Iran-US Conflict: ഇറാന്റെ മിസൈൽ കേന്ദ്രങ്ങൾ തകർത്ത് യുഎസ്; സമാധാനത്തിനായി ഇടപെട്ട് പ്രധാനമന്ത്രി മോദി
US Strikes Iran’s Underground Missile Base Near Strait of Hormuz: ഇറാന്റെ ക്രൂസ് മിസൈലുകളും അത്യാധുനിക ആയുധങ്ങളും സൂക്ഷിച്ചിരുന്ന ഭൂഗർഭ കേന്ദ്രങ്ങളായിരുന്നു യുഎസ് ലക്ഷ്യം വെച്ചത്. യുഎസ് സൈന്യത്തിന്റെ പക്കലുള്ള ഏറ്റവും മാരകമായ ബോംബുകൾ ഉപയോഗിച്ചാണ് ഈ ആഴ്ച ആക്രമണം നടത്തിയത്. ഹോർമുസ് കടലിടുക്കിൽ നാവിക ഗതാഗതത്തിന് തടസ്സം സൃഷ്ടിക്കാനുള്ള ഇറാന്റെ സൈനിക ശേഷി ഈ നീക്കത്തിലൂടെ ഇല്ലാതാക്കിയെന്ന് യുഎസ് അവകാശപ്പെടുന്നു.
Iran Us Conflict
ന്യൂഡൽഹി: ഹോർമുസ് കടലിടുക്കിലെ എണ്ണക്കടത്തിന് ഭീഷണിയുയർത്താനുള്ള ഇറാന്റെ ശേഷി തകർത്തതായി യുഎസ് സൈന്യം പ്രഖ്യാപിച്ചു. ലോകത്തെ ആകെ എണ്ണ വിതരണത്തിന്റെ അഞ്ചിലൊന്ന് കടന്നുപോകുന്ന ഈ തന്ത്രപ്രധാന പാത ഇറാൻ ഭാഗികമായി അടച്ചതിനെത്തുടർന്നാണ് യുഎസ് ശക്തമായ ആക്രമണം നടത്തിയത്.
ഇറാന്റെ ക്രൂസ് മിസൈലുകളും അത്യാധുനിക ആയുധങ്ങളും സൂക്ഷിച്ചിരുന്ന ഭൂഗർഭ കേന്ദ്രങ്ങളായിരുന്നു യുഎസ് ലക്ഷ്യം വെച്ചത്. യുഎസ് സൈന്യത്തിന്റെ പക്കലുള്ള ഏറ്റവും മാരകമായ ബോംബുകൾ ഉപയോഗിച്ചാണ് ഈ ആഴ്ച ആക്രമണം നടത്തിയത്. ഹോർമുസ് കടലിടുക്കിൽ നാവിക ഗതാഗതത്തിന് തടസ്സം സൃഷ്ടിക്കാനുള്ള ഇറാന്റെ സൈനിക ശേഷി ഈ നീക്കത്തിലൂടെ ഇല്ലാതാക്കിയെന്ന് യുഎസ് അവകാശപ്പെടുന്നു.
പ്രധാനമന്ത്രിയുടെ നയതന്ത്ര ഇടപെടൽ
പശ്ചിമേഷ്യയിൽ സംഘർഷം രൂക്ഷമാകുന്ന സാഹചര്യത്തിൽ പ്രധാനമന്ത്രി നരേന്ദ്ര മോദി ഇറാൻ പ്രസിഡന്റ് മസൂദ് പെസെഷ്കിയാനുമായി ഫോണിൽ സംസാരിച്ചു. ഈദ്, നൗറൂസ് ആഘോഷങ്ങളുടെ പശ്ചാത്തലത്തിൽ ആശംസകൾ നേർന്ന പ്രധാനമന്ത്രി, നിലവിലെ സാഹചര്യങ്ങളെക്കുറിച്ച് ആശങ്ക പങ്കുവെച്ചു. പശ്ചിമേഷ്യയിൽ സമാധാനവും സ്ഥിരതയും ഐശ്വര്യവും തിരിച്ചുവരുമെന്ന് പ്രത്യാശിക്കുന്നതായി അദ്ദേഹം പ്രസ്താവനയിൽ പറഞ്ഞു. ഇന്ത്യയുടെ സമാധാനപരമായ നിലപാട് അദ്ദേഹം ചർച്ചയിൽ ഊന്നിപ്പറഞ്ഞു.
