Vedan Wedding: കറുപ്പഴകിൽ വേടൻ, സുന്ദരിയായി നവമിയും; വിവാഹാഘോഷ ചിത്രങ്ങൾ
Rapper Vedan and Navami Latha Wedding: വേടനും എഴുത്തുകാരിയായ നവമി ലതയും ഏറെ നാളായി പ്രണയത്തിലായിരുന്നു. പൊതുപരിപാടികൾക്കെല്ലാം വേടനൊപ്പം നവമി ലതയും പങ്കെടുക്കാറുണ്ട്.
വിവാഹഘോഷങ്ങളുടെ ചിത്രങ്ങൾ പങ്കുവെച്ച് റാപ്പർ വേടനും നവമി ലതയും. ഇന്ന് തൃശൂർ സബ് റജിസ്ട്രാർ ഓഫിസിൽ വച്ചാണ് ഇരുവരും വിവാഹിതരാകുന്നത്. ഇന്ത്യൻ ഭരണഘടനയെ സാക്ഷിയാക്കി വളരെ ലളിതമായ ചടങ്ങോടെയാണ് വിവാഹം നടക്കുക.
വിവാഹത്തിന് മുമ്പ് അടുത്ത സുഹൃത്തുക്കൾ മാത്രം പങ്കെടുത്ത ആഘോഷത്തിന്റെ ചിത്രങ്ങളാണ് ഇൻസ്റ്റഗ്രാമിൽ പങ്കുവെച്ചത്. പതിവുപോലെ കറുപ്പ് വേഷത്തിലാണ് വേടൻ എത്തിയത്. ചുവപ്പു സ്ലീവ് ലെസ് ഗൗണാണ് നവമിലതയുടെ വേഷം.
തദ്ദേശ സ്വയംഭരണ ദിനാഘോഷത്തിന്റെ ഭാഗമായി കണ്ണൂർ ധർമശാലയിൽ സർക്കാർ നടത്തുന്ന ഹാപ്പിനസ് ഫെസ്റ്റിവലിൽ വച്ച്, സിപിഎം സംസ്ഥാന സെക്രട്ടറി എം.വി ഗോവിന്ദനാണ് വേടന്റെ വിവാഹക്കാര്യം ആദ്യം പരസ്യപ്പെടുത്തിയത്. തുടർന്ന് വേടനും സ്ഥിരീകരിച്ചു.
ചെറിയ ചടങ്ങിലായിരിക്കും വിവാഹമെന്ന് വേടൻ പറഞ്ഞിരുന്നു. വേടനും എഴുത്തുകാരിയായ നവമി ലതയും ഏറെ നാളായി പ്രണയത്തിലായിരുന്നു. മലപ്പുറം മഞ്ചേരി സ്വദേശിയാണ് നവമിലത. പൊതുപരിപാടികൾക്കെല്ലാം വേടനൊപ്പം നവമി ലതയും പങ്കെടുക്കാറുണ്ട്.
2025ൽ വേടൻ പുറത്തിറക്കിയ ‘മോണലോവ’ എന്ന പാട്ട് തന്റെ കാമുക്കിക്ക് വേണ്ടി എഴുതിയതാണെന്ന് മുൻപ് വേടൻ മുമ്പ് പറഞ്ഞിരുന്നു. ഗാനം സമൂഹമാധ്യമങ്ങളിൽ വൻ തരംഗമാണ് തീർത്തത്. (Image Credit: Getty Images)
