8th Pay Commission: ശമ്പളം കൂടും, ഡിഎ ഫോർമുലയും മാറും; 8-ാം ശമ്പള കമ്മീഷനിൽ എന്തെല്ലാം പ്രതീക്ഷിക്കാം?
8th Pay Commission DA Calculation Formula: ഡിഎ, അടിസ്ഥാനശമ്പളം, അലവൻസുകൾ തുടങ്ങിയവയിൽ എന്ത് മാറ്റമുണ്ടാകുമെന്ന കാത്തിരിപ്പിലാണ് കേന്ദ്രസർക്കാർ ജീവനക്കാരും പെൻഷൻകാരും. ഇപ്പോഴിതാ, പുതിയ ശമ്പളകമ്മീഷനിൽ ഡിഎ കണക്കാക്കുന്ന ഫോർമുലയിൽ മാറ്റം വരുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇതുസംബന്ധിച്ച് സർക്കാരിൽ നിന്ന് ഔദ്യോഗിക സ്ഥിരീകരണമൊന്നും ലഭിച്ചിട്ടില്ലെങ്കിലും ഡിഎ ഫോർമുലയുമായി ബന്ധപ്പെട്ടുള്ള ചർച്ചകൾ നടക്കുന്നുണ്ട്.
എട്ടാം ശമ്പളകമ്മീഷൻ നീളുംതോറും ജീവനക്കാരുടെ ആശങ്കയും ഉയരുകയാണ്. ഡിഎ, അടിസ്ഥാനശമ്പളം, അലവൻസുകൾ തുടങ്ങിയവയിൽ എന്ത് മാറ്റമുണ്ടാകുമെന്ന കാത്തിരിപ്പിലാണ് കേന്ദ്രസർക്കാർ ജീവനക്കാരും പെൻഷൻകാരും. ഇപ്പോഴിതാ, പുതിയ ശമ്പളകമ്മീഷനിൽ ഡിഎ കണക്കാക്കുന്ന ഫോർമുലയിൽ മാറ്റം വരുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇതുസംബന്ധിച്ച് സർക്കാരിൽ നിന്ന് ഔദ്യോഗിക സ്ഥിരീകരണമൊന്നും ലഭിച്ചിട്ടില്ലെങ്കിലും ഡിഎ ഫോർമുലയുമായി ബന്ധപ്പെട്ടുള്ള ചർച്ചകൾ നടക്കുന്നുണ്ട്. ഡിഎ ഫോർമുല പരിഷ്കരിക്കണമെന്ന് ജീവനക്കാരുടെ സംഘടനകളും ആവശ്യപ്പെടുന്നു.
ഡിഎ ഫോർമുലയിൽ മാറ്റം ആവശ്യപ്പെടുന്നത് എന്തുകൊണ്ട്?
സാധാരണയായി ഹോളി, ദീപാവലി എന്നിങ്ങനെ വർഷത്തിൽ രണ്ട് തവണയാണ് ഡിഎ പരിഷ്കരിക്കുന്നത്. കഴിഞ്ഞ വർഷം മാർച്ച് 28 നാണ് വർധനവ് പ്രഖ്യാപിച്ചത്. അതായത്, ഈ വർഷത്തെ പരിഷ്കരണം മാർച്ച് അവസാനമോ ഏപ്രിൽ ആദ്യമോ പ്രഖ്യാപിക്കുമെന്നാണ് പ്രതീക്ഷിക്കുന്നത്. കൂടാതെ 2026 ജനുവരി 1 മുതൽ പ്രാബല്യത്തോടെയാകും പ്രഖ്യാപനം. അതായത് ജീവനക്കാർക്കും പെൻഷൻകാർക്കും മുൻ മാസങ്ങളിലെ കുടിശ്ശികയും ലഭിക്കും.
ALSO READ: റെയിൽവേ ജീവനക്കാർക്ക് വൻ ശമ്പളവർദ്ധനവ്, അലവൻസുകളിലും മാറ്റം?
സർക്കാർ ജീവനക്കാരുടെയും പെൻഷൻകാരുടെയും ശമ്പളത്തിന്റെയും പെൻഷന്റെയും നിർണായക ഘടകമായതിനാൽ, പണപ്പെരുപ്പ ഡാറ്റയെ അടിസ്ഥാനമാക്കിയാണ് ഡിഎ പരിഷ്കരിക്കുന്നത്. എന്നാൽ നിലവിലെ രീതി ഇന്നത്തെ കാലത്തെ യഥാർത്ഥ ജീവിതച്ചെലവിനെ പ്രതിഫലിപ്പിക്കുന്നില്ലെന്നാണ് യൂണിയനുകളുടെ വാദം.
വർഷങ്ങളായി ജീവിതച്ചെലവ് ഗണ്യമായി വർദ്ധിച്ചിട്ടും ഡിഎ കണക്കാക്കുന്നതിനുള്ള ഫോർമുലയിൽ മാറ്റം വരുത്തിയിട്ടില്ലെന്നും അവർ ചൂണ്ടിക്കാട്ടുന്നു. കൂടാതെ, മൂന്ന് പേരുടെ കുടുംബ യൂണിറ്റിന് പകരം അഞ്ച് പേരുടെ കുടുംബ യൂണിറ്റ് വേണമെന്നും ഇന്റർനെറ്റ്, ഡിജിറ്റൽ സേവനങ്ങൾ, ആരോഗ്യ സംരക്ഷണം, വിദ്യാഭ്യാസം തുടങ്ങിയ ആധുനിക ചെലവുകൾ ഉൾപ്പെടുത്തണമെന്നും ആവശ്യപ്പെട്ടിട്ടുണ്ട്.
പുതിയ ശമ്പള ഘടന നിലവിൽ വരുന്നതോടെ കേന്ദ്ര സർക്കാർ ജീവനക്കാരുടെ അടിസ്ഥാനശമ്പളത്തിൽ വൻ വർദ്ധനവ് ഉണ്ടാകും. ടേക്ക്-ഹോം സാലറിയിൽ 20% മുതൽ 30% വരെ വർദ്ധനവ് പ്രതീക്ഷിക്കാമെന്നാണ് സൂചന. കൂടാതെ, പെൻഷൻ പരിഷ്കരിക്കുമ്പോഴും സമാനമായ വർദ്ധനവ് ഉണ്ടാകുന്നതാണ്.
