Ration Card: റേഷൻ കാർഡ് മാറ്റിയില്ലേ, അവസാനതീയതി നാളെയാണേ…. ചെയ്യേണ്ടത്
Ration Card Priority Conversion: വരുമാനത്തിനും ആനുകൂല്യത്തിനും അനുസരിച്ച് റേഷൻ കാർഡുകളുടെ നിറങ്ങളിലും മാറ്റമുണ്ട്. ഏറ്റവും പിന്നാക്കം നിൽക്കുന്ന കുടുംബങ്ങൾക്ക് മഞ്ഞകാർഡ്, മുൻഗണനാ വിഭാഗത്തിന് പിങ്ക്, നീല, പൊതുവിഭാഗത്തിന് വെള്ള എന്നിങ്ങനെയാണ് നിറം.
സർക്കാർ നൽകുന്ന ഭക്ഷ്യധാന്യങ്ങളും മറ്റ് ആനുകൂല്യങ്ങളും ലഭിക്കാൻ സഹായിക്കുന്നതിനായി ഒരു കുടുംബത്തിന്റെ വരുമാനത്തിന് അനുസരിച്ച്, നൽകിയിട്ടുള്ള ഔദ്യോഗിക രേഖയാണ് റേഷൻ കാർഡ്.
വരുമാനത്തിനും ആനുകൂല്യത്തിനും അനുസരിച്ച് റേഷൻ കാർഡുകളുടെ നിറങ്ങളിലും മാറ്റമുണ്ട്. ഏറ്റവും പിന്നാക്കം നിൽക്കുന്ന കുടുംബങ്ങൾക്ക് മഞ്ഞകാർഡ്, മുൻഗണനാ വിഭാഗത്തിന് പിങ്ക്, നീല, പൊതുവിഭാഗത്തിന് വെള്ള എന്നിങ്ങനെയാണ് നിറം.
എന്നാൽ വിവരങ്ങൾ രേഖപ്പെടുത്തിയപ്പോൾ സംഭവിച്ച തെറ്റിനാലോ മറ്റ് പല കാരണങ്ങളാലോ നീല കാർഡിന് പകരം വെള്ള കിട്ടിയവരുണ്ട്. ഇവരെ പരിഗണിച്ച് റേഷൻ കാർഡുകൾ മുൻഗണന വിഭാഗത്തിലേക്ക് മാറ്റുന്നതിന് സർക്കാർ അവസരം നൽകിയിരുന്നു. ഇതിനുള്ള സമയപരിധി നാളെ അവസാനിക്കുകയാണ്.
ഒഴിവാക്കൽ മാനദണ്ഡങ്ങളിൽ ഉൾപ്പെടാത്ത മുൻഗണനേതര (NPS- നീല, NPNS- വെള്ള) റേഷൻ കാർഡുകൾ മുൻഗണന (PHH- പിങ്ക്) വിഭാഗത്തിലേക്ക് മാറ്റുന്നതിനുള്ള ഓൺലൈൻ അപേക്ഷകൾ സ്വീകരിക്കുന്ന സമയപരിധി നാളെ (ഫെബ്രുവരി 20) അവസാനിക്കുന്നതാണെന്ന് അധികൃതർ അറിയിച്ചു.
അംഗീകൃത അക്ഷയ കേന്ദ്രം വഴി അല്ലെങ്കിൽ സിറ്റിസൺ ലോഗിൻ പോർട്ടൽ വഴി നിങ്ങളുടെ അപേക്ഷകൾ സമർപ്പിക്കാവുന്നതാണ്. ഫെബ്രുവരി 20 വൈകിട്ട് അഞ്ച് മണി വരെയാണ് അപേക്ഷകൾ സമർപ്പിക്കാൻ അവസരം. (Image Credit: Getty Images)
