Suzuki Gixxer Range : ലുക്ക് ഇത് മതിയോ! കൂടുതൽ ഭംഗിയിൽ പുതിയ ജിക്സർ എത്തി, വില 1.37 ലക്ഷം മുതൽ
New Suzuki Gixxer Launch : സുസുക്കി തങ്ങളുടെ ജിക്സർ (Gixxer) ലൈനപ്പിൽ വരുന്ന അഞ്ച് മോഡലുകളായ ജിക്സർ, ജിക്സർ SF, ജിക്സർ 250, ജിക്സർ SF 250, ജിക്സർ SF 250 FFV എന്നിവയിൽ പുതിയ കളർ ഓപ്ഷനുകൾ അവതരിപ്പിച്ചിരിക്കുകയാണ്. വാഹനത്തെ കൂടുതൽ ആകർഷകമാക്കുന്നതിന്റെ ഭാഗമായാണ് പുതിയ അപ്ഡേഷൻ നൽകിയിരിക്കുന്ന്.
എൻജിൻ, ഷാസി, മറ്റ് സാങ്കേതിക സംവിധാനങ്ങൾ എന്നിവയിലൊന്നും മാറ്റങ്ങൾ ഇല്ല. പെയിന്റിംഗിലും ഗ്രാഫിക്സിലും മാത്രമാണ് മാറ്റങ്ങൾ വരുത്തിയിരിക്കുന്നത്. ജിക്സറിന് 1,37,221 രൂപയാണ് എക്സ് ഷോറൂം വില വരുന്നത്. ജിക്സർ SF 250 FFV-ക്ക് 1,98,476 രൂപയുമാണ് എക്സ് ഷോറൂം വില ആരംഭിക്കുന്നത്. ( Image Credit Source Susuki Website )
155 സിസി സുസുക്കി ജിക്സർ, ജിക്സർ SF എന്നിവയിൽ മെറ്റാലിക് ഗ്രേ (Metallic Oort Gray), പേൾ ബ്ലേസ് ഓറഞ്ച് (Pearl Blaze Orange) എന്നീ നിറങ്ങൾ ചേർന്ന പുതിയ ഡ്യുവൽ-ടോൺ കളർ ഓപ്ഷനാണ് നൽകിയിരിക്കുന്നത്. നിലവിലുള്ള കളകർ ഓപ്ഷനുകൾ നിലനിർത്തിക്കൊണ്ടാണ് പുതിയ ഓപ്ഷൻ കൂടി അവതരിപ്പിച്ചിരിക്കുന്നത്.
ജിക്സറിന്റെ നേക്കഡ് മോഡൽ ഇപ്പോൾ മെറ്റാലിക് ഗ്രേ - പേൾ ബ്ലേസ് ഓറഞ്ച്, മെറ്റാലിക് ട്രൈറ്റൺ ബ്ലൂ - ഗ്ലാസ് സ്പാർക്കിൾ ബ്ലാക്ക്, ഗ്ലാസ് സ്പാർക്കിൾ ബ്ലാക്ക് - മെറ്റാലിക് ഗ്രേ എന്നീ കളർ കോംബിനേഷനുകളിൽ ലഭ്യമാണ്. ഈ മോഡലിന്റെ വിലയാണ് 1,37,221 രൂപയിൽ ആരംഭിക്കുന്നത്
രണ്ട് മോഡലുകളിലും 13 എച്ച് പി കരുത്തും 13.8 ന്യൂട്ടൺ മീറ്റർ ടോർക്കും നൽകുന്ന,155 സിസി സിംഗിൾ-സിലിണ്ടർ എൻജിൻ തന്നെയാണ് വരുന്നത്. സുസുക്കി റൈഡ് കണക്റ്റ്, എൽഇഡി ലൈറ്റിംഗ്, ഡിസ്ക് ബ്രേക്കുകൾ, സിംഗിൾ-ചാനൽ എബിഎസ് (ABS) തുടങ്ങിയ സൗകര്യങ്ങളും അപ്ഡേറ്റഡ് മോഡലിലും തുടരും.
ജിക്സർ SF ലേക്ക് വന്നാൽ മെറ്റാലിക് ഗ്രേയ്ക്കൊപ്പം ഗ്ലാസ് സ്പാർക്കിൾ ബ്ലാക്ക്, പേൾ ഗ്ലേസിയർ വൈറ്റിനൊപ്പം മെറ്റാലിക് ട്രൈറ്റൺ ബ്ലൂ എന്നിവയാണ് മറ്റ് നിറങ്ങൾ. ജിക്സർ SF-ന്റെ എക്സ് ഷോറൂം വില 1,40,729 രൂപയിൽ നിന്നാണ് ആരംഭിക്കന്നത്.
