Trisha Krishnan: ‘കാമുകിയെ രക്ഷിച്ചു, ജെന്റിൽമാനായി’; ചർച്ചയായി തൃഷയുടെ പോസ്റ്റ്
Vijay-Trisha Controversy Updates: സിനിമാലോകത്തെയും തമിഴ് രാഷ്ട്രീയത്തെയും ഒരുപോലെ ഞെട്ടിച്ച വാർത്തയാണ് വിജയ് - സംഗീത വിവാഹമോചനം. അതിന് പിന്നാലെ വിജയിയും നടി തൃഷയും തമ്മിലുള്ള ബന്ധവും സോഷ്യൽ മീഡിയയിൽ നിറഞ്ഞു. ഇപ്പോഴിതാ, തൃഷയുടെ ഇൻസ്റ്റഗ്രാം സ്റ്റോറി സോഷ്യൽ മീഡിയയിൽ ചർച്ചയാവുകയാണ്.
സിനിമാലോകത്തെയും തമിഴ് രാഷ്ട്രീയത്തെയും ഒരുപോലെ ഞെട്ടിച്ച വാർത്തയാണ് വിജയ് - സംഗീത വിവാഹമോചനം. അതിന് പിന്നാലെ വിജയിയും തൃഷയും തമ്മിലുള്ള ബന്ധവും സോഷ്യൽ മീഡിയയിൽ നിറഞ്ഞു. മറ്റൊരു നടിയുമായുള്ള ബന്ധമാണ് വിവാഹമോചനത്തിന് കാരണമായി സംഗീത ഹർജിയിൽ പറയുന്നത്.
ഇപ്പോഴിതാ, തൃഷയുടെ ഇൻസ്റ്റഗ്രാം സ്റ്റോറി സോഷ്യൽ മീഡിയയിൽ ചർച്ചയാവുകയാണ്. പഞ്ച് കുരങ്ങന്റെ വിഡിയോയാണ് താരം പങ്ക് വച്ചത്. പഞ്ച് എന്ന കുരങ്ങ് മറ്റൊരു പെൺകുരങ്ങിനെ രക്ഷിക്കുന്നതും അവളോട് അടുക്കുന്നതുമാണ് വിഡിയോയിൽ. ഇതിന് കൊടുത്ത അടിക്കുറിപ്പാണ് ശ്രദ്ധിക്കപ്പെട്ടത്.
'പഞ്ച് തന്റെ കാമുകിയെ വേറൊരു കുരങ്ങനിൽ നിന്നും രക്ഷിച്ചു, ഇപ്പോൾ അവനൊരു ജെന്റിൽമാനായി' എന്ന് കമന്റ് ചെയ്ത് കൊണ്ടാണ് സ്റ്റോറി ഷെയർ ചെയ്തിരിക്കുന്നത്. എന്നാൽ ഇത് നിലവിൽ പ്രചരിക്കുന്ന വാർത്തകളുമായി ബന്ധപ്പെടുത്തിയാണ് സോഷ്യൽ മീഡിയയിലെ ചർച്ച.
വിവാദങ്ങൾക്കിടയിൽ ഇത്തരം ഒരു പോസ്റ്റ് പങ്കുവെച്ചത് തന്നെ ലക്ഷ്യം വെക്കുന്നവർക്കുള്ള മറുപടിയാണെന്നാണ് ഒരു കൂട്ടം ആരാധകരുടെ വിലയിരുത്തൽ. എന്നാൽ കേവലം ഒരു വൈറൽ വീഡിയോ മാത്രമാണെന്നും അതിൽ കൂടുതൽ അർത്ഥങ്ങൾ കണ്ടെത്തേണ്ടതില്ലെന്നുമാണ് മറ്റൊരു വിഭാഗം.
വിവാഹമോചന വാർത്തകൾക്ക് പിന്നാലെ സിനിമയ്ക്ക് പുറത്തെ ഇവരുടെ വ്യക്തിജീവിതവും ചർച്ചയാകുന്നുണ്ടെങ്കിലും ഇരുവരും ഇതുവരെ ഔദ്യോഗികമായി പ്രതികരിച്ചിട്ടില്ല. (Image Credit: Trisha Krishnan's Instagram)
