Unlucky Plants: വീട്ടില്‍ ഒരിക്കലും വളര്‍ത്താന്‍ പാടില്ലാത്ത ചെടികള്‍; ഐശ്വര്യം കുറയ്ക്കും
Plants to Avoid at Home and the Beliefs Behind Them: എല്ലാ ചെടികളും വീടിനുള്ളില്‍ വളര്‍ത്താന്‍ അനുയോജ്യമല്ലെന്നാണ് പറയുന്നത്. ചില ചെടികള്‍ വീട്ടില്‍ നെഗറ്റീവ് എനര്‍ജി ഉണ്ടാക്കുമെന്നും കുടുംബാംഗങ്ങള്‍ക്കിടയില്‍ അസ്വസ്ഥതകള്‍ക്ക് കാരണമാകുമെന്നുമാണ് വിശ്വാസം. മുള്ളുകളുള്ള ചെടികള്‍ മുതല്‍ ഉണങ്ങിയ ചെടികള്‍ വരെ ഈ പട്ടികയിലുണ്ട്.
വീടിനുള്ളില്‍ ചെടികള്‍ വളര്‍ത്തുന്നത് അലങ്കാരത്തിനും മനസിന് ഉന്മേഷം ലഭിക്കാനും സഹായിക്കും. എന്നാല്‍ വാസ്തുശാസ്ത്രത്തിലും ചില പരമ്പരാഗത വിശ്വാസങ്ങളിലും എല്ലാ ചെടികളും വീടിനുള്ളില്‍ വളര്‍ത്താന്‍ അനുയോജ്യമല്ലെന്നാണ് പറയുന്നത്. ചില ചെടികള്‍ വീട്ടില്‍ നെഗറ്റീവ് എനര്‍ജി ഉണ്ടാക്കുമെന്നും കുടുംബാംഗങ്ങള്‍ക്കിടയില്‍ അസ്വസ്ഥതകള്‍ക്ക് കാരണമാകുമെന്നുമാണ് വിശ്വാസം. മുള്ളുകളുള്ള ചെടികള്‍ മുതല്‍ ഉണങ്ങിയ ചെടികള്‍ വരെ ഈ പട്ടികയിലുണ്ട്. (Image Credit Source: Getty Images)
റോസ്, ക്രൗണ്‍ ഓഫ് തോണ്‍സ് തുടങ്ങിയ മുള്ളുകളുള്ള ചെടികള്‍ വീടിനുള്ളില്‍ വളര്‍ത്തുന്നത് ഒഴിവാക്കണമെന്ന് ചില പരമ്പരാഗത വിശ്വാസങ്ങള്‍ പറയുന്നു. ഇവ വീട്ടില്‍ തര്‍ക്കങ്ങള്‍ക്കും മാനസിക അസ്വസ്ഥതകള്‍ക്കും കാരണമാകുമെന്നാണ് വിശ്വാസം. പൂക്കളുടെ സൗന്ദര്യം കാരണം റോസ് ചെടികള്‍ക്ക് വലിയ പ്രിയമുണ്ടെങ്കിലും മുള്ളുകള്‍ നെഗറ്റീവ് ഊര്‍ജത്തെ സൂചിപ്പിക്കുന്നതായാണ് ചിലര്‍ കരുതുന്നത്.
വീട്ടില്‍ ഉണങ്ങിപ്പോയതോ ചത്തുപോയതോ ആയ ചെടികള്‍ സൂക്ഷിക്കുന്നത് ഒഴിവാക്കണമെന്നാണ് പൊതുവെ നിര്‍ദേശിക്കപ്പെടുന്നത്. ഇത്തരം ചെടികള്‍ നാശത്തിന്റെയും അവഗണനയുടെയും പ്രതീകമായി കണക്കാക്കപ്പെടുന്നു. ഇവ വീട്ടിലെ പോസിറ്റീവ് ഊര്‍ജത്തെ കുറയ്ക്കുമെന്നും അന്തരീക്ഷത്തില്‍ മടുപ്പുണ്ടാക്കുമെന്നുമാണ് വിശ്വാസം.
വീടിനുള്ളില്‍ വളര്‍ത്താന്‍ എളുപ്പമുള്ള ചെടികളിലൊന്നാണ് സ്‌നേക്ക് പ്ലാന്റ്. നീളമുള്ള കൂര്‍ത്ത ഇലകളും ആകര്‍ഷകമായ രൂപവുമാണ് ഇതിന്റെ പ്രത്യേകത. വായുവിന്റെ ഗുണനിലവാരം മെച്ചപ്പെടുത്താന്‍ സഹായിക്കുമെന്ന കാരണത്താലും ഈ ചെടിക്ക് പ്രചാരമുണ്ട്. എന്നാല്‍ ഇതിനെ മദര്‍ ഇന്‍ ലോസ് ടങ് എന്നും വിളിക്കുന്നതിനാല്‍ ദാമ്പത്യബന്ധങ്ങളിലും കുടുംബബന്ധങ്ങളിലും അസ്വസ്ഥതയുണ്ടാക്കുമെന്ന വിശ്വാസം ചിലയിടങ്ങളിലുണ്ട്.
ചെടികളിലെ ഇലകളുടെ എണ്ണവും വീട്ടിലെ ഐശ്വര്യവും തമ്മില്‍ ബന്ധമുണ്ടെന്ന് ചില പരമ്പരാഗത വിശ്വാസങ്ങള്‍ പറയുന്നു. ഇരട്ടസംഖ്യകള്‍ സന്തുലിതാവസ്ഥയുടെയും വളര്‍ച്ചയുടെയും പ്രതീകമാണെന്നും ഒറ്റസംഖ്യകള്‍ അസന്തുലിതാവസ്ഥയെ സൂചിപ്പിക്കുമെന്നുമാണ് ഈ വിശ്വാസം. അതുകൊണ്ട് ഒറ്റസംഖ്യയില്‍ ഇലകളുള്ള ചെടികള്‍ വീട്ടില്‍ വളര്‍ത്തുന്നത് ഒഴിവാക്കണമെന്നും ചിലര്‍ കരുതുന്നു. എന്നാല്‍ ഇലകളുടെ എണ്ണം കുടുംബത്തിന്റെ ഭാഗ്യത്തെയോ വീട്ടിലെ സമാധാനത്തെയോ ബാധിക്കുന്നുവെന്നതിന് ശാസ്ത്രീയ തെളിവുകളില്ല.
