Kerala Gold Rate: ചാഞ്ചാടി ആടി സ്വർണവില, ഇന്നത്തെ നിരക്ക് അറിയേണ്ടേ?
Gold and silver Prices in Record Highs: ഇന്നലെ രാവിലെ പവന് 1,16,240 രൂപയായിരുന്ന വില വൈകുന്നേരത്തോടെ 1,17,040 രൂപയായി ഉയർന്നു. ഒറ്റ ദിവസം കൊണ്ട് പവന് 800 രൂപയുടെ വർദ്ധനവാണ് രേഖപ്പെടുത്തിയത്.
കൊച്ചി: റെക്കോർഡുകൾ ഭേദിച്ച് കുതിച്ച സ്വർണവിലയിൽ വലിയ ചാഞ്ചാട്ടം തുടരുന്നു. ജനുവരി 29-ന് പവന് 1.31 ലക്ഷം രൂപ എന്ന ചരിത്രത്തിലെ ഏറ്റവും ഉയർന്ന നില തൊട്ട സ്വർണവില, ഫെബ്രുവരി ആദ്യവാരത്തോടെ താഴേക്ക് പോയെങ്കിലും വിപണിയിൽ ഇപ്പോൾ അസ്ഥിരത തുടരുകയാണ്. ഇന്നലെ രാവിലെ പവന് 1,16,240 രൂപയായിരുന്ന വില വൈകുന്നേരത്തോടെ 1,17,040 രൂപയായി ഉയർന്നു. ഒറ്റ ദിവസം കൊണ്ട് പവന് 800 രൂപയുടെ വർദ്ധനവാണ് രേഖപ്പെടുത്തിയത്.
നിലവിലെ വില നിലവാരം
- 22 ക്യാരറ്റ് സ്വർണം (1 ഗ്രാം): 14,965
- 24 ക്യാരറ്റ് സ്വർണം (1 ഗ്രാം): 16,325
- വെള്ളി (1 കിലോ): 2,77,000
വിലയിലെ മാറ്റങ്ങൾക്ക് പിന്നിൽ
യുഎസ് ഫെഡറൽ റിസർവ് നയങ്ങളും നിക്ഷേപകർ വലിയ തോതിൽ ലാഭമെടുത്തതും വിപണിയിൽ തിരുത്തലുകൾക്ക് കാരണമായിട്ടുണ്ട്. എങ്കിലും ചൈനീസ് സെൻട്രൽ ബാങ്ക് ഉൾപ്പെടെയുള്ളവ സ്വർണശേഖരം വർദ്ധിപ്പിക്കുന്നത് വില കുത്തനെ ഇടിയുന്നതിനെ തടയുന്നു. ജനുവരിയിൽ മാത്രം ചൈനയുടെ സ്വർണ ശേഖരത്തിൽ 40,000 ട്രോയ് ഔൺസിന്റെ വർദ്ധനവാണ് ഉണ്ടായത്.
ഹ്രസ്വകാലത്തേക്ക് വിപണിയിൽ 10% വരെ വിലക്കുറവ് പ്രതീക്ഷിക്കാമെന്ന് സാമ്പത്തിക വിദഗ്ധർ ചൂണ്ടിക്കാട്ടുമ്പോഴും, ഭൗമരാഷ്ട്രീയ സാഹചര്യങ്ങൾ സ്വർണവിലയെ ഉയർന്ന നിലവാരത്തിൽ തന്നെ നിലനിർത്താനാണ് സാധ്യത.
