Vijay-Rashmika Wedding: ഇതാരാ ദേവനും ദേവതയുമോ… രശ്മിക-വിജയ് ദേവരകൊണ്ട വിവാഹ ചിത്രങ്ങൾ പുറത്ത്
Vijay Deverakonda Rashmika Wedding Pictures: വിജയുടെ കുടുംബത്തിൻ്റെ ആചാരപ്രകാരമുള്ള പരമ്പരാഗത തെലുങ്ക് ചടങ്ങുകളോടെയുള്ള വിവാഹമാണ് രാവിലെ നടന്നത്. രശ്മികയുടെ കുടുംബത്തിനായി കൂർഗ് (കൊടക) വിവാഹ ചടങ്ങുകൾ വൈകിട്ടോടെയാണ് നടക്കുക. വിവാഹത്തിൻ്റെ ഔദ്യോഗിക ചിത്രങ്ങളാണ് ഇപ്പോൾ പുറത്തുവന്നിരിക്കുന്നത്.
ആരാധകർ കാത്തിരുന്ന വിജയ്-രശ്മിക താരവിവാഹം അത്യാഡംബരത്തോടുകൂടി കഴിഞ്ഞു. ഐടിസി മെമെന്റോസ് എന്ന ആഡംബര ഹോട്ടലിലാണ് കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിലാണ് വിജയ് ദേവരകൊണ്ട രശ്മിക മന്ദാനയുടെ കഴുത്തിൽ താലികെട്ടിയത്. (Image Credits: Instagram/Rashmika mandanna)
വിജയുടെ കുടുംബത്തിൻ്റെ ആചാരപ്രകാരമുള്ള പരമ്പരാഗത തെലുങ്ക് ചടങ്ങുകളോടെയുള്ള വിവാഹമാണ് രാവിലെ നടന്നത്. രശ്മികയുടെ കുടുംബത്തിനായി കൂർഗ് (കൊടക) വിവാഹ ചടങ്ങുകൾ വൈകിട്ടോടെയാണ് നടക്കുക. വിവാഹത്തിൻ്റെ ഔദ്യോഗിക ചിത്രങ്ങളാണ് ഇപ്പോൾ പുറത്തുവന്നിരിക്കുന്നത്. രശ്മിക തന്നെയാണ് തൻ്റെ ഇൻസ്റ്റഗ്രാം അക്കൗണ്ടിലൂടെ ചിത്രങ്ങൾ പുറത്തുവിട്ടിരിക്കുന്നത്.
ഒറ്റനോക്കിൽ സ്വർഗ ലോകത്ത് നിന്ന് ദേവനും ദേവിയും ഭൂമിയിലേക്ക് ഇറങ്ങിവന്നതുപോലെയാണ് ഇരുവരുടെയും വിവാഹ വേഷം തോന്നിപ്പിക്കുക. ചുറവപ്പിൽ വെള്ളുത്ത ഡിസൈനുകളും അതോടൊപ്പം മനോഹരമായ ആഭരണങ്ങളും അണിഞ്ഞാണ് ഇരുവരും വിവാഹ വേദിയിൽ തിളങ്ങിയിരിക്കുന്നത്.
ഹായ് പ്രിയപ്പെട്ടവരേ, ഞാൻ നിങ്ങൾക്ക് എന്റെ ഭർത്താവിനെ പരിചയപ്പെടുത്തുന്നു! എന്നു പറഞ്ഞുകൊണ്ടാണ് താരം ചിത്രങ്ങൾ പങ്കുവച്ചിരിക്കുന്നത്. യഥാർത്ഥ പ്രണയം എന്താണെന്ന് എനിക്ക് പഠിപ്പിച്ചു തന്ന മനുഷ്യൻ, സമാധാനത്തിൽ ആയിരിക്കുന്നത് എങ്ങനെയാണെന്ന് എനിക്ക് കാണിച്ചു തന്ന മനുഷ്യൻ, എല്ലാ ദിവസവും വലിയ സ്വപ്നം കാണണമെന്ന് എന്നോട് പറഞ്ഞ മനുഷ്യൻ, എനിക്ക് ഒരിക്കലും കഴിയില്ലെന്ന് തോന്നിയതിൽ കൂടുതൽ എന്തെങ്കിലും നേടാൻ കഴിയുമെന്ന് എന്നോട് പറഞ്ഞവൻ... എന്നാണ് രശ്മിക തൻ്റെ ഭർത്താവിനെ കുറിച്ച് പറയുന്നത്.
വളരെ സ്വകാര്യമായ ചടങ്ങിൽ ഏറ്റവും അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. വിവാഹ ചിത്രങ്ങൾ ചോരാതിരിക്കാൻ മൊബൈൽ ഫോണുകൾക്കും ക്യാമറകൾക്കും വിവാഹവേദിയിൽ കർശന വിലക്ക് ഏർപ്പെടുത്തിയിരുന്നു. വിവാഹത്തിന് പ്രധാനമന്ത്രി നരേന്ദ്ര മോദിയും ആശംസകൾ നേർന്നിരുന്നു.
