”കണ്ടോ കണ്ടോ 5G ഫോൺ, കുറഞ്ഞ വിലയിലെ 5G ഫോൺ”! ​Ai പ്ലസ് നോവ 2 നിയോ 5G ഫ്ലിപ്പ്കാർട്ടിൽ വിൽപ്പന തുടങ്ങി

Ai Plus Nova 2 Neo 5g Goes On Sale

ബജറ്റ് വിലയിൽ 5ജി ഫോൺ വാങ്ങാൻ ആഗ്രഹിക്കുന്ന തികച്ചും സാധാരണക്കാരായ സ്മാർട്ട്ഫോൺ പ്രേമികൾക്കായി എഐ പ്ലസ് തങ്ങളുടെ നോവ സീരീസിൽ രണ്ട് പുതിയ സ്മാർട്ട്ഫോണുകൾ ഈ ആഴ്ചയുടെ തുടക്കത്തിൽ ഇന്ത്യയിൽ ലോഞ്ച് ചെയ്തിരുന്നു, അ‌വ ഇന്ന് മുതൽ വിൽപ്പന ആരംഭിച്ചിട്ടുണ്ട്. നോവ 2 നിയോ 5ജി, നോവ 2 പ്രോ 5ജി എന്നിവയാണ് ഫ്ലിപ്പ്കാർട്ടിലൂടെ വാങ്ങാൻ ലഭ്യമായിരിക്കുന്നത്. ഇതിൽ ഏറ്റവും കുറഞ്ഞ വിലയിൽ സ്വന്തമാക്കാൻ കഴിയുന്നത് എഐ പ്ലസ് നോവ 2 നിയോ 5ജി (Ai+ Nova 2 Neo 5G) ആണ്.

വില, ഡിസ്കൗണ്ട്

ഫ്ലിപ്പ്കാർട്ടിലൂടെ എഐ പ്ലസ് നോവ 2 നിയോ 5ജി എന്ന ബജറ്റ് 5ജി ഫോൺ ഇപ്പോൾ വാങ്ങാൻ ലഭ്യമാണ്. ഇതിന്റെ 4GB + 128GB അ‌ടിസ്ഥാന വേരിയന്റിന് 12,999 രൂപയും 6GB + 128GB വേരിയന്റിന് 13,999 രൂപയുമാണ് വില. ഇത് പ്രത്യേക ഓഫർ വിലയാണ് എന്നാണ് കമ്പനി പറയുന്നത്.

Also Read: ഐഫോൺ വാങ്ങാം കുഴപ്പമില്ല, പക്ഷേ മാക്ബുക്കും ഐപാഡും പോക്കറ്റ് കീറും; വില കുത്തനെ കൂട്ടി ആപ്പിൾ

വിൽപ്പനയാരംഭിക്കുന്നതിന്റെ ഭാഗമായി തെരഞ്ഞെടുത്ത ബാങ്ക് കാർഡിനൊപ്പം 650 രൂപ ക്യാഷ്ബാക്ക് നോവ 2 നിയോ 5ജിക്ക് ഫ്ലിപ്പ്കാർട്ടിൽ കിട്ടും. ഇത് പ്രയോജനപ്പെടുത്തിയാൽ 12349 രൂപ വിലയിൽ നോവ 2 ​നിയോ 5ജി പ്രാരംഭ വേരിയന്റ് സ്വന്തമാക്കാനാകും. സ്മാർട്ട്ഫോണുകൾക്ക് പൊതുവിൽ വില കൂടിയിരിക്കുന്ന നിലവിലെ സാഹചര്യത്തിൽ 12000 രൂപയോട് അ‌ടുത്ത വിലയിൽ ഈ 5ജി ഫോൺ ലഭ്യമാകുന്നു എന്നത് ശ്രദ്ധേയമാണ്.

പ്രധാന ഫീച്ചറുകൾ

എഐ പ്ലസ് നോവ 2 നിയോ 5ജിയുടെ കരുത്ത് ഒക്ട കോർ മീഡിയടെക് ഡൈമെൻസിറ്റി 6300 6nm (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) പ്രോസസർ ആണ്. ആൻഡ്രോയിഡ് 16 അ‌ടിസ്ഥാനമാക്കിയാണ് ഈ ഫോണിന്റെ പ്രവർത്തനം.

സോണി IMX582 സെൻസറുള്ള 48MP മെയിൻ ക്യാമറ (f/1.8 അപ്പേർച്ചർ), LED ഫ്ലാഷ്, 1080p വരെ 30fps വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും വീഡിയോ കോളുകൾക്കുമായി 8MP ഫ്രണ്ട് ക്യാമറയും (f/2.0 അപ്പേർച്ചർ, 1080p വരെ 30fps വീഡിയോ റെക്കോർഡിംഗ് സഹിതം) ഇതിലുണ്ട്.

6.74 ഇഞ്ച് (720 x 1600 പിക്സൽസ്) HD+ 120Hz LCD സ്ക്രീൻ, 600 nits വരെ HBM ബ്രൈറ്റ്നസ്, ആം മാലി-G57 MC2 GPU, 4GB / 6GB റാം, 64GB / 128GB സ്റ്റോറേജ്, മൈക്രോ ഉപയോഗിച്ച് 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഈ ബജറ്റ് 5ജി ഫോണിൽ ഉണ്ട്.

18W ഫാസ്റ്റ് ചാർജിംഗിനുള്ള പിന്തുണയുള്ള 6000mAh ബാറ്ററി, സൈഡ്-മൗണ്ടഡ് ഫിംഗർപ്രിന്റ് സെൻസർ, 3.5mm ഓഡിയോ ജാക്ക്, FM റേഡിയോ, അ‌ണ്ടർ-പോർട്ടഡ് സ്പീക്കർ, IP65 റേറ്റിങ്, ഡ്യുവൽ സിം (നാനോ + നാനോ + മൈക്രോ എസ്ഡി), 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ.

English Summary

A budget 5G phone called AI Plus Nova 2 Neo 5G is now available for purchase on Flipkart. Its 4GB + 128GB base variant is priced at Rs 12,999 and the 6GB + 128GB variant is priced at Rs 13,999. The company says that this is a special offer price. You can get a cashback of Rs 650 on the Nova 2 Neo 5G on Flipkart with selected bank cards. If you take advantage of this, you can buy this phone for Rs 12,349.