Lips Care: ചുണ്ടിലെ കറുത്ത നിറമാണോ പ്രശ്നം? പരിഹാരം വീട്ടിൽ തന്നെയുണ്ട്
How to Remove Darkness Around Lips: ചുണ്ടിന് ചുറ്റുമുള്ള കറുപ്പ് നിറം പലരെയും അലട്ടുന്ന ഒരു പ്രധാന സൗന്ദര്യ പ്രശ്നമാണ്. പിഗ്മെന്റേഷൻ, അമിതമായി സൂര്യപ്രകാശം ഏൽക്കുന്നത്, വരൾച്ച തുടങ്ങി പല കാരണങ്ങൾ ഇതിന് പിന്നിലുണ്ടാകാം. കെമിക്കലുകൾ അടങ്ങിയ ക്രീമുകൾ ഉപയോഗിക്കുന്നതിന് മുൻപ് നമ്മുടെ അടുക്കളയിലുള്ള സാധനങ്ങൾ ഉപയോഗിച്ച് ഈ കറുപ്പ് നിറം മാറ്റാൻ സാധിക്കുമെന്ന് അറിയാമോ?
നാരങ്ങ നീര് ചുണ്ടിലെ കറുത്ത നിറം അകറ്റാൻ സഹായിക്കുന്നതാണ്. ഒരു ടീസ്പൂൺ നാരങ്ങാനീരും ഒരു ടീസ്പൂൺ തേനും കലർത്തുക. ഇത് ചുണ്ടിന് ചുറ്റും പുരട്ടി 15 മിനിറ്റിന് ശേഷം തണുത്ത വെള്ളത്തിൽ കഴുകിക്കളയാം.
അതുപോലെ കറ്റാർവാഴ ജെല്ലിലെ അലോയിൻ എന്ന ഘടകവും പിഗ്മെന്റേഷൻ കുറയ്ക്കാൻ സഹായിക്കും. കറ്റാർവാഴ ജെൽ എടുത്ത് ചുണ്ടിന് ചുറ്റും പുരട്ടുക. ഉണങ്ങിയ ശേഷം കഴുകിക്കളയാം. രാത്രി ഉറങ്ങുന്നതിന് മുൻപ് പുരട്ടുന്നത് കൂടുതൽ ഫലം നൽകുന്നതാണ്.
ഒരു ചെറിയ കഷ്ണം ഉരുളക്കിഴങ്ങ് അരച്ചെടുത്ത നീര് കറുപ്പുള്ള ഭാഗത്ത് പുരട്ടുക. 20 മിനിറ്റിന് ശേഷം കഴുകാം. ഇങ്ങനെ ചെയ്യുന്നതും ചുണ്ടുകൾക്ക് നിറം നൽകും. ഉരുളക്കിഴങ്ങിൽ അടങ്ങിയിരിക്കുന്ന കാറ്റകോളേസ് എന്ന എൻസൈമാണ് ഇതിന് സഹായിക്കുന്നത്.
അല്പം മഞ്ഞൾപ്പൊടി പാലിൽ കലർത്തി പേസ്റ്റ് രൂപത്തിലാക്കുക. ഇത് ചുണ്ടിന് ചുറ്റും പുരട്ടി ഉണങ്ങുമ്പോൾ പതുക്കെ ഉരച്ച് കഴുകിക്കളയുക. പാലിലെ ലാക്റ്റിക് ആസിഡ് ചർമ്മത്തെ വൃത്തിയാക്കുന്നു.
തക്കാളിയിൽ അടങ്ങിയിരിക്കുന്ന ലൈക്കോപ്പീൻ സൂര്യപ്രകാശം മൂലമുണ്ടാകുന്ന കരുവാളിപ്പ് മാറ്റും. തക്കാളി നീര് കറുപ്പുള്ള ഭാഗത്ത് പുരട്ടി 15 മിനിറ്റ് വെക്കുന്നതും ഫലം നൽകുന്നതാണ്. (Image Credit: Getty)
