Health Tips: അമിതമായാൽ തേങ്ങാവെള്ളവും പ്രശ്നകാരൻ?; 100% സുരക്ഷിതമല്ല, സൂക്ഷിക്കണം
Coconut Water Side Effects: തേങ്ങാവെള്ളം കുടിക്കുമ്പോൾ അതിൻ്റെ ഗുണത്തിനൊപ്പം ദോഷങ്ങൾ കൂടി അറിഞ്ഞിരിക്കണം. പെട്ടെന്ന് ഊർജ്ജം നൽകാനും ഉന്മേഷം നൽകാനും തേങ്ങാവെള്ളം നല്ലതാണെങ്കിലും അമിതമായി കുടിച്ചാൽ ഗുരുതരമായ ആരോഗ്യ പ്രശ്നങ്ങൾക്ക് കാരണമാകുന്നു. തേങ്ങാവെള്ളത്തിൽ ഉയർന്ന അളവിൽ പൊട്ടാസ്യം അടങ്ങിയിട്ടുണ്ട്. അതിനാൽ അമിതമായി കുടിക്കുന്നത് രക്തത്തിൽ പൊട്ടാസ്യത്തിന്റെ അളവ് വർദ്ധിക്കാൻ കാരണമാന്നു.
അന്തരീക്ഷ താപനില അനുദിനം വർദ്ധിച്ചുവരികയാണ്. നിർജ്ജലീകരണവും ആരോഗ്യ പ്രശ്നങ്ങളും ഒഴിവാക്കുന്നതിന് വെള്ളം കുടിക്കുന്നത് മുതൽ ആഹാര കാര്യത്തിൽ വരെ വളരെയധികം ശ്രദ്ധിക്കേണ്ട സമയം കൂടിയാണിത്. വേനൽക്കാലത്ത് ദാഹം ശമിപ്പിക്കാനും നിർജ്ജലീകരണം തടയാനും തേങ്ങാവെള്ളം കുടിക്കുന്നത് ആരോഗ്യത്തിന് ഗുണകരമാണെന്ന് പണ്ടുമുതൽക്കെ കേട്ടുകേൾവിയുള്ളതാണ്. എന്നാൽ അമിതമായാൽ തേങ്ങാവെള്ളവും പ്രശ്നകാരനാണ്. (Image Credits: Getty Images)
തേങ്ങാവെള്ളം കുടിക്കുമ്പോൾ അതിൻ്റെ ഗുണത്തിനൊപ്പം ദോഷങ്ങൾ കൂടി അറിഞ്ഞിരിക്കണം. പെട്ടെന്ന് ഊർജ്ജം നൽകാനും ഉന്മേഷം നൽകാനും തേങ്ങാവെള്ളം നല്ലതാണെങ്കിലും അമിതമായി കുടിച്ചാൽ ഗുരുതരമായ ആരോഗ്യ പ്രശ്നങ്ങൾക്ക് കാരണമാകുന്നു. തേങ്ങാവെള്ളത്തിൽ ഉയർന്ന അളവിൽ പൊട്ടാസ്യം അടങ്ങിയിട്ടുണ്ട്. അതിനാൽ അമിതമായി കുടിക്കുന്നത് രക്തത്തിൽ പൊട്ടാസ്യത്തിന്റെ അളവ് വർദ്ധിക്കാൻ കാരണമാന്നു.
അതുപോലെ വൃക്കസംബന്ധമായ അസുഖമുള്ളവർ ഡോക്ടറുടെ നിർദ്ദേശപ്രകാരം മാത്രം തേങ്ങാവെള്ളം കുടിക്കുക. കാരണം നിങ്ങളുടെ ശരീരത്തിൽ അധികമായി എത്തുന്ന പൊട്ടാസ്യം പുറന്തള്ളാൻ വൃക്കകൾക്ക് കഴിയാതെ വരുന്നത് രോഗം വഷളാക്കിയേക്കാം. രക്തസമ്മർദ്ദം കുറയുന്നതിന് മരുന്ന് കഴിക്കുന്നവർ തേങ്ങാവെള്ളം അമിതമായി കുടിക്കരുത്. ഇത് ബിപി പെട്ടെന്ന് താഴാൻ സാധ്യതയുണ്ട്. കൂടാതെ, ഇതിലെ സ്വാഭാവിക പഞ്ചസാര പ്രമേഹരോഗികൾക്കും വിപരീത ഫലമുണ്ടാക്കും.
കലോറി കുറവാണെങ്കിലും, തേങ്ങാവെള്ളം അമിതമായി കുടിക്കുന്നത് ശരീരഭാരം വർദ്ധിപ്പിക്കുന്നതിന് കാരണമാകും. ഇതിൽ അടങ്ങിയിരിക്കുന്ന ചില കാർബോഹൈഡ്രേറ്റുകൾ ദഹനത്തെയും ബാധിച്ചേക്കാം. ചില അവസരങ്ങളിൽ വയറുവേദന, വയറിളക്കം അല്ലെങ്കിൽ വയറുവേദന എന്നിവയിലേക്ക് നയിച്ചേക്കാം. കൂടാതെ കുട്ടികൾക്കും പ്രായമുള്ളവർക്കും തേങ്ങാവെള്ളം കൊടുക്കുമ്പോൾ പ്രത്യേകം ശ്രദ്ധിക്കണം.
ആരോഗ്യമുള്ള ഒരു വ്യക്തിക്ക്, ഒരു ദിവസം ഒന്ന് മുതൽ രണ്ട് കപ്പ് വരെ (ഏകദേശം 250–500 മില്ലി) തേങ്ങാവെള്ളം കുടിക്കുന്നതുകൊണ്ട് ആരോഗ്യ പ്രശ്നങ്ങൾ ഉണ്ടാകുകയില്ല. അതിൽ കൂടുതലായാൽ ഗുണത്തേക്കാളേറെ ദോഷം ചെയ്യും. ഒരിക്കലും തേങ്ങാവെള്ളം മാത്രമായി കുടിക്കരുത്. അതിന് പുറമെ വേനൽക്കാലത്ത് ശുദ്ധജലം ധാരാളമായി കുടിക്കുന്നുണ്ടെന്ന് ഉറപ്പുവരുത്തുക.
