Banana: പഴം കഴിക്കുന്നത് എപ്പോൾ?, ഒരിക്കലും ഈ സമയത്ത് അരുത്!
Right Time to Eat Bananas: വാഴപ്പഴത്തിലെ ഗ്ലൂക്കോസ്, ഫ്രക്ടോസ്, സുക്രോസ് എന്നിവ ആവശ്യമായ ഊർജ്ജം നൽകുന്നുണ്ട്. എന്നാൽ ഇവ കഴിക്കാൻ ഏറ്റവും അനുയോജ്യമായ സമയം ഏതാണെന്ന് അറിയാമോ?
പോഷകഗുണങ്ങളാൽ സമ്പന്നമായ വാഴപ്പഴം കഴിക്കാൻ ഇഷ്ടമില്ലാത്തവർ വളരെ ചുരുക്കം മാത്രമാണ്. എന്നാൽ പ്രകൃതിദത്തമായ കാർബോഹൈഡ്രേറ്റുകളുടെ കലവറയായ വാഴപ്പഴം കഴിക്കാൻ ഏറ്റവും അനുയോജ്യമായ സമയം ഏതാണെന്ന് അറിയാമോ?
രാവിലെ വ്യായാമത്തിനുശേഷം, വൈകുന്നേരം സ്നാക്സായും വാഴപ്പഴം കഴിക്കാവുന്നതാണ്. വ്യായാമത്തിന് ഏകദേശം 30-60 മിനിറ്റ് മുൻപ് പഴം കഴിക്കുന്നത് ശരീരത്തിന് പെട്ടെന്ന് ഊർജ്ജം നൽകാൻ സഹായിക്കും.
ഇവയിലെ ഗ്ലൂക്കോസ്, ഫ്രക്ടോസ്, സുക്രോസ് എന്നിവ വ്യായാമത്തിനാവശ്യമായ ഊർജ്ജം നൽകുകയും പൊട്ടാസ്യം വ്യായാമത്തിനിടയിൽ പേശികൾ വലിയുന്നത് തടയാൻ സഹായിക്കുകയും ചെയ്യുന്നു. എളുപ്പത്തിൽ ദഹിക്കുന്നതിനാൽ വ്യായാമത്തിനിടയിൽ വയറിന് അസ്വസ്ഥതകൾ ഉണ്ടാകില്ല.
അതുപോലെ വ്യായാമം കഴിഞ്ഞ് 30 മിനിറ്റിനുള്ളിൽ പഴം കഴിക്കുന്നത് പേശികളുടെ വീണ്ടെടുപ്പിന് സഹായിക്കുമെന്നും പറയപ്പെടുന്നു. വ്യായാമത്തിലൂടെ നഷ്ടപ്പെട്ട ഊർജ്ജം തിരികെ ലഭിക്കാൻ ഇത് സഹായിക്കുന്നു.
അതേസമയം, രാത്രി ഏറെ വൈകി വാഴപ്പഴം കഴിക്കുന്നത് ചിലരിൽ ദഹനപ്രശ്നങ്ങൾക്ക് കാരണമാകാറുണ്ട്. അതുപോലെ രാവിലെ എഴുന്നേറ്റ ഉടനെ വെറും വയറ്റിൽ വാഴപ്പഴം മാത്രം കഴിക്കുന്നത് അത്ര നല്ലതല്ല. (Image Credit: Getty Images)
