ങിയിട്ടുള്ളതിനാൽ ഇത് കഴിച്ചാൽ ദീർഘനേരം വിശപ്പ് അനുഭവപ്പെടില്ല. അമിതഭാരം കുറയ്ക്കാൻ ആഗ്രഹിക്കുന്നവർക്ക് ഭക്ഷണക്രമത്തിൽ ഉൾപ്പെടുത്താവുന്ന മികച്ച ഓപ്ഷനാണിത്.
രക്തസമ്മർദ്ദമുള്ളവർക്കും ഉപ്പിന്റെ ഉപയോഗം കുറയ്ക്കാൻ ആഗ്രഹിക്കുന്നവർക്കും മത്തങ്ങ ധൈര്യമായി കഴിക്കാം. ഇതിൽ സോഡിയത്തിന്റെ അളവ് വളരെ കുറവാണ്. വൈറ്റമിൻ എ, വൈറ്റമിൻ സി എന്നിവയാൽ സമ്പന്നമാണ് മത്തങ്ങ. ഇത് ശരീരത്തിന്റെ പ്രതിരോധശേഷി വർദ്ധിപ്പിക്കുന്നു. ഇതിലെ ആന്റിഓക്സിഡന്റുകൾ ചർമ്മത്തെ പ്രായമാകുന്നതിൽ നിന്ന് സംരക്ഷിക്കുകയും തിളക്കം നൽകുകയും ചെയ്യുന്നു.
ധാരാളം നാരുകൾ അടങ്ങിയിട്ടുള്ളതിനാൽ മലബന്ധം പോലുള്ള പ്രശ്നങ്ങൾ ഒഴിവാക്കാനും ദഹനപ്രക്രിയ വേഗത്തിലാക്കാനും മത്തങ്ങ സഹായിക്കും.
