Himalayan vs XPulse : ഹിമാലയനോ, എക്സ്പൾസോ? ഓഫ് റോഡിങ്ങിനും ലോങ്ങ് റൈഡിനും ഏതെടുക്കണം
Himalayan vs Hero XPulse Comparison: ഇന്ത്യൻ വാഹന വിപണിയിൽ നിലവിൽ ലഭ്യമായതിൽ വച്ച് ഓഫ് റോങ്ങിനും ടൂറിനും ഒരുപോലെ പറ്റുന്ന രണ്ട് വാഹന മോഡലുകളാണ് ഹിമാലയനും ഹീറോഎക്സ് പൾസും. ഈ മോഡലുകളുടെ പ്രത്യേകതയും വിലയും വാങ്ങുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയെന്ന് നോക്കാം വിശദമാക്കി അറിയാം.
ഇന്ത്യൻ വാഹന വിപണിയിൽ ഇപ്പോൾ ഏറ്റവും കൂടുതൽ ആവശ്യക്കാരുള്ള മേഖലയായി അഡ്വഞ്ചർ ബൈക്ക് സെഗ്മെന്റ് മാറിയിട്ടുണ്ട്. അങ്ങനെ നോക്കുമ്പോൾ സെഗ്മെന്റ് പ്രധാനമായും ലീഡ് ചെയ്യുന്ന രണ്ട് വാഹന നിർമ്മാതാക്കളാണ് റോയൽ എൻഫീൽ‍ഡും ഹീറോ മോട്ടോ കോർപ്പും. ( Image Credit Source Hero, Royal Enfield Websites)
XPULSE 200 4V PRO, XPULSE 200 4V എന്നിങ്ങനെ രണ്ട് വകഭേദങ്ങളാണ് ഹീറോ എക്സ്പൾസിൽ വരുന്നത്. അവയുടെ എക്സ് ഷോറും വില യഥാക്രമം ഇങ്ങനെയാണ് 1,59,528 രൂപയും 1,49,854, രൂപയും. ഓഫ്-റോഡ്, ദൂരയാത്രകൾ, വേണ്ടി വന്നാൽ സിറ്റി യാത്രകൾ തുടങ്ങിയവക്ക് അനുയോജ്യമായ താരതമ്യേന ഭാരം കുറഞ്ഞതും ചെലവ് കുറഞ്ഞതുമായ മികച്ച ഓപ്ഷനാണ് ഹീറോ എക്സ് പൾസ്.
Himalayan 440, Himalayan 450 എന്നിങ്ങനെ രണ്ട് മോഡലുകളും ഹിമാലയനും ലഭ്യമാണ്. 2,29,900 രൂപയും 3,22,081 രൂപയുമാണ് വാഹനത്തിന്റെ എക്സ് ഷോറും സ്റ്റാർട്ടിംഗ് നിരക്ക്. 452 സിസി ലിക്വി‍ഡ് കൂൾഡ് സിംഗിൾ സിലിണ്ടർ എഞ്ചിനാണ് വാഹനത്തിൽ റോയൽ എൻഫീൽ‍ഡ് ഹിമാലയനിൽ വരുന്നത്. സ്ക്സ് സ്പീഡ് ഗിയർ ബോക്സും നൽകിയിരിക്കുന്നു.
199.6 സിസി ഓയിൽ കൂൾഡ് ഫോർസ്ട്രോക്ക് എൻജിനാണ് എക്സ് പൾസിന് കരുത്ത് നൽകുന്നത്. 8500 ആർപിഎമ്മിൽ 14.1 കിലോ വാട്ട് മാക്സിമം പവറും 6500 ആർപിഎമ്മിൽ 17.35 ന്യൂട്ടൺ മീറ്റർ ടോർക്കുമാണ് വാഹനത്തിന് ലഭിക്കുക. ഫൈവ് സ്പീഡ് കോൺസ്റ്റന്റ് മെഷ് ഗിയർ ബോക്സും മൾട്ടി പ്ലേറ്റ് വെറ്റ് ക്ലച്ചുമാണ് ഈ ബൈക്കിൽ ഉള്ളത്.
റോയൽ എൻഫീൽ ഹിമായനിലെ എൻജിൻ 6250 ആർപിഎമ്മിൽ 18.7 കിലോ വാട്ട് പവറും 4000 ആർപിഎമ്മിൽ 34.0 ന്യൂട്ടൺ മീറ്റർ ടോർക്കുമാണ് ഉത്പാദിപ്പിക്കുക. ഈ രണ്ട് മോഡലുകളെയും താരതമ്യം ചെയ്യുകയാണെങ്കിൽ അൽപം കുറഞ്ഞ ബഡ്ജറ്റിൽ അഡ്വഞ്ചർ വാഹനം നോക്കുന്നവരാണ് എങ്കിൽ എക്സ് പൾസും എന്നാൽ ബഡ്ജറ്റ് ഒരു പ്രശ്നമല്ല കൂടുതൽ പവറും പെർഫോമൻസും ആണ് നോക്കുന്നത് എങ്കിൽ ഫിമാലയനും തിരഞ്ഞെടുക്കാം. അത് ഓരോരുത്തരുടെയും വ്യക്തിഗത പരിഗണനകൾ നോക്കിയാകണം.
