Nepal Accident: നേപ്പാളിൽ ബസ് കൊക്കയിലേക്ക് മറിഞ്ഞ് 7 ഇന്ത്യൻ തീർത്ഥാടകർ മരിച്ചു
Nepal Accident: കാഠ്മണ്ഡുവിൽ നിന്ന് ഏകദേശം 120 കിലോമീറ്റർ പടിഞ്ഞാറ് ഷാഹിദ് ലഖാൻ ഗ്രാമത്തിനടുത്തുള്ള ക്ഷേത്രത്തിലേക്കുള്ള ഹൈവേയെ ബന്ധിപ്പിക്കുന്ന റോഡിലാണ് അപകടം നടന്നത്....
Accident (1)
നേപ്പാളിൽ ബസ് കൊക്കയിലേക്ക് മറിഞ്ഞ് 7 ഇന്ത്യൻ തീർത്ഥാടകർ മരിച്ചതായി റിപ്പോർട്ട്. നേപ്പാളിലെ ഗൂർഖാ ജില്ലയിൽ മനകമന ക്ഷേത്രത്തിൽ പ്രാർത്ഥന കഴിഞ്ഞ മടങ്ങുകയായിരുന്ന സംഘമാണ് അപകടത്തിൽ പെട്ടത്. സംഭവത്തിൽ 9 പേർക്ക് പരിക്കേറ്റു. പരിക്കേറ്റ രണ്ടുപേർ നേപ്പാൾ സ്വദേശികളാണ്.
ഇവരെ ചിത്രാൻ ജില്ലയിലെ ഭരത്പൂരിലെ ചിത്താൻ മെഡിക്കൽ കോളേജിലേക്ക് ചികിത്സയ്ക്കായി പ്രവേശിപ്പിച്ചതാണ് നിലവിൽ ലഭിക്കുന്ന റിപ്പോർട്ട്. അതേസമയം അപകടം ഉണ്ടായതിന്റെ കാരണം ഇനിയും വ്യക്തമായിട്ടില്ല.
കാഠ്മണ്ഡുവിൽ നിന്ന് ഏകദേശം 120 കിലോമീറ്റർ പടിഞ്ഞാറ് ഷാഹിദ് ലഖാൻ ഗ്രാമത്തിനടുത്തുള്ള ക്ഷേത്രത്തിലേക്കുള്ള ഹൈവേയെ ബന്ധിപ്പിക്കുന്ന റോഡിലാണ് അപകടം നടന്നത്.താഴേക്ക് സഞ്ചരിക്കുകയായിരുന്ന ബസ് ഒരു വളവ് എടുക്കുന്നതിനിടെ വഴുതി മലഞ്ചെരുവിൽ നിന്ന് ഏകദേശം 150 മീറ്റർ താഴേക്ക് വീഴുകയും പിന്നീട് ഒരു മലയിടുക്കിലേക്ക് വീഴുകയും ചെയ്യുകയായിരുന്നുവെന്നാണ് പോലീസ് പറയുന്നത്.
