Actor Vijay’s assets: വിജയ്യുടെ പക്കൽ എത്ര കോടിയുണ്ട്? സത്യവാങ്മൂലത്തിലെ ഞെട്ടിക്കുന്ന വിവരങ്ങൾ
TVK Chief Vijay Declares his Assets: നാമനിർദ്ദേശ പത്രിക സമർപ്പിച്ച ശേഷം തുറന്ന വാഹനത്തിൽ ജനങ്ങളെ അഭിസംബോധന ചെയ്ത വിജയ്, ഡിഎംകെയെ രൂക്ഷമായി വിമർശിച്ചു. ഡിഎംകെ ഒരു തിന്മയുടെ ശക്തിയാണെന്ന് ആവർത്തിച്ച അദ്ദേഹം, ഇത്തവണത്തെ പോരാട്ടം ടിവികെയും ഡിഎംകെയും തമ്മിൽ നേരിട്ടാണെന്നും പ്രഖ്യാപിച്ചു.
തമിഴ്നാട് നിയമസഭാ തിരഞ്ഞെടുപ്പിൽ പെരമ്പൂർ മണ്ഡലത്തിൽ നിന്നും ജനവിധി തേടുന്ന നടനും തമിഴക വെട്രി കഴകം നേതാവുമായ വിജയ് തന്റെ സ്വത്തുവിവരങ്ങൾ വെളിപ്പെടുത്തി. നാമനിർദ്ദേശ പത്രികയോടൊപ്പം സമർപ്പിച്ച സത്യവാങ്മൂലം പ്രകാരം 404.58 കോടി രൂപയുടെ സ്വത്തുക്കളാണ് വിജയ്ക്കുള്ളത്. തിങ്കളാഴ്ച ചെന്നൈയിൽ വെച്ചാണ് വിജയ് പത്രിക സമർപ്പിച്ചത്.
വിജയ്യുടെ ആകെ ആസ്തി 4,04,58,57,196 രൂപയാണ്. ബാങ്ക് നിക്ഷേപങ്ങൾ, നിക്ഷേപങ്ങൾ, ആഡംബര വാഹനങ്ങൾ എന്നിവ ഇതിൽ ഉൾപ്പെടുന്നു. ബിഎംഡബ്ല്യു 530, ബിഎംഡബ്ല്യു i7, ടൊയോട്ട ലക്സസ് 350, ടൊയോട്ട വെൽഫെയർ തുടങ്ങിയ അത്യാധുനിക ആഡംബര കാറുകൾ വിജയ്യുടെ ശേഖരത്തിലുണ്ട്. കൂടാതെ മറ്റ് വാഹനങ്ങളും ഇരുചക്ര വാഹനങ്ങളും സത്യവാങ്മൂലത്തിൽ രേഖപ്പെടുത്തിയിട്ടുണ്ട്.
കഴിഞ്ഞ സാമ്പത്തിക വർഷങ്ങളിൽ വിജയ് നേടിയ വരുമാനത്തിന്റെ കണക്കുകളും പുറത്തുവിട്ടു. 2021-22-ൽ 237.46 കോടിയും, 2022-23-ൽ 198.71 കോടിയും, 2023-24-ൽ 105.69 കോടിയും, 2024-25-ൽ 184.53 കോടി രൂപയുമാണ് വരുമാനമായി കാണിച്ചിരിക്കുന്നത്. വിജയ്യുടെ ഭാര്യ സംഗീതയുടെ 2020-21 വർഷത്തെ വരുമാനം 6,13,520 രൂപയാണെന്നും സത്യവാങ്മൂലത്തിൽ വ്യക്തമാക്കുന്നു.
നാമനിർദ്ദേശ പത്രിക സമർപ്പിച്ച ശേഷം തുറന്ന വാഹനത്തിൽ ജനങ്ങളെ അഭിസംബോധന ചെയ്ത വിജയ്, ഡിഎംകെയെ രൂക്ഷമായി വിമർശിച്ചു. ഡിഎംകെ ഒരു തിന്മയുടെ ശക്തിയാണെന്ന് ആവർത്തിച്ച അദ്ദേഹം, ഇത്തവണത്തെ പോരാട്ടം ടിവികെയും ഡിഎംകെയും തമ്മിൽ നേരിട്ടാണെന്നും പ്രഖ്യാപിച്ചു.
ഏപ്രിൽ 23-ന് നടക്കുന്ന വോട്ടെടുപ്പിൽ തന്റെ പാർട്ടിയുടെ ചിഹ്നമായ വിസിൽ വോട്ട് ചെയ്ത് തങ്ങൾക്ക് ഒരു അവസരം നൽകണമെന്ന് അദ്ദേഹം ജനങ്ങളോട് അഭ്യർത്ഥിച്ചു. തമിഴ്നാട്ടിൽ രണ്ട് മണ്ഡലങ്ങളിൽ നിന്നാണ് വിജയ് ഇത്തവണ മത്സരിക്കുന്നത്.
