Petrol Price: കേരളത്തിൽ പെട്രോൾ വില കൂടിയോ? നിരക്ക് ഇങ്ങനെ
Petrol and Diesel Prices in Kerala: പശ്ചിമേഷ്യൻ യുദ്ധത്തിന് പിന്നാലെ രാജ്യത്ത് എൽപിജി, ഇന്ധന പ്രതിസന്ധി രൂക്ഷമായിരിക്കുകയാണ്. പ്രീമിയം പെട്രോളിനും വ്യാവസായിക ഡീസലിനും വില കൂട്ടിയിരുന്നു. പെട്രോളിനും ഡീസലിനുമുള്ള എക്സൈസ് തീരുവ കുറച്ചിട്ടുണ്ട്. ലിറ്ററിന് 10 രൂപ വീതമാണ് കുറച്ചത്.
പശ്ചിമേഷ്യൻ യുദ്ധത്തിന് പിന്നാലെ രാജ്യത്ത് എൽപിജി, ഇന്ധന പ്രതിസന്ധി രൂക്ഷമായിരിക്കുകയാണ്. പെട്രോൾ, ഡീസൽ വില ഉയരുമോ എന്ന ആശങ്കയും ജനങ്ങൾക്കുണ്ട്. പ്രീമിയെ പെട്രോളിനും വ്യാവസായിക ഡീസലിനും വില കൂട്ടിയിരുന്നു.
അതേസമയം പെട്രോളിനും ഡീസലിനുമുള്ള എക്സൈസ് തീരുവ കുറച്ചിട്ടുണ്ട്. ലിറ്ററിന് 10 രൂപ വീതമാണ് കുറച്ചത്. ഇതോടെ എക്സൈസ് തീരുവ പെട്രോളിന് 3 രൂപയും ഡീസലിന് പൂജ്യവുമായി താഴ്ന്നു. പെട്രോളിന് 13 ഉം ഡീസലിന് പത്തുമായിരുന്നു തീരുവ.
എക്സൈസ് തീരുവ കുറച്ചത് പെട്രോളിന്റെയും ഡീസലിന്റെയും വില കുറയ്ക്കുമെന്നാണ് വിലയിരുത്തൽ. നയാര എനര്‍ജി കഴിഞ്ഞ ദിവസം ഇന്ധനവില വര്‍ധിപ്പിച്ചിരുന്നു. പെട്രോളിന് 5 രൂപയും ഡീസലിന് 3 രൂപയുമാണ് കൂട്ടിയത്. വിവിധ ജില്ലകളിലെ നിരക്കിന് മാറ്റമുണ്ട്.
തിരുവനന്തപുരത്ത് ഒരു ലിറ്റർ പെട്രോളിന് നിലവിൽ 107.48 രൂപയാണ് വില. ആലപ്പുഴ, എറണാകുളത്ത് 105.65 രൂപയാണ് നൽകേണ്ടത്. കൊല്ലം 106.88, കോട്ടയം 106.18, കോഴിക്കോട് 106.03, തൃശ്ശൂർ 106.15, വയനാട് 107.25 എന്നിങ്ങനെയാണ് വിവിധ ജില്ലകളിലെ വില.
ഡീസൽ വിലയിലും മാറ്റമുണ്ട്. തിരുവനന്തപുരത്ത് 96.48 രൂപ നിരക്കിലാണ് വ്യാപാരം. ആലപ്പുഴ, എറണാകുളം 94.64, ഇടുക്കി 96.13, കൊല്ലം 95.79, കോട്ടയം 95.14, പാലക്കാട് 95.50, പത്തനംതിട്ട 95.49, തൃശ്ശൂർ 95.11 രൂപ എന്നിങ്ങനെയാണ് വില. (Image Credit: PTI)
