ബുംറയുടെ കാര്യത്തില്‍ കരുതല്‍ വേണം; മൂന്ന് ഫോര്‍മാറ്റിലും കളിപ്പിക്കരുത്; രവി ശാസ്ത്രിയുടെ മുന്നറിയിപ്പ്‌
Ravi Shastri on Jasprit Bumrah: ജസ്പ്രീത് ബുംറയുടെ ജോലിഭാരം ഇന്ത്യ ശ്രദ്ധയോടെ കൈകാര്യം ചെയ്യണമെന്ന് മുന്‍ മുഖ്യപരിശീലകന്‍ രവി ശാസ്ത്രി. ലോകകപ്പ് വരെ ബുംറയെ മൂന്ന് ഫോര്‍മാറ്റുകളിലും ഒരുമിച്ച് കളിപ്പിക്കരുതെന്ന് അദ്ദേഹം നിര്‍ദ്ദേശിച്ചു. ടെസ്റ്റ് ക്രിക്കറ്റില്‍ ശ്രദ്ധ കേന്ദ്രീകരിക്കണം. ഏകദിനത്തിലും ടി20കളിലും ഇടയ്ക്കിടെ മാത്രം കളിപ്പിച്ചാല്‍ മതിയെന്നും ശാസ്ത്രി.
2027 ഏകദിന ലോകകപ്പിനുള്ള തയ്യാറെടുപ്പുകളുടെ ഭാഗമായി ജസ്പ്രീത് ബുംറയുടെ ജോലിഭാരം ഇന്ത്യ ശ്രദ്ധയോടെ കൈകാര്യം ചെയ്യണമെന്ന് മുന്‍ മുഖ്യപരിശീലകന്‍ രവി ശാസ്ത്രി. ലോകകപ്പ് വരെ ബുംറയെ മൂന്ന് ഫോര്‍മാറ്റുകളിലും ഒരുമിച്ച് കളിപ്പിക്കരുതെന്ന് അദ്ദേഹം നിര്‍ദ്ദേശിച്ചു. ടെസ്റ്റ് ക്രിക്കറ്റില്‍ ശ്രദ്ധ കേന്ദ്രീകരിക്കണം. ഏകദിനത്തിലും ടി20കളിലും ഇടയ്ക്കിടെ മാത്രം കളിപ്പിച്ചാല്‍ മതിയെന്നും ശാസ്ത്രി ഉപദേശിച്ചു (Image Credit Source: PTI).
ന്യൂസിലാൻഡിലെ രണ്ട് ടെസ്റ്റ് മത്സരങ്ങൾക്കായി ബുംറയെ സംരക്ഷിക്കണം. അവിടെ ബുംറ നിർണായകമായേക്കും. ആറാഴ്ച നീണ്ടുനിൽക്കുന്ന ന്യൂസിലാൻഡ് പര്യടനം ഇന്ത്യന്‍ ടീമിന് നിര്‍ണായകമാണ്. ഇന്ത്യൻ ക്രിക്കറ്റ് എവിടേക്കാണ് പോകുന്നതെന്ന് ഈ പര്യടനം വ്യക്തമായ സൂചന നൽകുമെന്നും ശാസ്ത്രി അഭിപ്രായപ്പെട്ടു.
ലോകകപ്പിൽ ദക്ഷിണാഫ്രിക്കയിൽ വെച്ച് ഇന്ത്യ നേരിടേണ്ടിവരുന്ന ചില സാഹചര്യങ്ങളെ അവിടുത്തെ സാഹചര്യങ്ങൾ പ്രതിഫലിപ്പിച്ചേക്കാം. അതുകൊണ്ട് ന്യൂസിലന്‍ഡ് പര്യടനം നിര്‍ണായകമാണ്. ഇന്ത്യയെ സംബന്ധിച്ചിടത്തോളം ലോക ടെസ്റ്റ് ചാമ്പ്യൻഷിപ്പ് ഫൈനലിൽ പ്രവേശിക്കുക എന്നത് എളുപ്പമല്ല. അവശേഷിക്കുന്ന മത്സരങ്ങളിൽ 90 ശതമാനത്തോളമെങ്കിലും ഇന്ത്യയ്ക്ക് ജയിക്കേണ്ടതുണ്ടെന്നും രവി ശാസ്ത്രി പറഞ്ഞു.
ന്യൂസിലൻഡ് പര്യടനത്തിനുള്ള ടി20 സ്ക്വാഡിലേക്ക് ഭുവനേശ്വർ കുമാർ തിരിച്ചെത്തിയതിനെ ശാസ്ത്രി സ്വാഗതം ചെയ്തു. അനുഭവസമ്പത്തിന് പകരമായി മറ്റൊന്നുമില്ല. ഭുവനേശ്വറെപ്പോലൊരു താരം ടീമിലുണ്ടെങ്കില്‍ മറ്റൊന്നും ചിന്തിക്കേണ്ട. ന്യൂസിലൻഡിലെ സാഹചര്യങ്ങൾക്ക് അദ്ദേഹം അനുയോജ്യനായിരിക്കുമെന്നും ശാസ്ത്രി പറഞ്ഞു.
മുഹമ്മദ് ഷമി തിരിച്ചെത്തണമെന്നും അദ്ദേഹം പറഞ്ഞു. ടെസ്റ്റ്, ഏകദിന ടീമുകളിലേക്ക് തിരിച്ചുവിളിക്കപ്പെടാൻ മാത്രം കാര്യങ്ങൾ അദ്ദേഹം കാര്യങ്ങൾ ചെയ്തിട്ടുണ്ട്. ടെസ്റ്റ് ക്യാപ്റ്റൻ ശുഭ്മാൻ ഗിൽ കടുത്ത നേതൃത്വപരമായ പരീക്ഷണത്തെയാണ് നേരിടുന്നത്. എങ്കിലും അദ്ദേഹം അത് ജീവിക്കുമെന്നും ശാസ്ത്രി ശുഭാപ്തിവിശ്വാസം പ്രകടിപ്പിച്ചു.
