Silver Price: മൂന്ന് ലക്ഷത്തിൽ മുത്തമിട്ട് വെള്ളി; വില കുറയാൻ വഴിയുണ്ടോ?
Silver Price Forecast March 2026: ആഗോള രാഷ്ട്രീയ സാഹചര്യം, വിതരണത്തിലെ കുറവും വെള്ളിക്ക് അനുകൂലമാണ്. വരുംദിവസങ്ങളിൽ വെള്ളി വില കുതിക്കുമെന്നാണ് സാമ്പത്തിക വിദഗ്ധരുടെ പ്രവചനങ്ങൾ.
മാറിമറിയുന്ന വെള്ളി വിലയോടൊപ്പം തന്നെ കുതിക്കുന്ന മറ്റൊരു ലോഹമാണ് വെള്ളിയും. വിപണിയിൽ വെള്ളി ആഭരണങ്ങൾക്കാണ് ഡിമാൻഡ് കൂടുതലെങ്കിലും വെള്ളിയും ഒട്ടും പിന്നിലല്ല. പാദസരം, അരഞ്ഞാണം പോലുള്ള വെള്ളി ആഭരണങ്ങൾക്ക് ആവശ്യക്കാർ ഏറെയാണ്.
കുറച്ച് ദിവസം മുമ്പ് നാല് ലക്ഷം പിന്നിട്ട വെള്ളി വിലയിൽ കനത്ത ഇടിവാണ് സംഭവിച്ചത്. വില രണ്ട് ലക്ഷത്തിലേക്ക് താഴ്ന്നിരുന്നു. എന്നാൽ വില വീണ്ടും കുതിക്കുകയാണ്. ഇന്ന് ഗ്രാമിന് മുന്നൂറ്, കിലോയ്ക്ക് മൂന്ന് ലക്ഷം എന്ന നിരക്കിലാണ് വെള്ളിയുടെ വ്യാപാരം.
വെള്ളി വില കിലോയ്ക്ക് ഒറ്റയടിക്കാണ് വർദ്ധിച്ച് ഇന്ന് കിലോയ്ക്ക് മൂന്ന് ലക്ഷം രൂപയ്ക്ക് എത്തിയിരിക്കുന്നത്. എംസിഎക്സ് (MCX) വിപണിയിൽ മാർച്ചിലെ സിൽവർ കോൺട്രാക്ടുകൾ പരിശോധിച്ചാൽ മൂന്ന് ശതമാനത്തിലധികം വർദ്ധനവാണ് രേഖപ്പെടുത്തിയിരിക്കുന്നത്.
വരുംദിവസങ്ങളിൽ വെള്ളി വില കുതിക്കുമെന്നാണ് സാമ്പത്തിക വിദഗ്ധരുടെ പ്രവചനങ്ങൾ. മോട്ടിലാൽ ഓസ്വാൾ വെള്ളി വില കിലോയ്ക്ക് 3.20 ലക്ഷം രൂപ വരെ എത്താമെന്ന് പ്രവചിക്കുന്നു. അന്താരാഷ്ട്ര വിപണിയിൽ വെള്ളി ഔൺസിന് 80 ഡോളർ മുതൽ 100 ഡോളർ വരെ ഉയരാൻ സാധ്യതയുണ്ട്.
സോളാർ പാനലുകൾ, ഇലക്ട്രിക് വാഹനങ്ങൾ, 5G ഇൻഫ്രാസ്ട്രക്ചർ, സെമികണ്ടക്ടറുകൾ എന്നിവയുടെ നിർമ്മാണത്തിൽ വെള്ളി ഒഴിച്ചുകൂടാനാവാത്തതാണ്. ഈ മേഖലകളിലെ കുതിച്ചുചാട്ടം വെള്ളിയുടെ ഡിമാൻഡ് വർദ്ധിപ്പിക്കുന്നു. കൂടാതെ, ആഗോള രാഷ്ട്രീയ സാഹചര്യം, വിതരണത്തിലെ കുറവും വെള്ളിക്ക് അനുകൂലമാണ്. (Image Credit: Getty Images)
