Gulf air Dammam flight: ഗൾഫ് എയർ ദമാം വഴിയുള്ള താൽക്കാലിക സർവീസുകൾ ഏപ്രിൽ വരെ നീട്ടി
Gulf Air Extends Temporary Flights: ബഹ്റൈനിൽ നിന്ന് യാത്ര തിരിക്കേണ്ടവർക്കായി ഇവർ പ്രത്യേക ക്രമീകരണങ്ങൾ ഏർപ്പെടുത്തിയിട്ടുണ്ട്. സ്ഥിരീകരിച്ച ബുക്കിംഗ് ഉള്ള യാത്രക്കാർക്ക് ബഹ്റൈനും ദമാം വിമാനത്താവളത്തിനുമിടയിൽ ഗൾഫ് ഗ്രൗണ്ട് ട്രാൻസ്പോർട്ട് സൗകര്യം ഒരുക്കുന്നതാണ് ഇതിൽ പ്രധാനം. ഇത്തരത്തിൽ റോഡ് മാർഗ്ഗം യാത്ര ചെയ്യുന്നവർക്ക് ആവശ്യമായ സൗദി അറേബ്യ ട്രാൻസിറ്റ് വിസ അനുവദിക്കുന്നതിന് എയർലൈൻ നേരിട്ട് സഹായം ചെയ്യുന്നതാണ്.
Gulf Air (1)
മനാമ : ഗൾഫ് മേഖലയിലെ സങ്കീർണമായ സാഹചര്യങ്ങൾ കണക്കിലെടുത്ത് ബഹ്റൈൻ ദേശീയ വിമാന കമ്പനിയായ ഗൾഫ് എയർ ദമാമിലെ കിംഗ് ഫഹദ് അന്താരാഷ്ട്ര വിമാനത്താവളത്തിൽ നിന്നുള്ള താൽക്കാലിക സർവീസുകൾ 2026 ഏപ്രിൽ വരെ നീട്ടിയതായി പ്രഖ്യാപിച്ചു. ബഹ്റൈൻ റെയും അയൽ രാജ്യങ്ങളുടെയും വ്യോമ അതിർത്തികൾ താൽക്കാലികമായി അടച്ച പശ്ചാത്തലത്തിലാണ് ഈ തീരുമാനം.
പുതുക്കിയ അറിയിപ്പ് പ്രകാരം വിവിധ നഗരങ്ങളിലേക്കുള്ള സർവീസുകളിൽ വ്യത്യാസമുണ്ട്. ലണ്ടൻ ഹീത്രോയിലേക്കു ഏപ്രിൽ 11 വരെയും മറ്റ് പ്രധാന നഗരങ്ങളിലേക്ക് 30 വരെയും സർവീസുകൾ നടത്തും. ഈ പ്രധാന നഗരങ്ങളുടെ ലിസ്റ്റിൽ മുംബൈ, ചെന്നൈ, നെയ്റോബി, കെയ്റോ, ബാങ്കോക്ക്, മനില, തുടങ്ങിയ നഗരങ്ങൾ ഉൾപ്പെടുന്നു.
യാത്രക്കാർക്കുള്ള പ്രത്യേക സൗകര്യങ്ങൾ
ബഹ്റൈനിൽ നിന്ന് യാത്ര തിരിക്കേണ്ടവർക്കായി ഇവർ പ്രത്യേക ക്രമീകരണങ്ങൾ ഏർപ്പെടുത്തിയിട്ടുണ്ട്. സ്ഥിരീകരിച്ച ബുക്കിംഗ് ഉള്ള യാത്രക്കാർക്ക് ബഹ്റൈനും ദമാം വിമാനത്താവളത്തിനുമിടയിൽ ഗൾഫ് ഗ്രൗണ്ട് ട്രാൻസ്പോർട്ട് സൗകര്യം ഒരുക്കുന്നതാണ് ഇതിൽ പ്രധാനം. ഇത്തരത്തിൽ റോഡ് മാർഗ്ഗം യാത്ര ചെയ്യുന്നവർക്ക് ആവശ്യമായ സൗദി അറേബ്യ ട്രാൻസിറ്റ് വിസ അനുവദിക്കുന്നതിന് എയർലൈൻ നേരിട്ട് സഹായം ചെയ്യുന്നതാണ്.
