Virat Kohli: ഇത് വിരാട് കോലിയുടെ കുട്ടിക്കാലമാണോ?; സോഷ്യൽ മീഡിയയിൽ വൈറലായി കൊച്ചു ‘കോലി’
Virat Kohli Lookalike: വിരാട് കോലിയുടെ കുട്ടിക്കാലത്തെ ഓർമിപ്പിക്കുന്ന ഒരു പെൺകുട്ടിയുടെ വിഡിയോ വൈറൽ. ഒരു കൊച്ചുപെൺകുട്ടിയുടെ വിഡിയോ ആണ് പ്രചരിക്കുന്നത്.
ഇന്ത്യൻ ക്രിക്കറ്റർ വിരാട് കോലിയുടെ കുട്ടിക്കാലത്തെ ഓർമിപ്പിക്കുന്ന തരത്തിൽ ഒരു പെൺകുട്ടി. ഒരു കൊച്ചു പെൺകുട്ടിയുടെ വിഡിയോ ആണ് സമൂഹമാധ്യമങ്ങളിൽ പ്രചരിക്കുന്നത്. പ്രശസ്ത ഇൻസ്റ്റാഗ്രാം പേജായ 9Gag പങ്കുവെച്ച ഈ വീഡിയോ മിനിട്ടുകൾക്കുള്ളിൽ വൈറലാവുകയായിരുന്നു. (Image Credits- Screengrab)
@oyeenikita എന്ന ഇൻസ്റ്റാഗ്രാം അക്കൗണ്ടിൽ നിന്നുള്ള വിഡിയോ ആണ് വൈറലാവുന്നത്. ഒരു കൊച്ചു പെൺകുട്ടി ഒരു മാജിക് ട്രിക്ക് അവതരിപ്പിക്കാൻ ശ്രമിക്കുന്നതാണ് വിഡിയോയിൽ ഉള്ളത്. വാതിലിന് പിന്നിൽ മറഞ്ഞുനിന്നുള്ള ഒരു മാജിക്കായിരുന്നു ഇത്.
മാജിക് പ്ലാൻ നന്നായിരുന്നെങ്കിലും പിന്നിലുണ്ടായിരുന്ന കണ്ണാടി കാരണം ഇത് പരാജയപ്പെട്ടു. പക്ഷേ, വിഡിയോ വൈറലായി. പെൺകുട്ടിയുടെ മുഖത്തിന് വിരാട് കോലിയുടെ കുട്ടിക്കാല ചിത്രങ്ങളുമായുള്ള അസാധാരണമായ സാമ്യമാണ് സമൂഹമാധ്യമങ്ങൾ തിരിച്ചറിഞ്ഞ് ചൂണ്ടിക്കാട്ടിയത്.
വിഡിയോ കണ്ട പലരും വിരാട് കോലിയുടെ കുട്ടിക്കാലത്തെ ഫോട്ടോകൾ കമന്റായി പങ്കുവെച്ചു. കോലിയുടെയും അനുഷ്ക ശർമ്മയുടെയും മകൾ വാമികയാണോ ഇതെന്ന സംശയവും ചിലർ പ്രകടിപ്പിച്ചു. കമൻ്റ് ബോക്സിൽ ഇതുമായി ബന്ധപ്പെട്ട ചർച്ചകൾ കൊഴിക്കുകയാണ്.
വിരാട് കോലി ന്യൂസീലൻഡിനെതിരായ ഏകദിന പരമ്പരയ്ക്ക് ഒരുങ്ങുകയാണ്. മൂന്ന് മത്സരങ്ങളടങ്ങിയ പരമ്പര ഈ മാസം 11നാണ് ആരംഭിക്കുക. കോലിയ്ക്കൊപ്പം രോഹിത് ശർമ്മയും ടീമിലുണ്ട്. ശുഭ്മൻ ഗിൽ ആണ് ക്യാപ്റ്റൻ. ഇതിന് ശേഷം ടി20 പരമ്പര ആരംഭിക്കും.
