Meera Vasudevan: “തെറ്റുകൾ പറ്റിയിട്ടുണ്ട്, കഴിഞ്ഞത് കഴിഞ്ഞു, ഇപ്പോൾ ഞാൻ ഹാപ്പി”; മീര വാസുദേവൻ

തന്മാത്രയെന്ന ഒറ്റ സിനിമയിലൂടെ മലയാളികളുടെ പ്രിയ നടിയായ മാറിയ അഭിനേത്രിയാണ് മീര വാസുദേവ്. ലേഖ എന്ന വീട്ടമ്മയുട കഥാപാത്രത്തെ അവതരിപ്പിച്ച മീരയെ ഇന്നും മലയാളികൾ മറന്നിട്ടില്ല. തൻ്റെ 23ാം വയസ്സിൽ മറ്റാരും ചെയ്യാൻ മടിക്കുന്ന കഥാപാത്രമാണ് വളരെ പക്വതയോടെ മീര ചെയ്ത് ഫലിപ്പിച്ചത്. ബോംബെയിൽ ജനിച്ച് വളർന്ന നടിയുടെ സിനിമാ ലോകത്തേക്കുള്ള അരങ്ങേറ്റം മോഡലിങിലൂടെയായിരുന്നു.

ഇന്ന് മലയാള സിനിമയിൽ മാത്രമല്ല മിനിസ്ക്രീനിലും തിളങ്ങിനിൽക്കുകയാണ് താരം. കഴിഞ്ഞ വർഷം നവംബറിൽ താൻ വിവാഹമോചിതയായി എന്ന് താരം പറഞ്ഞിരുന്നു. കുടുംബ വിളക്ക് എന്ന സീരിയലിലെ ക്യാമറമാനായ വിപിൻ പുതിയങ്കവുമായുള്ള വിവാഹബന്ധം അവസാനിപ്പിച്ചുവെന്നാണ് നടി പറഞ്ഞത്. നടിയുടെ മൂന്നാമത്തെ വിവാഹമായിരുന്നു വിപിനുമായിട്ട്. സീരിയൽ സെറ്റിൽ തുടങ്ങിയ സൗഹൃദമാണ് പ്രണയത്തിലേക്കും ഒടുവിൽ വിവാ​ഹത്തിലേക്കും എത്തിയത്.

ALSO READ: സ്ഥാനാർത്ഥികളെ സിനിമ പറഞ്ഞ് പരിചയപ്പെടുത്തേണ്ട ​ഗതികേട്…; സ്നേഹ ശ്രീകുമാർ

തന്റെ വ്യക്തി ജീവിതത്തെ കുറിച്ച് അനാവശ്യമായി വാർത്തകൾ പ്രചരിക്കാതിരിക്കാനാണ് ബന്ധം വേർപ്പെടുത്തിയ വിവരം സോഷ്യൽമീഡിയ വഴി അറിയിച്ചതെന്നാണ് മീര പറയുന്നത്. തെറ്റായ കാര്യങ്ങൾ പരക്കാതിരിക്കാനും തെറ്റിദ്ധാരണ ഉണ്ടാകാതിരിക്കാനുമാണ് ഞാൻ വിവാഹ​മോചിതയാണെന്ന് വെളിപ്പെടുത്തിയത്. ഇതെല്ലാം സംഭവിക്കുമെന്ന് നേരത്തെ തന്നെ മനസ്സിലാക്കിയിരുന്നു.

എനിക്ക് തെറ്റുകൾ പറ്റിയിട്ടുണ്ട്. എനിക്കൊന്നും ഒളിപ്പിക്കാനില്ല. ഇപ്പോഴുള്ള ജീവിതവുമായി മുന്നോട്ട് പോകണം. കരിയറിൽ ഞാൻ ഇപ്പോൾ വളരെ ബിസിയാണ്. ഇപ്പോഴുള്ള ജീവിതത്തിലും വളരെ ഹാപ്പിയാണ്. എന്റെ ജീവിതത്തിലെ വളരെ മനോഹരമായ ഒരു ഘട്ടത്തിലാണ് ഞാൻ എത്തിനിൽക്കുന്നത്. അനുഭവങ്ങളിൽ നിന്ന് പഠിച്ച് വളരണം.

പ്രശ്നങ്ങളുമായി എൻ്റെ അടുത്ത് വരരുതെന്നാണ് അച്ഛൻ പറയുന്നത്. ഒപ്പം പരിഹാര മാർ​ഗങ്ങളോ ചോയ്സുകളോ കൊണ്ടുവരണം ശേഷം ചർച്ച ചെയ്ത് തീരുമാനിക്കാം എന്നാണ് അച്ഛൻ പഠിപ്പിച്ചത്. ഇപ്പോഴും അച്ഛന്റേയും അമ്മയുടേയും മോന്റെയും നിർദേശങ്ങൾ തന്നെയാണ് ജീവിതത്തിൽ ഞാൻ ഉപയോ​ഗിക്കുന്നത്. കുട്ടികൾ വളരെ ഇന്റലിജെന്റാണ്. ചിലപ്പോഴൊക്കെ ഞങ്ങളുടെ സംസാരം കേട്ട് മോൻ പരിഹാരം കണ്ടെത്തി തരും.