Meenakshi Dileep: മീനാക്ഷി കാരണം ദിലീപ് രക്ഷപ്പെട്ടു, ഇല്ലെങ്കില് പരിഹസിക്കപ്പെട്ടേനേ
Meenakshi Dileep Was the Reason Dileep Skipped Nanban: നടി ആക്രമിക്കപ്പെട്ട കേസിനും മുമ്പ് തന്നെ ദിലീപിനോടുള്ള പ്രേക്ഷക സ്നേഹം കുറഞ്ഞ് തുടങ്ങിയിരുന്നു. ഒരുപക്ഷെ മഞ്ജു വാര്യര്-ദിലീപ് വിവാഹമോചനം തന്നെയാകാം അതിന് പ്രധാന കാരണം.
കുടുംബപ്രേക്ഷകരുടെ മനസില് അതിവേഗം ഇടംനേടിയ നടന്മാരാണ് ദിലീപും ജയറാമും. ഒരുകാലത്ത് ഇരുവരും ചെയ്തിരുന്ന സിനിമകളാണ് വന് സ്വീകാര്യതയാണ് ലഭിച്ചിരുന്നത്. നടി ആക്രമിക്കപ്പെട്ട കേസിനും മുമ്പ് തന്നെ ദിലീപിനോടുള്ള പ്രേക്ഷക സ്നേഹം കുറഞ്ഞ് തുടങ്ങിയിരുന്നു. ഒരുപക്ഷെ മഞ്ജു വാര്യര്-ദിലീപ് വിവാഹമോചനം തന്നെയാകാം അതിന് പ്രധാന കാരണം. (Image Credits: Instagram)
ജയറാം കോമഡി വേഷങ്ങളിലൂടെയും മറ്റുമാണ് കുടുംബപ്രേക്ഷകരുടെ ഇഷ്ടം സമ്പാദിച്ചത്. എന്നാല് ഒരിടയ്ക്ക് വെച്ച് അദ്ദേഹത്തിന് മലയാളത്തില് ലഭിച്ചുകൊണ്ടിരുന്ന അവസരങ്ങള് കുറഞ്ഞു. ഇതോടെ താരം തെന്നിന്ത്യന് ഭാഷകളിലേക്ക് കൂടുമാറ്റം നടത്തുകയായിരുന്നു.
ജയറാമിന്റെ ജീവിതത്തിലെ ഏറ്റവും വലിയ മണ്ടത്തരമെന്ന് ആരാധകര് വിശേഷിപ്പിക്കുന്നത്് സംവിധായകന് ശങ്കറിന്റെ സിനിമയില് ഭാഗമായതാണ്. ശങ്കറിന്റെ ഗെയിം ചേഞ്ചര് എന്ന ചിത്രത്തില് ജയറാമിന് ലഭിച്ച റോള് വലിയ വിമര്ശനങ്ങള്ക്കാണ് വഴിയൊരുക്കിയത്. താരത്തെ ഒരു കോമാളിയായി അവതരിപ്പിച്ചു എന്നതാണ് കാരണം.
എന്നാല് ശങ്കര് തേടിയെത്തിയ ആദ്യ മലയാള താരമല്ല ജയറാം. നേരത്തെ ദിലീപിനെയും ഒരു സിനിമയിലേക്ക് ശങ്കര് വിളിച്ചിരുന്നു. നന്പന് എന്ന ചിത്രത്തിലെ ശ്രീവാസ്തവന് എന്ന കഥാപാത്രം ചെയ്യാനായിരുന്നു ക്ഷണം.
എന്നാല് വേഷം ചെയ്യേണ്ടെന്ന് ദിലീപിനോട് പറഞ്ഞത് മകള് മീനാക്ഷിയാണെന്നാണ് വിവരം. കോമഡി കലര്ന്ന വേഷമാണിതെന്നും അതിനാല് ചെയ്യേണ്ടെന്നും മീനാക്ഷി പറഞ്ഞിരുന്നു. മകളുടെ തീരുമാനം അച്ഛനെ വമ്പന് ഫ്ളോപ്പില് നിന്നാണ് രക്ഷിച്ചതെന്ന് ആരാധകര് പറയുന്നു.
