Kathanar Teaser: അനുഷ്ക ഷെട്ടിയും പ്രഭുദേവയും ജയസൂര്യക്കൊപ്പം; മലയാള സിനിമയുടെ ചരിത്രം മാറ്റാൻ കത്തനാർ ഉടനെത്തുന്നു
Kathanar Set for Grand Teaser Launch on March 31: ജയസൂര്യയോടൊപ്പം തെന്നിന്ത്യൻ താരം അനുഷ്ക ഷെട്ടി മലയാളത്തിലേക്ക് അരങ്ങേറ്റം കുറിക്കുന്നു എന്നതാണ് ഈ ചിത്രത്തിന്റെ മറ്റൊരു പ്രത്യേകത. പ്രഭുദേവ, വിനീത്, സനൂപ് സന്തോഷ്, സാൻഡി, ദേവിക, നിതീഷ് ഭരദ്വാജ്, ഹരീഷ് ഉത്തമൻ തുടങ്ങിയ വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്
മലയാള സിനിമ കാത്തിരിക്കുന്ന ബ്രഹ്മാണ്ഡ ചിത്രം കത്തനാർ: ദ വൈൽഡ് സോർസറർ സിനിമയുടെ ടീസർ റിലീസ് തീയതി പ്രഖ്യാപിച്ചു. മാർച്ച് 31-ന് ചിത്രത്തിന്റെ ടീസർ പുറത്തിറങ്ങുമെന്ന് അണിയറപ്രവർത്തകർ അറിയിച്ചു. ജയസൂര്യ നായകനാകുന്ന ഈ ചിത്രം സംവിധാനം ചെയ്യുന്നത് ഹോം എന്ന സൂപ്പർഹിറ്റ് സിനിമയ്ക്ക് ശേഷം ദേശീയ പുരസ്കാര ജേതാവായ റോജിൻ തോമസാണ്.
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ഈ ചിത്രം സാങ്കേതികമായി മലയാള സിനിമയിലെ പുതിയൊരു വിപ്ലവത്തിനാണ് തുടക്കമിടുന്നത്. ഹോളിവുഡ് ചിത്രങ്ങളിൽ കണ്ടുവരുന്ന വെർച്വൽ പ്രൊഡക്ഷൻ സാങ്കേതികവിദ്യ ഉപയോഗിച്ചാണ് ഇതിലെ ഭൂരിഭാഗം രംഗങ്ങളും ചിത്രീകരിച്ചിരിക്കുന്നത്.
ആർ. രാമാനന്ദാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ജയസൂര്യയോടൊപ്പം തെന്നിന്ത്യൻ താരം അനുഷ്ക ഷെട്ടി മലയാളത്തിലേക്ക് അരങ്ങേറ്റം കുറിക്കുന്നു എന്നതാണ് ഈ ചിത്രത്തിന്റെ മറ്റൊരു പ്രത്യേകത. പ്രഭുദേവ, വിനീത്, സനൂപ് സന്തോഷ്, സാൻഡി, ദേവിക, നിതീഷ് ഭരദ്വാജ്, ഹരീഷ് ഉത്തമൻ തുടങ്ങിയ വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്.
ഛായാഗ്രഹണം നീൽ ഡി കുഞ്ഞയാണ്. സംഗീതം രാഹുൽ സുബ്രഹ്മണ്യനും. എഡിറ്റിംഗ് & വിഎഫ്എക്സ് ചെയ്തിരിക്കുന്നത് റോജിൻ തോമസാണ്. ആക്ഷൻ ജംഗ്ജിൻ പാർക്ക്, കലൈ കിങ്സൺ എന്നിവരും.
പതിനഞ്ചോളം ഭാഷകളിൽ റിലീസ് ചെയ്യാനൊരുങ്ങുന്ന കത്തനാർ നിലവിൽ പോസ്റ്റ്-പ്രൊഡക്ഷൻ ഘട്ടത്തിലാണ്. സിനിമയുടെ തിയറ്റർ റിലീസ് തീയതി ഉടൻ പ്രഖ്യാപിക്കുമെന്നാണ് സൂചന.
