Silver Price: ഞെട്ടിക്കാൻ വെള്ളി, വില മൂന്ന് ലക്ഷത്തിലേക്ക് കുതിക്കുമോ, കിതയ്ക്കുമോ?
Silver Price Prediction: ആഗോള സാമ്പത്തിക ഘടകങ്ങളും വെള്ളി വിലയെ ബാധിക്കും. പലിശ നിരക്കുകളിലെ മാറ്റങ്ങളും ആഗോള വിപണിയിലെ അനിശ്ചിതത്വങ്ങളും വെള്ളിയുടെ വിലയെ സ്വാധീനിക്കുന്നുണ്ട്.
സ്വർണത്തോടൊപ്പം തന്നെ മലയാളികൾ ഏറെ പ്രാധാന്യം നൽകുന്ന മറ്റൊരു ലോഹമാണ് വെള്ളി. ഇടിവിന് ശേഷം സ്വർണവില വീണ്ടും കുതിക്കാൻ തുടങ്ങിയിട്ടുണ്ട്. ഈ മാറ്റം വെള്ളി വിലയിലും പ്രകടമാകുന്നുണ്ട്.
ഇന്ന് കിലോയ്ക്ക് 2,90,000 രൂപ, ഗ്രാമിന് 290 രൂപ നിരക്കിലാണ് വെള്ളിയുടെ വ്യാപാരം. നാല് ലക്ഷം കടന്ന വെള്ളി വില ഫെബ്രുവരിയിൽ മൂന്ന് ലക്ഷവും പിന്നീട് രണ്ട് ലക്ഷത്തിലേക്കും താഴുകയായിരുന്നു. ഫെബ്രുവരി 16ന് 2,65,000 രൂപ നിരക്കിലായിരുന്നു വ്യാപാരം.
വെള്ളി വില വീണ്ടും മൂന്ന് ലക്ഷം കടക്കുമോ എന്ന ആശങ്കയിലാണ് സാധാരണക്കാർ. കണക്കുകൾ പരിശോധിക്കുമ്പോൾ വെള്ളി വിലയിൽ വലിയൊരു മാറ്റത്തിന്റെ സൂചനകൾ പ്രകടമാണെന്നാണ് സാമ്പത്തിക വിദഗ്ധർ വിലയിരുത്തുന്നത്.
വ്യവസായ മേഖലയിൽ വെള്ളിക്കുള്ള വർദ്ധിച്ചുവരുന്ന ആവശ്യം വിലയെ സ്വാധീനിക്കുന്നുണ്ട്. സോളാർ പാനലുകൾ, ഇലക്ട്രിക്കൽ വാഹനങ്ങൾ എന്നിവയുടെ നിർമ്മാണത്തിൽ വെള്ളി അനിവാര്യമായതിനാൽ വരും വർഷങ്ങളിൽ ഇതിന്റെ ഡിമാൻഡ് ഇനിയും ഉയരും.
കൂടാതെ ആഗോള സാമ്പത്തിക ഘടകങ്ങളും വെള്ളി വിലയെ ബാധിക്കും. പലിശ നിരക്കുകളിലെ മാറ്റങ്ങളും ആഗോള വിപണിയിലെ അനിശ്ചിതത്വങ്ങളും വെള്ളിയുടെ വിലയെ സ്വാധീനിക്കുന്നുണ്ട്. അതുകൊണ്ട് തന്നെ വരുംദിവസങ്ങളിൽ മൂന്ന് ലക്ഷമെത്താനുള്ള സാധ്യത തള്ളിക്കളയാനാകില്ല. (Image Credit: Getty Images)
