Mango Preservation: സീസൺ കഴിഞ്ഞാലും ഇനി വർഷം മുഴുവൻ മാമ്പഴം കഴിക്കാം, രുചിമാറാതെ കാലങ്ങളോളം സൂക്ഷിക്കുന്ന വിദ്യ
mangoes preservation technique : സീസൺ കഴിഞ്ഞാലും മാമ്പഴം കഴിക്കണമെന്ന തോന്നിയാൽ ഇനി വിഷമിക്കേണ്ടതില്ല, ഫ്രീസറിൽ നിന്ന് നേരിട്ട് എടുത്ത് ഉപയോഗിക്കാം.
മാമ്പഴക്കാലം കഴിഞ്ഞാലും ആ തനതായ രുചി ആസ്വദിക്കാൻ ആഗ്രഹിക്കുന്നവർക്കായി ഇതാ ഒരു എളുപ്പവഴി. സീസൺ കഴിഞ്ഞും മാമ്പഴം കേടുകൂടാതെ മാസങ്ങളോളം സൂക്ഷിച്ചുവെക്കാൻ 'ഫ്രീസിംഗ്' രീതിയാണ് ഏറ്റവും അനുയോജ്യം.
സോഷ്യൽ മീഡിയയിലൂടെ വൈറലായ ഈ രീതി പിന്തുടർന്നാൽ അടുത്ത മാമ്പഴക്കാലം വരെ മാമ്പഴത്തിന്റെ ഗുണം നഷ്ടപ്പെടാതെ നിലനിർത്താം. നന്നായി പഴുത്തതും കേടില്ലാത്തതുമായ മാമ്പഴമാണ് ഇതിനായി തിരഞ്ഞെടുക്കേണ്ടത്.
മാമ്പഴം നന്നായി കഴുകി ഉണക്കിയ ശേഷം തൊലി പൂർണ്ണമായും ചെത്തിക്കളയുക. മാമ്പഴം മുറിക്കാതെ മുഴുവനായി തന്നെ സൂക്ഷിക്കുന്നതാണ് ഏറ്റവും ഉചിതം. ഇങ്ങനെ തയ്യാറാക്കിയ മാമ്പഴം ഈർപ്പമില്ലാത്ത ഗ്ലാസ് ജാറുകളിലേക്കോ സിപ്‌ലോക്ക് ബാഗുകളിലേക്കോ മാറ്റാം.
മാമ്പഴത്തിന്റെ നിറവും രുചിയും മാറാതെ ഇരിക്കാൻ അതിനു മുകളിലായി ഒരു പാളി പഞ്ചസാര വിതറുന്നത് ഗുണകരമാണ്. ഇത് ഒരു പ്രകൃതിദത്ത പ്രിസർവേറ്റീവ് ആയി പ്രവർത്തിക്കും. വായു കടക്കാത്ത രീതിയിൽ പാത്രമോ ബാഗോ നന്നായി അടച്ച് ഫ്രീസറിൽ സൂക്ഷിക്കാവുന്നതാണ്.
ആവശ്യാനുസരണം എടുത്ത് ഉപയോഗിക്കാൻ പാകത്തിൽ ചെറിയ ബാച്ചുകളായി പാക്ക് ചെയ്യുന്നതാണ് നല്ലത്. പുഡ്ഡിംഗുകൾ, മിൽക്ക് ഷേക്കുകൾ എന്നിവ തയ്യാറാക്കാൻ ഈ രീതിയിൽ സൂക്ഷിച്ച മാമ്പഴം ഏറെ മികച്ചതാണ്. സീസൺ കഴിഞ്ഞാലും മാമ്പഴം കഴിക്കണമെന്ന തോന്നിയാൽ ഇനി വിഷമിക്കേണ്ടതില്ല, ഫ്രീസറിൽ നിന്ന് നേരിട്ട് എടുത്ത് ഉപയോഗിക്കാം.
