Nimish Ravi: ‘അച്ഛാ ഞാന്‍ വിവാഹം കഴിക്കാന്‍ പോകുന്നു’; നിമിഷ്-അഹാന കല്യാണത്തെ കുറിച്ച് കൃഷ്ണകുമാര്‍
Krishna Kumar Opens Up About Ahaana Krishna and Nimish Ravi: അവരൊക്കെ വീട്ടില്‍ വരാറുണ്ട്, ഞാനും പണ്ട് ഇതുപോലെ ആയിരുന്നു. സിന്ധുവിനെ എന്റെ വീട്ടില്‍ കൊണ്ടുപോകാറുണ്ടായിരുന്നു. എന്ത് ആവശ്യമുണ്ടെങ്കിലും ഇപ്പോള്‍ തന്നെ അവരോടെല്ലാം പറയാം.
കൃഷ്ണകുമാര്‍, അഹാന, നിമിഷ് രവി
നടി അഹാന കൃഷ്ണയുടെ വിവാഹം എന്നാണെന്നറിയാനുള്ള ആകാംക്ഷയിലാണ് ആരാധകര്‍. ഇളയ സഹോദരി വിവാഹിതയായിട്ടും അഹാന എന്തുകൊണ്ട് വിവാഹം കഴിക്കുന്നില്ലെന്ന സംശയം അവര്‍ക്ക് എപ്പോഴുമുണ്ട്. അഹാന ഉടന്‍ വിവാഹം കഴിക്കുമെന്ന് പറയുകയാണിപ്പോള്‍ താരത്തിന്റെ അച്ഛനും നടനുമായ കൃഷ്ണകുമാര്‍. വെറൈറ്റി മീഡിയക്ക് നല്‍കിയ അഭിമുഖത്തിലാണ് അദ്ദേഹം മനസ് തുറക്കുന്നത്.
“അഹാന കഴിഞ്ഞ ദിവസം മെസേജ് അയച്ച്, കല്യാണം കഴിക്കാന്‍ പോകുകയാണെന്ന് പറഞ്ഞു. ഞങ്ങളോട് അവതരിപ്പിക്കുകയേ വേണ്ട. മക്കള്‍ ഓരോരുത്തരും ആരെയെല്ലാമാണ് കല്യാണം കഴിക്കാന്‍ പോകുന്നതെന്ന് അവര്‍ക്കുമറിയാം, എനിക്കുമറിയാം. നമുക്കും എത്ര സുഖം, സമാധാനം.
അവരൊക്കെ വീട്ടില്‍ വരാറുണ്ട്, ഞാനും പണ്ട് ഇതുപോലെ ആയിരുന്നു. സിന്ധുവിനെ എന്റെ വീട്ടില്‍ കൊണ്ടുപോകാറുണ്ടായിരുന്നു. എന്ത് ആവശ്യമുണ്ടെങ്കിലും ഇപ്പോള്‍ തന്നെ അവരോടെല്ലാം പറയാം. അശ്വിനെ അത് ചെയ്‌തേക്കണേ, അര്‍ജുനേ ഇങ്ങനെയാണേ, നിമിഷേ അങ്ങനെയാണേ എന്നെല്ലാം.
Also Read: Nimish Ravi: നിമിഷ് രവിയും അഹാനയും വിവാഹിതരാകാന്‍ പോകുന്നു, തീയതി ഇതോ?
നിമിഷിന്റെ അച്ഛന് രവിയുമായി എനിക്ക് 35 കൊല്ലത്തെ പരിചയമാണ്. അദ്ദേഹം സിനിമാ പ്രൊഡ്യൂസറായിരുന്നു. വര്‍ഷങ്ങള്‍ക്ക് മുമ്പ് അഹാനയും നിമിഷും ഒരു ഷോര്‍ട്ട് ഫിലിം ചെയ്തപ്പോഴാണ് ഞാന്‍ അവനെ പരിചയപ്പെടുന്നത്. അതിശയകരമായ വളര്‍ച്ചയാണ് നിമിഷിന്റേത്. അവന്റെ അച്ഛന് ഒരുപാട് മോഹങ്ങളുണ്ടായിരുന്നു. അദ്ദേഹം സിനിമയില്‍ കുറേ ഇന്‍വെസ്റ്റ് ചെയ്തിരുന്നു. കുറേ പൈസ പോയ മനുഷ്യനാണ്. അന്നത്തെ കഷ്ടപ്പാടുകള്‍ക്ക് ദൈവം മക്കളിലൂടെയാകും കൊടുക്കുന്നത്, ഗംഭീര വിജയം കൊടുക്കുമായിരിക്കും. നിമിഷ് വളരെ ഹംബിളും സിമ്പിളുമാണ്, അച്ഛനമ്മമാരുടെ ക്വാളിറ്റിയായരിക്കാം അത്,” കൃഷ്ണകുമാര്‍ പറയുന്നു.
