Hair Care: ബ്യൂട്ടിപാർലറിൽ പോയി പൈസ കളയേണ്ട, മുടി തിളക്കമുള്ളതുമാക്കാൻ വീട്ടിൽ തന്നെ വഴിയുണ്ട്!
simple ways to make hair soft: തിളക്കമുള്ള നല്ല സോഫ്റ്റായ തലമുടി എല്ലാവരുടെയും സ്വപ്നമാണ്. എന്നാൽ അതിന് വേണ്ടി ബ്യൂട്ടിപാർലറുകളിൽ പോയി പണം കളയേണ്ട. വീട്ടിൽ തന്നെയുള്ള ചില സാധനങ്ങൾ കൊണ്ട് മുടി മൃദുവാക്കാനും ആരോഗ്യത്തോടെ തിളക്കമുള്ളതാക്കി മാറ്റാനും കഴിയും.
തിളക്കമുള്ള തലമുടിക്ക് ഓയിൽ മസാജാണ് ആദ്യത്തെ ഓപ്ഷൻ. ആഴ്ചയിൽ രണ്ടു തവണയെങ്കിലും തേങ്ങാ എണ്ണയോ ഒലിവ് ഓയിലോ ഉപയോഗിച്ച് തലയോട്ടിയിൽ നന്നായി മസാജ് ചെയ്യുക. ഇത് രക്തയോട്ടം വർദ്ധിപ്പിക്കുകയും മുടിക്ക് ആവശ്യമായ ഈർപ്പം നൽകുകയും ചെയ്യും.
തൈര് മാസ്കും ചെയ്യാവുന്നതാണ്. തൈര് മുടിക്ക് നല്ലൊരു കണ്ടീഷണറായി പ്രവർത്തിക്കുന്നു. അല്പം തൈര് തലയിൽ തേച്ചുപിടിപ്പിച്ച് 20 മിനിറ്റിന് ശേഷം കഴുകിക്കളയുന്നത് മുടി മൃദുവാക്കാനും താരൻ അകറ്റാനും സഹായിക്കും.
തലമുടിയുടെ ആരോഗ്യത്തിന് കറ്റാർ വാഴ നല്ലതാണ്. കറ്റാർവാഴയുടെ ജെൽ മുടിയുടെ വളർച്ചയ്ക്കും തിളക്കത്തിനും മികച്ചതാണ്. ഇതിലടങ്ങിയിരിക്കുന്ന എൻസൈമുകൾ കേടായ കോശങ്ങളെ നന്നാക്കുകയും മുടിക്ക് സിൽക്കി ലുക്ക് നൽകുകയും ചെയ്യുന്നു.
മുട്ടയുടെ വെള്ളയാണ് മറ്റൊരു ഓപ്ഷൻ. പ്രോട്ടീൻ സമ്പന്നമായ മുട്ടയുടെ വെള്ള മുടിക്ക് തലമുടിക്ക് കരുത്ത് നൽകാൻ സഹായിക്കും. മുട്ടയുടെ വെള്ളയും അല്പം നാരങ്ങാനീരും ചേർത്ത് മുടിയിൽ പുരട്ടുന്നത് മുടിയുടെ സ്വാഭാവിക തിളക്കം വർദ്ധിപ്പിക്കും.
അതേസമയം മുടിയിൽ അമിതമായി ഷാംപൂ ഉപയോഗിക്കുന്നത് ഒഴിവാക്കേണ്ടതാണ്. ആഴ്ചയിൽ രണ്ടോ മൂന്നോ തവണ മാത്രം വീര്യം കുറഞ്ഞ ഷാംപൂ ഉപയോഗിക്കുക. അതുപോലെ മുടി കഴുകാൻ എപ്പോഴും തണുത്ത വെള്ളം ഉപയോഗിക്കുക. (Image Credit: Getty Images)
