Coffee: അധികമായാൽ കാപ്പിയും വിഷം, പണി വരുന്നത് ഇങ്ങനെ
Black Coffee Side Effects: ഒട്ടുമിക്ക പേരുടെയും പ്രിയപ്പെട്ട പാനീയമാണ് ബ്ലാക്ക് കോഫി. എന്നാൽ ഇത് അധികമായാൽ അപകടമാണെന്ന് അറിയാമോ?
ക്ഷീണം മാറ്റാനും ഉന്മേഷം നിലനിർത്താനും ബ്ലാക്ക് കോഫി കുടിക്കുന്നവർ നിരവധിയാണ്. കോഫിയിലെ കഫീൻ നാഡീവ്യൂഹത്തെ ഉത്തേജിപ്പിക്കുന്ന ഒന്നാണ്. അമിതമായാൽ ഇത് ഹൃദയമിടിപ്പ് വർദ്ധിക്കാനും, അനാവശ്യമായ ഭയം, ഉത്കണ്ഠ, കൈവിറയൽ എന്നിവയ്ക്കും കാരണമാകും.
അതുപോലെ ബ്ലാക്ക് കോഫിയിൽ അസിഡിറ്റി കൂടുതലാണ്. വെറുംവയറ്റിൽ ഇത് കുടിക്കുന്നത് ഗ്യാസ്ട്രിക് പ്രശ്നങ്ങൾക്കും, നെഞ്ചെരിച്ചിലിനും കാരണമാകും. ചിലരിൽ ഇത് വയറിളക്കത്തിന് വരെ കാരണമായേക്കാം.
ഭക്ഷണത്തോടൊപ്പം ബ്ലാക്ക് കോഫി കുടിക്കുന്നത് ശരീരത്തിന് ആവശ്യമായ അയൺ, കാൽസ്യം തുടങ്ങിയ പോഷകങ്ങൾ ആഗിരണം ചെയ്യുന്നതിനെ തടസ്സപ്പെടുത്തുന്നു. ഇത് അനീമിയ പോലുള്ള പ്രശ്നങ്ങൾക്ക് കാരണമായേക്കാം.
ഉറങ്ങുന്നതിന് തൊട്ടുമുമ്പോ വൈകുന്നേരങ്ങളിലോ ബ്ലാക്ക് കോഫി കുടിക്കുന്നത് ഉറക്കത്തെ ദോഷകരമായി ബാധിക്കും. കഫീൻ ശരീരത്തിൽ എത്തുന്നതോടെ ഉറക്കത്തിന് സഹായിക്കുന്ന ഹോർമോണുകളുടെ പ്രവർത്തനം തടസ്സപ്പെടും.
ഒരു ദിവസം രണ്ടോ മൂന്നോ കപ്പ് കോഫി വരെ കുടിക്കുന്നത് സാധാരണഗതിയിൽ പ്രശ്നമുണ്ടാക്കില്ലെന്ന് ആരോഗ്യ വിദഗ്ധർ പറയുന്നു. എന്നാൽ ഇതിൽ കൂടുതൽ ഉപയോഗിക്കുന്നത് നല്ലതല്ല. (Image Credit: Getty Images)
