Silver: പാദസരം കിലുങ്ങാൻ ലക്ഷങ്ങൾ; റെക്കോർഡിഡ് വെള്ളി; അടുത്ത ആഴ്ച വില എങ്ങോട്ട്?
Silver Price Forecast: റെക്കോർഡുകൾ തകർത്താണ് വെള്ളിയുടെ സഞ്ചാരം. സുരക്ഷിത നിക്ഷേപം എന്ന നിലയിൽ വെള്ളിയിലുള്ള താൽപ്പര്യം വർദ്ധിച്ചതാണ് വില വർദ്ധനവിന് പ്രധാന കാരണം. വരുംദിവസങ്ങളിൽ വില എത്രയാകുമെന്ന് അറിഞ്ഞാലോ...
മലയാളികൾക്കേ ഏറെ പ്രിയപ്പെട്ട രണ്ട് ലോഹങ്ങളാണ് സ്വർണവും വെള്ളിയും. എന്നാൽ ഇക്കഴിഞ്ഞ ദിവസങ്ങളിലെ വില വർദ്ധനവ് ആശങ്ക സൃഷ്ടിക്കുന്നുണ്ട്. റെക്കോർഡുകൾ തകർത്താണ് വെള്ളിയുടെ സഞ്ചാരം. വരുംദിവസങ്ങളിൽ വില എത്രയാകുമെന്ന് അറിഞ്ഞാലോ...(Image credit: Social Media)
ആഗോള വിപണിയിൽ റെക്കോർഡിഡ് വെള്ളി വില. കഴിഞ്ഞ ദിവസങ്ങളിലായി 59 ഡോളറിന് മുകളിലേക്ക് കുതിച്ച വെള്ളി വില, ആഭ്യന്തര കമ്മോഡിറ്റി എക്സ്ചേഞ്ചുകളിലും കിലോയ്ക്ക് 1.8 ലക്ഷം രൂപയുടെ അടുത്തെത്തിയിരിക്കുകയാണ്. (Image credit: Getty Images)
സുരക്ഷിത നിക്ഷേപം എന്ന നിലയിൽ വെള്ളിയിലുള്ള താൽപ്പര്യം വർദ്ധിച്ചതാണ് വില വർദ്ധനവിന് പ്രധാന കാരണം. സൗരോർജ്ജം, ഇലക്ട്രോണിക്സ്, ഇലക്ട്രിക് വാഹനങ്ങൾ തുടങ്ങിയ ഗ്രീൻ എനർജി മേഖലകളിൽ നിന്നുള്ള ആവശ്യം കുത്തനെ ഉയർന്നിട്ടുണ്ട്. (Image credit:Getty Images)
വെള്ളിയുടെ മൊത്തം ഉപയോഗത്തിൽ 50 ശതമാനത്തിലധികം ഇപ്പോൾ വ്യാവസായിക ആവശ്യങ്ങൾക്കാണ്. സോളാർ പാനലുകളുടെ വളർച്ച വെള്ളിക്ക് വലിയ ഡിമാൻഡ് സൃഷ്ടിക്കുന്നുണ്ട്. വിതരണത്തിലെ കുറവ് വെള്ളി വിലയെ ബാധിച്ചിട്ടുണ്ട്. തുടർച്ചയായ അഞ്ചാം വർഷവും വെള്ളി ഉൽപ്പാദനം ആഗോള ഡിമാൻഡിനനുരിച്ച് ഉയരുന്നില്ല. (Image credit:Getty Images)
അമേരിക്കൻ ഫെഡറൽ റിസർവ് പലിശ നിരക്കുകൾ കുറയ്ക്കുമെന്ന പ്രതീക്ഷയും വെള്ളി വിലയെ സ്വാധീനിക്കുന്നു. അതുകൊണ്ട് തന്നെ വരും ദിവസങ്ങളിലും വെള്ളി വില ഉയരുമെന്നാണ് പ്രവചനം. അടുത്തവർഷത്തിൽ വെള്ളി വില കിലോയ്ക്ക് രണ്ട് ലക്ഷം കടക്കുമെന്നും വിദഗ്ധർ പറയുന്നു. (Image credit:Getty Images)
