Kitchen Tips: മുന്തിരിയിലെ വെള്ളപ്പാടുകൾ കീടനാശിനിയോ; വീട്ടിൽ തന്നെ നീക്കം ചെയ്യാം, ഇതാ വഴികൾ
How to Remove Pesticides From Grapes: സാധാരണ നമ്മൾ കടകളിൽ നിന്ന് മുന്തിരി വാങ്ങുമ്പോൾ അതിന് മുകളിലായി വെള്ള പാടുകൾ കാണാറുണ്ട്. ഇത്തരം പാടുകൾ കീടനാശിനിയാണോ എന്ന് ഭയന്ന് മുന്തിരി ഒഴിവാക്കുന്നവരും കുറവല്ല. എന്നാൽ എല്ലായിപ്പോഴും ഇത് കീടനാശിനിയാണെന്ന് പറയാനാകില്ല. പക്ഷേ വൃത്തിയായി കഴുകിയ ശേഷം മാത്രമെ മുന്തിരി കഴിക്കാവു.
പഴങ്ങളും പച്ചക്കറികളും വാങ്ങിയാൽ കഴുകാതെ ഉപയോഗിക്കാനാകില്ല. കാരണം ഇവയിലെല്ലാം മാരകമായ കീടനാശിനികൾ തളിച്ചാണ് വിപണിയിലെത്തുന്നത്. വേനലായതിനാൽ പഴങ്ങളുടെ വില്പനയിൽ വൻ വർദ്ധനവാണ് ഉണ്ടാകുന്നത്. ഓറഞ്ച്, മുന്തിരി, ആപ്പിൾ, തണ്ണിമത്തൻ തുടങ്ങിയവയാണ് താരങ്ങൾ. എന്നാൽ പഴങ്ങൾ വാങ്ങിയ ശേഷം നിങ്ങൾ അത് ശരിയായ രീതിയിലാണോ വൃത്തിയാക്കുന്നത്. (Image Credits: Getty Images)
സാധാരണ നമ്മൾ കടകളിൽ നിന്ന് മുന്തിരി വാങ്ങുമ്പോൾ അതിന് മുകളിലായി വെള്ള പാടുകൾ കാണാറുണ്ട്. ഇത്തരം പാടുകൾ കീടനാശിനിയാണോ എന്ന് ഭയന്ന് മുന്തിരി ഒഴിവാക്കുന്നവരും കുറവല്ല. എന്നാൽ എല്ലായിപ്പോഴും ഇത് കീടനാശിനിയാണെന്ന് പറയാനാകില്ല. പക്ഷേ വൃത്തിയായി കഴുകിയ ശേഷം മാത്രമെ മുന്തിരി കഴിക്കാവു. പ്രത്യേകിച്ച് കുട്ടികൾക്ക് നൽകുമ്പോൾ.
എത്ര വെളുത്ത പാടും ശരിയായ രീതിയിൽ വൃത്തിയാക്കിയാൽ നീക്കം ചെയ്യാനാകും. വെറുതെ ടാപ് തുറന്ന് പിടിച്ച് കഴുകിയാൽ ഒരിക്കലും ഇത്തരം വിഷാംശങ്ങൾ പോകില്ല എന്നതാണ് മറ്റൊരു സത്യം. മുന്തിരിയിലെ വെളുത്ത പാടുകൾ കളയാൻ ഏറ്റവും നല്ല മാർഗമാണ് ബേക്കിംഗ് സോഡ. ഒരു വലിയ പാത്രത്തിൽ വെള്ളമെടുത്ത് അതിൽ ഒരു ടീസ്പൂൺ ബേക്കിംഗ് സോഡ ഇട്ട് മുന്തിരി ഇതിൽ 10-15 മിനിറ്റ് മുക്കിവെക്കുക. ശേഷം നന്നായി കഴുകിയെടുക്കുക.
ബാക്ടീരിയകളെയും അഴുക്കിനെയും നീക്കം ചെയ്യാൻ ഏറ്റവും നല്ലതാണ് വിനാഗിരി. വിനാഗിരി എടുക്കുന്നതിന് ഇരട്ടിയായി വെള്ളമെടുത്ത് അത് നന്നായി മിക്സ് ചെയ്യുക. ശേഷം മുന്തിരി 5-10 മിനിറ്റ് മുക്കിവയ്ക്കുക. പിന്നീട് ടാപ്പ് തുറന്ന് ഒഴുകുന്ന വെള്ളത്തിനടയിൽ നന്നായി കഴുകി വൃത്തിയാക്കുക. ഏത് കീടനാശിനിയും പമ്പകടക്കും.
പച്ചക്കറികളായാലും പഴങ്ങളായാലും ഉപ്പുവെള്ളത്തിൽ ഇട്ടുവയ്ക്കുന്നത് വളരെ നല്ലതാണ്. മുന്തിരി മുങ്ങികിടക്കാൻ പാകത്തിന് വെള്ളമെടുത്ത് അതിലേക്ക് അല്പം കല്ലുപ്പ് ചേർത്ത് മുന്തിരി അതിൽ കുറച്ചുനേരം ഇട്ടു വയ്ക്കുക. ശേഷം അതെടുത്ത് നന്നായി കഴുകിയാൽ പുറത്തുള്ള അഴുക്കും മെഴുകും നീങ്ങി കിട്ടും. വളരെ എളുപ്പത്തിൽ വീട്ടിൽ തന്നെ ചെയ്യാവുന്ന രീതികളാണ് ഇവയെല്ലാം.
