Gulf Flights from Kerala: ഗൾഫ് യാത്രക്കാർക്ക് ആശ്വാസം: കേരളത്തിൽ നിന്ന് എയർ ഇന്ത്യയുടെ കൂടുതൽ സർവീസുകൾ
Air India and Air India Express Announce Additional Flights: കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളിൽ നിന്ന് യുഎഇയിലേക്ക് പ്രത്യേക സർവീസുകൾ ഉണ്ടാകും. മസ്കത്തിലേക്ക് കൊച്ചി, കോഴിക്കോട് എന്നിവിടങ്ങളിൽ നിന്ന് എയർ ഇന്ത്യ എക്സ്പ്രസ് ഷെഡ്യൂൾഡ് വിമാനങ്ങൾ സർവീസ് നടത്തും. ദുബായ്, അബുദാബി, ഷാർജ, റാസൽഖൈമ എന്നിവിടങ്ങളിലേക്ക് ആകെ 26 പ്രത്യേക വിമാനങ്ങളാണ് സർവീസ് നടത്തുക.
Image for representation purpose only
ദുബായ്: ഗൾഫ് മേഖലയിലേക്കുള്ള യാത്രക്കാരുടെ തിരക്ക് പരിഗണിച്ച് എയർ ഇന്ത്യയും എയർ ഇന്ത്യ എക്സ്പ്രസും കൂടുതൽ സർവീസുകൾ പ്രഖ്യാപിച്ചു. ഇന്നലെ മാത്രം പശ്ചിമേഷ്യൻ രാജ്യങ്ങളിലേക്ക് 42 സർവീസുകളാണ് എയർ ഇന്ത്യ ഗ്രൂപ്പ് നടത്തിയത്. കേരളത്തിലെ പ്രവാസികൾക്ക് ഏറെ ഗുണകരമാകുന്ന രീതിയിലാണ് പുതിയ വിമാനങ്ങൾ ക്രമീകരിച്ചിരിക്കുന്നത്.
കേരളത്തിൽ നിന്നുള്ള സർവീസുകൾ
കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളിൽ നിന്ന് യുഎഇയിലേക്ക് പ്രത്യേക സർവീസുകൾ ഉണ്ടാകും. മസ്കത്തിലേക്ക് കൊച്ചി, കോഴിക്കോട് എന്നിവിടങ്ങളിൽ നിന്ന് എയർ ഇന്ത്യ എക്സ്പ്രസ് ഷെഡ്യൂൾഡ് വിമാനങ്ങൾ സർവീസ് നടത്തും. ദുബായ്, അബുദാബി, ഷാർജ, റാസൽഖൈമ എന്നിവിടങ്ങളിലേക്ക് ആകെ 26 പ്രത്യേക വിമാനങ്ങളാണ് സർവീസ് നടത്തുക.
അൽ ഐൻ, സലാല, റിയാദ്, ദമ്മാം തുടങ്ങിയ ഇടങ്ങളിലേക്കുള്ള വിമാനങ്ങൾ താൽക്കാലികമായി നിർത്തിവച്ചിട്ടുണ്ട്. എന്നാൽ ജിദ്ദയിലേക്ക് ഡൽഹി, മുംബൈ, ഹൈദരാബാദ് എന്നിവിടങ്ങളിൽ നിന്നായി 16 സർവീസുകൾ നാളെ നടക്കും. വിമാനങ്ങൾ റദ്ദാക്കിയ സെക്ടറുകളിൽ നേരത്തെ ടിക്കറ്റ് ബുക്ക് ചെയ്തവർക്ക് അധിക നിരക്കില്ലാതെ മറ്റൊരു തീയതിയിലേക്ക് ടിക്കറ്റ് മാറ്റാനോ തുക പൂർണ്ണമായും തിരികെ വാങ്ങാനോ സാധിക്കും.
യാത്രക്കാർക്ക് വിവരങ്ങൾക്കായി എയർ ഇന്ത്യ വെബ്സൈറ്റോ +91 63600 12345 എന്ന വാട്സാപ്പ് നമ്പറോ ഉപയോഗിക്കാവുന്നതാണ്. വടക്കേ അമേരിക്ക, യൂറോപ്പ്, ഓസ്‌ട്രേലിയ എന്നിവിടങ്ങളിലേക്കുള്ള സർവീസുകൾ പതിവുപോലെ തുടരും.
