Peanuts Red Peel: എന്തിനാണ് കപ്പലണ്ടിയുടെ തൊലി കളയുന്നത്…; നിങ്ങൾ ചെയ്യുന്നത് വലിയ തെറ്റ്
Peanuts Red Skin Health Benefits: നിരവധി ആരോഗ്യ ഗുണങ്ങളുള്ള നിലക്കടല കഴിക്കുമ്പോൾ പലരും അതിൻ്റെ പുറത്തുള്ള ചുവന്ന തൊലി കളയാറുണ്ട്. നിലക്കടലയുടെ ചുവന്ന തൊലി വയറിന് അസ്വസ്ഥതയുണ്ടാക്കുമെന്ന് പേടിച്ചാണ് പലരും ഇത് കളയുന്നത്. എന്നാൽ നിങ്ങളുടെ ഈ അറിവ് ശെരിക്കും സത്യമാണോ.
പാവങ്ങളുടെ ബദാം എന്നാണ് കപ്പലണ്ടി അഥവ നിലക്കടല അറിയപ്പെടുന്നത്. അതിന് കാരണം അവയുടെ വിലക്കുറവ് തന്നെയാണ്. നിരവധി ആരോഗ്യ ഗുണങ്ങളുള്ള നിലക്കടല കഴിക്കുമ്പോൾ പലരും അതിൻ്റെ പുറത്തുള്ള ചുവന്ന തൊലി കളയാറുണ്ട്. എന്നാൽ കേട്ടോളൂ യഥാർത്ഥത്തിൽ ഈ ചുവന്ന തൊലിയിൽ ധാരാളം ഗുണങ്ങളുണ്ടെന്നാണ് ആരോഗ്യ വിദഗ്ധർ ചൂണ്ടിക്കാട്ടുന്നത്. (Image Credits: Getty Images)
നിലക്കടലയുടെ ചുവന്ന തൊലി വയറിന് അസ്വസ്ഥതയുണ്ടാക്കുമെന്ന് പേടിച്ചാണ് പലരും ഇത് കളയുന്നത്. എന്നാൽ നിങ്ങളുടെ ഈ അറിവ് ശെരിക്കും സത്യമാണോ. ആരോഗ്യ വിദഗ്ധരുടെ അഭിപ്രായത്തിൽ, നിലക്കടലയുടെ ചുവന്ന തൊലി പോഷകങ്ങളുടെ ഒരു ചെറിയ കലവറയാണ്. നാരുകൾ, ശക്തമായ ആന്റിഓക്സിഡന്റുകൾ, വിറ്റാമിൻ ഇ, വിറ്റാമിൻ ബി6 തുടങ്ങി ശരീരത്തിന് ആവശ്യമായ നിരവധി അവശ്യ ധാതുക്കൾ ഇതിലുണ്ട്.
നിലക്കടലയുടെ ചുവന്ന തൊലി കളയാതെ തന്നെ അവ കഴിക്കണമെന്നാണ് വിദഗ്ധർ പറയുന്നത്. ഈ തൊലിയിൽ അടങ്ങിയിരിക്കുന്ന പോളിഫെനോളുകളും ഫ്ലേവനോയ്ഡുകളും ഫ്രീ റാഡിക്കലുകളെ ചെറുക്കാനും ശരീരകോശങ്ങളെ കേടുപാടുകളിൽ നിന്ന് സംരക്ഷിക്കാനും സഹായിക്കുന്നു. ഈ പ്രക്രിയ വാർദ്ധക്യത്തെ മന്ദഗതിയിലാക്കുക മാത്രമല്ല, രോഗപ്രതിരോധ ശേഷി ശക്തിപ്പെടുത്തുകയും ചെയ്യുന്നു.
കൂടാതെ, ചുവന്ന തൊലിയിലെ നാരുകൾ ദഹനത്തെ പിന്തുണയ്ക്കുകയും മലബന്ധം തടയാൻ സഹായിക്കുകയും ചെയ്യും. എന്നാൽ, തൊലി കളയാതെ അമിതമായ കപ്പലണ്ടി കഴിക്കുന്നത് ഗ്യാസ് കയറാനും വയറു വീർക്കുന്നതിനും കാരണമാകും. അതുകൊണ്ടാണ് മിതത്വം എപ്പോഴും വളരെ പ്രധാനമാണ്.
മറ്റൊരു പ്രധാന ഗുണം എന്തെന്നാൽ, ചുവന്ന തൊലിയോടെ നിലക്കടല കഴിക്കുന്നത് രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിക്കില്ല എന്നതാണ്. അതിനാൽ, പ്രമേഹമുള്ളവർക്ക് സുരക്ഷിതമായി ഇത് കഴിക്കാം. നിലക്കടല കഴിക്കുമ്പോൾ അലർജിയുള്ളവരോ ദഹനപ്രശ്നങ്ങൾ അനുഭവിക്കുന്നവരോ കഴിക്കുന്നതിന് മുമ്പ് വളരെയധികം ശ്രദ്ധിക്കണം.
