8000mAh ബാറ്ററി, 50MP ക്യാമറ, 6.8 ഇഞ്ച് ഡിസ്പ്ലേ…! റിയൽമി സി100x ഇന്ത്യയിൽ എത്തി
Realme C100x launched in India: റിയൽമി സി100x ഇന്ത്യയിൽ ലോഞ്ച് ചെയ്തു. പുതിയ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് ഇത് പരിഗണിക്കാമെങ്കിലും ഒരു കാര്യം അറിഞ്ഞിരിക്കണം, ഇത് ഒരു 4ജി സ്മാർട്ട്ഫോണാണ് എന്നതാണ് അത്. ലോഞ്ച് ഓഫർ സഹിതം റിയൽമി സി100x ന്റെ 4GB + 64GB സിംഗിൾ മോഡൽ തുടക്കത്തിൽ 14,499 രൂപ വിലയിലാണ് എത്തിയിരിക്കുന്നത്.
റിയൽമി തങ്ങളുടെ സി സീരീസിലേക്ക് ഒരു പുതിയ സ്മാർട്ട്ഫോൺ ഇന്ന് ഇന്ത്യയിൽ ലോഞ്ച് ചെയ്തു. റിയൽമി സി100x (realme C100x) എന്നാണ് ഈ സ്മാർട്ട്ഫോണിന്റെ പേര്. പുതിയ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് ഇത് പരിഗണിക്കാമെങ്കിലും ഒരു കാര്യം അറിഞ്ഞിരിക്കണം, ഇത് ഒരു 4ജി സ്മാർട്ട്ഫോണാണ് എന്നതാണ് അത്. ഇതിലെ പ്രധാന ഫീച്ചറുകളും വിലയും കൂടി ഇവിടെ പരിചയപ്പെടാം.
കരുത്ത്: 1.8 GHz ഒക്ട-കോർ UNISOC T7250 12nm പ്രൊസസർ ആണ് ഈ ഫോണിന്റെ കരുത്ത്. Mali-G57 MP1 GPU, 4GB LPDDR4X റാം, 64GB eMMC 5.1 സ്റ്റോറേജ്, മൈക്രോ എസ്ഡി ഉപയോഗിച്ച് 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവ ഇതിലുണ്ട്.
ക്യാമറകൾ: 50MP മെയിൻ ക്യാമറ ഇതിന്റെ റിയർ ക്യാമറ സജ്ജീകരണത്തിൽ ഉണ്ട്. ഇത് LED ഫ്ലാഷ് സഹിതം എത്തുന്നു. സെൽഫിക്കും മറ്റുമായി f/2.2 അപ്പേർച്ചറുള്ള 5MP ഫ്രണ്ട് ക്യാമറയും ഉണ്ട്. ആൻഡ്രോയിഡ് 17 അടിസ്ഥാനമാക്കിയുള്ള റിയൽമി UI 7.0-ൽ ആണ് പ്രവർത്തനം. 3.5mm ഓഡിയോ ജാക്ക്, അൾട്രാ ലീനിയർ ബോട്ടം-പോർട്ടഡ് സ്പീക്കർ എന്നിവയും ഇതിലുണ്ട്.
ഡിസ്പ്ലേ, ബാറ്ററി: 6.8-ഇഞ്ച് (720×1570 പിക്സലുകൾ) HD+ IPS LCD സ്ക്രീൻ, 120Hz റിഫ്രഷ് റേറ്റ്, 700nit (ടൈപ്പ്) / 900nit (HBM), Panda@MN228 ഗ്ലാസ് പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ. 45W SuperVOOC ഫാസ്റ്റ് ചാർജിംഗ് റിവേഴ്സ് വയർഡ് ചാർജിംഗുള്ള 8000mAh ബാറ്ററിയാണ് ഈ റിയൽമി ഫോണിന്റെ ഹൈലൈറ്റ്.
മറ്റ് ഫീച്ചറുകൾ: സൈഡ്-മൗണ്ടഡ് ഫിംഗർപ്രിന്റ് സെൻസർ, IP64 റേറ്റിങ്, മിലിട്ടറി-ഗ്രേഡ് ഈട് (MIL-STD-810H), ഡ്യുവൽ സിം (നാനോ + നാനോ + മൈക്രോ എസ്ഡി), ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.2, GPS, GLONASS, ഗലീലിയോ, QZSS, USB ടൈപ്പ്-C.
വിലയും ലഭ്യതയും: ലോഞ്ച് ഓഫർ സഹിതം റിയൽമി സി100x ന്റെ 4GB + 64GB സിംഗിൾ മോഡൽ തുടക്കത്തിൽ 14,499 രൂപ വിലയിലാണ് എത്തിയിരിക്കുന്നത്. ഡീപ് ബ്ലൂ ടൈഡ്സ്, ഗോൾഡൻ കോസ്റ്റ് കളർ ഓപ്ഷനുകളിൽ ഇത് ലഭ്യമാണ്. റിയൽമി വെബ്സൈറ്റ്, ഫ്ലിപ്പ്കാർട്ട്, തിരഞ്ഞെടുത്ത ഓഫ്ലൈൻ സ്റ്റോറുകൾ എന്നിവ വഴി ഇപ്പോൾ ഇത് വാങ്ങാൻ ലഭ്യമാണ്.
