Ram Charan: ഷൂട്ടിംഗിനിടെ രാം ചരണിന് പരിക്ക്; കണ്ണിന് മുകളിലായി നാല് തുന്നൽ
Ram Charan Injured on Peddi Movie Sets: ബുച്ചി ബാബു സന സംവിധാനം ചെയ്യുന്ന സ്പോർട്സ്- ഡ്രാമ ചിത്രം 'പെഡ്ഡി' ഷൂട്ടിങ്ങിനിടെയാണ് താരത്തിന് പരിക്കേറ്റത്. താരത്തിന്റെ കണ്ണിന് പരിക്കേറ്റു എന്ന തരത്തിൽ വാർത്തകൾ പ്രചരിച്ചതോടെ ആരാധകർ വലിയ ആശങ്കയിലായിരുന്നു. ബുച്ചി ബാബു സന സംവിധാനം ചെയ്യുന്ന ഈ ബിഗ് ബജറ്റ് ചിത്രത്തിൽ ജാൻവി കപൂർ ആണ് നായിക.
ഷൂട്ടിംഗിനിടെ നടൻ രാംചരണിന് പരിക്ക്. ബുച്ചി ബാബു സന സംവിധാനം ചെയ്യുന്ന സ്പോർട്സ്- ഡ്രാമ ചിത്രം 'പെഡ്ഡി' ഷൂട്ടിങ്ങിനിടെയാണ് താരത്തിന് പരിക്കേറ്റത്. കണ്ണിന് മുകളിലാണ് നാല് തുന്നലുണ്ടെന്നാണ് വിവരം.
ആക്ഷൻ സീനിന്റെ ഷൂട്ടിങ്ങിനിടെയാണ് പരിക്കേറ്റത്. പരിക്ക് ഗുരുതരമല്ലെന്നും താരം ഷൂട്ടിങ്ങിനായി ടീമിനൊപ്പം തിരിച്ചെത്തിയെന്നും നടനോട് അടുത്ത വൃത്തങ്ങളെ ഉദ്ധരിച്ച് ഹിന്ദുസ്ഥാൻ ടൈംസ് റിപ്പോർട്ട് ചെയ്തിരുന്നു.
ചൊവ്വാഴ്ചയാണ് അപകടം സംഭവിച്ചത്. താരത്തിന്റെ കണ്ണിന് പരിക്കേറ്റു എന്ന തരത്തിൽ വാർത്തകൾ പ്രചരിച്ചതോടെ ആരാധകർ വലിയ ആശങ്കയിലായിരുന്നു.
എന്നാൽ, രാം ചരണിന്റെ കണ്ണിനല്ല പരിക്കേറ്റതെന്നും കണ്ണിന് തൊട്ടുമുകളിലായി ചെറിയൊരു മുറിവുണ്ടായതാണെന്നും അദ്ദേഹത്തിന്റെ ടീം അറിയിച്ചിട്ടുണ്ട്. ചികിത്സയ്ക്ക് ശേഷം താരം ഉടൻ തന്നെ സെറ്റിലേക്ക് തിരിച്ചെത്തി ചിത്രീകരണം തുടർന്നു.
ബുച്ചി ബാബു സന സംവിധാനം ചെയ്യുന്ന ഈ ബിഗ് ബജറ്റ് ചിത്രത്തിൽ ജാൻവി കപൂർ ആണ് നായിക. ശിവരാജ്കുമാർ, ജഗപതി ബാബു എന്നിവരും ചിത്രത്തിൽ പ്രധാനവേഷത്തിലുണ്ട്. (Image Credit: Instagram)
