Watermelon skin Benefits: വെറും പുറംതോടല്ലേ എന്നോർത്ത് പുഛിക്കേണ്ട, ഇത് തണ്ണിമത്തനിലെ പ്രധാന ഭാഗം
Health benefits of Watermelon skin : വിറ്റാമിൻ എ, ബി6, സി എന്നിവയ്ക്ക് പുറമെ പൊട്ടാസ്യം, സിങ്ക് എന്നിവയാൽ സമ്പന്നമാണ് പുറംതോട്. ഇതിലടങ്ങിയിരിക്കുന്ന ധാരാളം നാരുകൾ ദഹനപ്രക്രിയ സുഗമമാക്കാൻ സഹായിക്കുന്നു. രക്തസമ്മർദ്ദം കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്ന 'സിട്രുലിൻ' എന്ന അമിനോ ആസിഡ് തണ്ണിമത്തൻ തോടിൽ ധാരാളമുണ്ട്.
വേനൽക്കാലം കടുക്കുന്നതോടെ വഴിയോരങ്ങളിൽ തണ്ണിമത്തൻ വിപണി സജീവമാകുകയാണ്. സാധാരണയായി ചുവന്ന ഉൾഭാഗം കഴിച്ചശേഷം നാം വലിച്ചെറിയുന്ന തണ്ണിമത്തൻ തോട് യഥാർത്ഥത്തിൽ പോഷകങ്ങളുടെ കലവറയാണെന്ന് ആരോഗ്യ വിദഗ്ധർ ചൂണ്ടിക്കാട്ടുന്നു.
കുറഞ്ഞ കലോറിയും ഉയർന്ന അളവിൽ വിറ്റാമിനുകളും അടങ്ങിയ തണ്ണിമത്തൻ തോട് ആരോഗ്യ സംരക്ഷണത്തിന് മികച്ചതാണ്. വിറ്റാമിൻ എ, ബി6, സി എന്നിവയ്ക്ക് പുറമെ പൊട്ടാസ്യം, സിങ്ക് എന്നിവയാൽ സമ്പന്നമാണ് പുറംതോട്. ഇതിലടങ്ങിയിരിക്കുന്ന ധാരാളം നാരുകൾ ദഹനപ്രക്രിയ സുഗമമാക്കാൻ സഹായിക്കുന്നു.
രക്തസമ്മർദ്ദം കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്ന സിട്രുലിൻ എന്ന അമിനോ ആസിഡ് തണ്ണിമത്തൻ തോടിൽ ധാരാളമുണ്ട്. ഇതിലടങ്ങിയിരിക്കുന്ന ലൈക്കോപീൻ എന്ന ആന്റിഓക്സിഡന്റ് ചിലതരം കാൻസറുകളെ പ്രതിരോധിക്കാനും ഹൃദ്രോഗങ്ങളിൽ നിന്ന് സംരക്ഷണം നൽകാനും സഹായിക്കുന്നു.
തണ്ണിമത്തൻ തോട് അച്ചാറിട്ടോ, തോരൻ വെച്ചോ ഭക്ഷണത്തിൽ ഉൾപ്പെടുത്താവുന്നതാണ്. രുചികരമായ തണ്ണിമത്തൻ തിരഞ്ഞെടുക്കാൻ ചില എളുപ്പവഴികളുണ്ട്. ഒരേ വലുപ്പമുള്ള രണ്ട് തണ്ണിമത്തനുകളിൽ ഭാരക്കൂടുതൽ ഉള്ളത് തിരഞ്ഞെടുക്കുക.
വിരലുകൊണ്ട് തട്ടുമ്പോൾ ആഴത്തിൽ നിന്നുള്ള ശബ്ദം കേൾക്കുന്നുണ്ടെങ്കിൽ അത് പാകത്തിന് വിളഞ്ഞതാണ്. ഫ്ലാറ്റായ ശബ്ദമാണെങ്കിൽ അത് അമിതമായി പഴുത്തതാകാൻ സാധ്യതയുണ്ട്. കടുംപച്ചയോ ഇളംപച്ചയോ നിറമുള്ളവ വിളഞ്ഞവയാണ്. മഞ്ഞ നിറം കലർന്ന ഭാഗമുണ്ടെങ്കിൽ അത് കൃത്യമായി പാകമായതിന്റെ സൂചനയാണ്.
