Saudi Arabia Flight issue: സൗദിയിൽ വിമാന സർവീസുകൾ പ്രശ്നത്തിലോ? 600-ലേറെ വിമാനങ്ങൾ വൈകി
Saudi Arabia Flight issue, Cancels 63 services : ജിദ്ദയിലെ കിംഗ് അബ്ദുൽ അസീസ് വിമാനത്താവളത്തിലാണ് ഏറ്റവും കൂടുതൽ സർവീസുകൾ വൈകിയത്. ഇവിടെ 249 എണ്ണം തടസ്സപ്പെട്ടു. റിയാദിലെ കിംഗ് ഖാലിദ് വിമാനത്താവളത്തിൽ 29 സർവീസുകൾ റദ്ദാക്കി. ദമ്മാം, മദീന, അൽ-ജൗഫ് വിമാനത്താവളങ്ങളിലും സമാനമായ പ്രതിസന്ധിയുണ്ട്. അൽ-ജൗഫ് ആഭ്യന്തര വിമാനത്താവളത്തിൽ സർവീസുകൾ വൈകിയില്ലെങ്കിലും 6 വിമാനങ്ങൾ പൂർണ്ണമായും റദ്ദാക്കി.
Saudi Arabia Flight Issue
റിയാദ്: സൗദി അറേബ്യയിലെ വിവിധ വിമാനത്താവളങ്ങളിൽ വിമാന സർവീസുകൾ വൻതോതിൽ തടസ്സപ്പെട്ടതോടെ നൂറുകണക്കിന് യാത്രക്കാർ ദുരിതത്തിലായതായി റിപ്പോർട്ട്. രാജ്യത്തെ അഞ്ച് പ്രധാന വിമാനത്താവളങ്ങളിലായി 604 വിമാനങ്ങൾ വൈകുകയും 63 എണ്ണം റദ്ദാക്കുകയും ചെയ്തതായാണ് വിവരം. ജിദ്ദയിലെ കിംഗ് അബ്ദുൽ അസീസ് വിമാനത്താവളത്തിലാണ് ഏറ്റവും കൂടുതൽ സർവീസുകൾ വൈകിയത്. ഇവിടെ 249 എണ്ണം തടസ്സപ്പെട്ടു. റിയാദിലെ കിംഗ് ഖാലിദ് വിമാനത്താവളത്തിൽ 29 സർവീസുകൾ റദ്ദാക്കി. ദമ്മാം, മദീന, അൽ-ജൗഫ് വിമാനത്താവളങ്ങളിലും സമാനമായ പ്രതിസന്ധിയുണ്ട്.
സൗദി എയർലൈൻസിനെയാണ് തടസ്സം ഏറ്റവും കൂടുതൽ ബാധിച്ചത്. സൗദിയുടെ 219 സർവീസുകൾ വൈകുകയും 25 എണ്ണം റദ്ദാക്കുകയും ചെയ്തു. ഫ്ലൈനാസ് (121 ഡിലെ), ഫ്ലൈഅദീൽ (87 ഡിലെ), ഗൾഫ് എയർ (22 റദ്ദാക്കൽ) എന്നിവയാണ് പ്രതിസന്ധിയിലായ മറ്റ് പ്രധാന കമ്പനികൾ. അൽ-ജൗഫ് ആഭ്യന്തര വിമാനത്താവളത്തിൽ സർവീസുകൾ വൈകിയില്ലെങ്കിലും 6 വിമാനങ്ങൾ പൂർണ്ണമായും റദ്ദാക്കി.
വിമാനത്താവളങ്ങളിലേക്ക് തിരിക്കുന്നതിന് മുൻപ് അതത് വിമാനക്കമ്പനികളുടെ വെബ്സൈറ്റോ ആപ്പോ വഴി ഫ്ലൈറ്റ് സ്റ്റാറ്റസ് പരിശോധിക്കണമെന്ന് അധികൃതർ നിർദ്ദേശിച്ചു. റദ്ദാക്കിയ വിമാനങ്ങളിലെ യാത്രക്കാർ റീബുക്കിംഗിനായി എയർലൈൻ സപ്പോർട്ടുമായി ബന്ധപ്പെടണം.
