K Pop: ഓസ്കാറിൽ മുത്തമിട്ട് ഗോൾഡൻ, ബിടിഎസ്-ലൂടെ പടർന്ന് പിടിച്ച കെ പോപ്പ് തരംഗം
Rise of K-Pop Industry: സിയോൾ എന്ന നഗരത്തിൽ നിന്ന് ലോകമൊട്ടാകെ പടർന്ന് പന്തലിച്ച കെ-പോപ്പിന്റെ വളർച്ച ഹോളിവുഡിനെ പോലും അതിശയിപ്പിക്കുന്നതാണ്. ദക്ഷിണകൊറിയയുടെ സമ്പത്ത് വ്യവ്സ്ഥയിൽ പോലും കെ-പോപ്പിന് വലിയ സ്ഥാനമുണ്ട്.
സിയോളിലെ തെരുവുകളിൽ നിന്ന് ആരംഭിച്ച് ഇന്ന് ലോകത്തിന്റെ ഓരോ കോണിലും അലയടിക്കുന്ന ആവേശമായി കെ-പോപ്പ് മാറിയിരിക്കുകയാണ്. സംഗീതം, ഫാഷൻ, നൃത്തം എന്നിവയെ സമന്വയിപ്പിച്ചുകൊണ്ടുള്ള ദക്ഷിണ കൊറിയൻ സംസ്കാരം ആഗോളതലത്തിൽ നടത്തിയ പടയോട്ടത്തിന്റെ ഏറ്റവും പുതിയ തെളിവാണ് ‘കെ-പോപ്പ് ഡീമൺ ഹണ്ടേഴ്സ്’ നേടിയ ഓസ്കാർ വിജയം.
കെ-പോപ്പ് ഡീമൺ ഹണ്ടേഴ്സ്’ (K-Pop Demon Hunters) എന്ന അനിമേഷൻ ചിത്രത്തിലെ ‘ഗോൾഡൻ’ എന്ന ഗാനമാണ് ഇത്തവണ മികച്ച ഒറിജിനൽ സോങ്ങിനുള്ള ഓസ്കാർ കരസ്ഥമാക്കിയത്. ഈ വിഭാഗത്തിൽ പുരസ്കാരം നേടുന്ന ആദ്യ കെ-പോപ്പ് ഗാനമാണിത്. ഗോൾഡൻ ഗ്ലോബിന് പിന്നാലെ ഓസ്കാറിലും ചരിത്രംകുറിച്ച കെപോപ്പ് ഗാനമായി ഗോൾഡൻ മാറി. കൂടാതെ, ഈ വിഭാഗത്തിൽ ഓസ്കാർ നേടുന്ന ആദ്യ ദക്ഷിണ കൊറിയൻ കലാകാരന്മാരായി ഗായിക എജെ (Ejae), ഐഡോ (Ido), ടെഡി പാർക്ക് (Teddy Park) എന്നിവർ മാറി.
മികച്ച ഒറിജിനൽ സോങ്ങിന് പുറമെ, ‘മികച്ച അനിമേഷൻ ചിത്രം’ എന്ന പുരസ്കാരവും ഈ സിനിമ സ്വന്തമാക്കി. മേക്കപ്പിന്റെ പേരിൽ പോലും കെ പോപ്പിനെ വിമർശിക്കുന്നവർക്കുള്ള മറുപടിയാണിത്. സിയോൾ എന്ന നഗരത്തിൽ നിന്ന് ലോകമൊട്ടാകെ പടർന്ന് പന്തലിച്ച കെ-പോപ്പിന്റെ വളർച്ച ഹോളിവുഡിനെ പോലും അതിശയിപ്പിക്കുന്നതാണ്. ദക്ഷിണകൊറിയയുടെ സമ്പത്ത് വ്യവ്സ്ഥയിൽ പോലും കെ-പോപ്പിന് വലിയ സ്ഥാനമുണ്ട്.
ALSO READ: ഈ ഏഴ് പേർ ചേർന്നാൽ…പിന്നെ പറയണോ? ഞെട്ടിച്ച് ബിടിഎസ്; ട്രെയിലർ പുറത്ത്
ബിടിഎസ്-ൽ നിന്ന് കെ-പോപ്പിലേക്ക്
കെ പോപ്പ് ഗാനം ആണെന്ന് പോലും അറിയാതെ ഗന്നം സ്റ്റൈൽ പാടി നടന്ന മലയാളികൾക്കിടയിൽ പോലും ഇന്ന് കെ പോപ്പ് വലിയൊരു സ്വാധീനം ചെലുത്തുന്നുണ്ട്. അതിന് മുഖ്യകാരണം ബിടിഎസ് എന്ന ബോയ് ബാൻഡ് തന്നെ. കോവിഡ് സമയത്താണ് ബിടിഎസ് കൂടുതലും ലോകശ്രദ്ധ നേടി തുടങ്ങിയത്. ബിടിഎസ്-ലൂടെ ബ്ലാക്ക്പിങ്കും, എക്സോയുമെല്ലാം ഭാഷയുടെയും സംസ്കാരത്തിന്റെയും അതിർവരമ്പുകൾ കടന്ന് കോടിക്കണക്കിന് ആരാധകരെ സ്വന്തമാക്കി.
ഇപ്പോഴിതാ, നാല് വർഷത്തെ ഇടവേളയ്ക്ക് ശേഷം തിരിച്ചെത്തുന്ന ബിടിഎസ്-ന് വേണ്ടി കാത്തിരിക്കുകയാണ് ലോകം. മാർച്ച് 20-ന് പുറത്തിറങ്ങുന്ന പുതിയ ആൽബമായ ‘അരിരംഗിന്’ പിന്നാലെ മാർച്ച് 21-ന് സിയോളിലെ ഗ്വാങ്വാമുനിൽ അതിഗംഭീര കോൺസർട്ടാണ് അരങ്ങേറുന്നത്. നേരിട്ട് കാണാൻ സാധിക്കാത്ത ആരാധകർക്ക് നെറ്റ്ഫ്ലിക്സിന്റെ വക തത്സമയ സംപ്രേക്ഷണവുമുണ്ട്.
