Rupee: റെക്കോർഡ് താഴ്ച, ഡോളറിനെതിരെ 95 കടന്ന് രൂപ, ഇനിയെങ്ങോട്ട്?
Rupee Hits All Time Low Against US Dollar: ചരിത്രത്തിലാദ്യമായി രൂപയുടെ മൂല്യം ഇന്ന് 95.21 എന്ന നിലവാരത്തിലേക്ക് കൂപ്പുകുത്തി. പശ്ചിമേഷ്യയിലെ സംഘർഷങ്ങളും വിദേശ നിക്ഷേപകർ കൂട്ടത്തോടെ ഓഹരികൾ വിറ്റഴിച്ചതുമാണ് തകർച്ചയ്ക്ക് കാരണം. രൂപയുടെ മൂല്യം ഇടിയുന്നത് ഇറക്കുമതി ചെയ്യുന്ന സാധനങ്ങളുടെ വില വർദ്ധിക്കാനും പണപ്പെരുപ്പത്തിനും കാരണമായേക്കും.
അമേേരിക്കൻ ഡോളറിനെതിരെ റെക്കോർഡ് താഴ്ചയിൽ രൂപ. ചരിത്രത്തിലാദ്യമായി രൂപയുടെ മൂല്യം ഇന്ന് 95.21 എന്ന നിലവാരത്തിലേക്ക് കൂപ്പുകുത്തി. പശ്ചിമേഷ്യയിലെ സംഘർഷങ്ങളും വിദേശ നിക്ഷേപകർ കൂട്ടത്തോടെ ഓഹരികൾ വിറ്റഴിച്ചതുമാണ് തകർച്ചയ്ക്ക് കാരണം.
വ്യാപാരത്തിനൊടുവിൽ വൈകുന്നേരം 94.83 എന്ന നിലയിൽ രൂപ എത്തി. ഈ ഒരൊറ്റ വർഷം രൂപയുടെ മൂല്യത്തിൽ ഏകദേശം 10 ശതമാനത്തിന്റെ ഇടിവ് ഉണ്ടായതായാണ് കണക്ക്. 2011 - 12 കാലഘട്ടത്തിന് ശേഷമുണ്ടായ ഏറ്റവും വലിയ തകർച്ചയാണിത്.
നിലവിലെ പ്രതിസന്ധി മറികടക്കാൻ റിസർവ് ബാങ്ക് വിദേശവിനിമയ നിയന്ത്രണങ്ങൾ കർശനമാക്കിയിട്ടുണ്ട്. പശ്ചിമേഷ്യൻ സംഘർഷങ്ങളുടെ ഫലമായി ക്രൂഡ് ഓയിൽ വില ഉയർന്നത് രൂപയുടെ മൂല്യത്തിന് തിരിച്ചടിയായി.
നിലവിലെ പ്രവണത തുടർന്നാൽ രൂപയുടെ മൂല്യം ഇനിയും ഇടിയുമെന്നാണ് വിദഗ്ധർ പറയുന്നത്. നിലവിൽ ഏറ്റവും ഭീകരമാ. അവസ്ഥയിലൂടെയാണ് രൂപ കടന്ന് പോകുന്നത്. ആഗോളവിപണിയിലെ മാറ്റങ്ങളം ട്രംപിന്റെ നയങ്ങളും രൂപയ്ക്ക് വെല്ലുവിളി ഉയർത്തുന്നു.
രൂപയുടെ മൂല്യം ഇടിയുന്നത് ഇറക്കുമതി ചെയ്യുന്ന സാധനങ്ങളുടെ വില വർദ്ധിക്കാനും പണപ്പെരുപ്പത്തിനും കാരണമായേക്കും. ഇത് സാധാരണക്കാരുടെ ആശങ്ക വർദ്ധിപ്പിക്കുന്നു. രൂപയുടെ തകർച്ച ഓഹരി വിപണിയിലും പ്രകടമാണ്. നിഫ്റ്റി സൂചികയിൽ 11 ശതമാനം ഇടിവുണ്ടായി. (Image Credit: Getty Image)
