Jasmine Flower: മുല്ല നിറയെ പൂക്കണോ? ഇത്രയും ചെയ്താൽ മതി
Jasmine Plant Care: വീട്ടുമുറ്റം നിറയെ സുഗന്ധം പരത്തി, മുല്ല സീസൺ എത്തിയിരിക്കുകയാണ്. മുല്ല ചെടി എത്ര ആഗ്രഹിച്ച് നട്ടാലും അതിൽ നിറയെ പൂക്കൾ ഉണ്ടാകാത്തത് പലരെയും വിഷമത്തിലാക്കാറുണ്ട്. ഇനി പ്രയാസപ്പെടേണ്ട .... ഏത് മുരടിച്ച മുല്ലച്ചെടിയും പൂത്തുലയാൻ സഹായിക്കുന്ന ചില വഴികളുണ്ട്.
നന്നായി വെയിൽ കിട്ടുന്നിടത്ത് വേണം മുല്ലച്ചെടി നടാൻ. സൂര്യപ്രകാശം കുറഞ്ഞാൽ പൂക്കളുടെ എണ്ണവും കുറയും. അധികം മൂപ്പില്ലാത്തതും എന്നാൽ കട്ടി കുറഞ്ഞതുമായ, വേരിനോട് ചേർന്നുനിൽക്കുന്ന തണ്ടുകൾ വേണം നടാൻ. (Image Credit Source : Getty Images)
മുല്ലച്ചെടിയിൽ ധാരാളം പൂക്കൾ ഉണ്ടാകാൻ പഴത്തൊലി സഹായിക്കുന്നതാണ്. പഴുത്ത വാഴപ്പഴത്തിന്റെ തൊലി ചെറിയ കഷ്ണങ്ങളാക്കി മുറിക്കുക. വെള്ളത്തിലിട്ട് നന്നായി തിളപ്പിച്ച്, നന്നായി തണുത്ത ശേഷം ചെടിക്ക് ഒഴിച്ച് കൊടുക്കാം.
തേയിലപ്പൊടിയും മറ്റൊരു സഹായിയാണ്. മണ്ണിലെ പിഎച്ച് നില ക്രമീകരിക്കാൻ തേയില അവശിഷ്ടങ്ങൾ സഹായിക്കും. ചായയിട്ട ശേഷം വരുന്ന ചായ പൊടി വെയിലത്തിട്ട് നന്നായി ഉണക്കിയെടുക്കണം.
15 ദിവസത്തിലൊരിക്കൽ ഈ ഉണങ്ങിയ ചായപ്പൊടി ചെടിയുടെ ചുവട്ടിലെ മണ്ണിൽ കലർത്തി കൊടുക്കാവുന്നതാണ്. ഇതിലെ ടാനിക് ആസിഡ് മുല്ലയ്ക്ക് മികച്ചതാണ്.
കൂടാതെ, ചാണകപ്പൊടി, കഞ്ഞിവെള്ളം, എല്ലുപൊടി, വേപ്പിൻപിണ്ണാക്ക് എന്നിവയെല്ലാം മികച്ച ജൈവവളങ്ങളാണ്. ഇവയും ഇട്ടുകൊടുക്കാം.
