Ration Card: റേഷൻ കാർഡ് മാറ്റണോ? സമയപരിധി നീട്ടിയിട്ടുണ്ടേ…
Kerala Ration Card Priority Conversion: ഒരു കുടുംബത്തിന്റെ വരുമാനത്തിന് അനുസരിച്ചാണ് റേഷൻ കാർഡ് നൽകിയിട്ടുള്ളത്. വരുമാനത്തിനും ആനുകൂല്യത്തിനും അനുസരിച്ച് ഇവയുടെ നിറങ്ങളിലും മാറ്റമുണ്ട്.
ഇന്ത്യയിലെ പൊതുവിതരണ സമ്പ്രദായത്തിന്റെ ഭാഗമായി, ഒരു കുടുംബത്തിലെ അംഗങ്ങളുടെ കൃത്യമായ വിവരങ്ങൾ രേഖപ്പെടുത്തിയതും, സർക്കാർ നൽകുന്ന ഭക്ഷ്യധാന്യങ്ങളും മറ്റ് ആനുകൂല്യങ്ങളും ലഭിക്കാൻ സഹായിക്കുന്നതുമായ ഔദ്യോഗിക രേഖയാണ് റേഷൻ കാർഡ്.
ഒരു കുടുംബത്തിന്റെ വരുമാനത്തിന് അനുസരിച്ചാണ് റേഷൻ കാർഡ് നൽകിയിട്ടുള്ളത്. വരുമാനത്തിനും ആനുകൂല്യത്തിനും അനുസരിച്ച് ഇവയുടെ നിറങ്ങളിലും മാറ്റമുണ്ട്. ഏറ്റവും പിന്നാക്കം നിൽക്കുന്ന കുടുംബങ്ങൾക്ക് മഞ്ഞകാർഡ്, മുൻഗണനാ വിഭാഗത്തിന് പിങ്ക്, മുൻഗണനാ വിഭാഗം നീല, പൊതുവിഭാഗത്തിന് വെള്ള എന്നിങ്ങനെയാണ് നിറം.
ഇപ്പോഴിതാ, മുൻഗണനേതര റേഷൻകാർഡുകൾ (നീല, വെള്ള) മുൻഗണന വിഭാഗത്തിലേക്ക് മാറ്റുന്നതിനുള്ള ഓൺലൈൻ അപേക്ഷകൾ സ്വീകരിക്കുന്ന തീയതി നീട്ടിയതായി അധികൃതർ അറിയിച്ചു. ഫെബ്രുവരി ഇരുപത് വരെയാണ് പുതിയ സമയപരിധി.
ഓൺലൈൻ അപേക്ഷകൾ അംഗീകൃത അക്ഷയ കേന്ദ്രം വഴിയോ, സിറ്റിസൺ ലോഗിൻ പോർട്ടൽ വഴിയോ നിങ്ങളുടെ അപേക്ഷകൾ സമർപ്പിക്കാവുന്നതാണ്. ഫെബ്രുവരി ഇരുപത് വൈകിട്ട് അഞ്ച് മണി വരെ അപേക്ഷകൾ സമർപ്പിക്കാവുന്നതാണ്.
തദ്ദേശ സ്ഥാപനങ്ങളിലെ സെക്രട്ടറി നല്കുന്ന ബിപിഎല് സര്ട്ടിഫിക്കറ്റ് കൈവശമുള്ളവര്, പട്ടികജാതി, പട്ടികവര്ഗ വിഭാഗത്തില്പെട്ടയാളുകള്, ഭിന്നശേഷിക്കാര്, മാരക രോഗങ്ങളുള്ളവര്, സര്ക്കാര് ധനസഹായത്തോടെ വീടുവെച്ചവര് തുടങ്ങിയവർക്കെല്ലാം അപേക്ഷിക്കാവുന്നതാണ്. (Image Credit: Social Media)
